நெல்லை அருகே வாகன சோதனையின் போது ஏற்பட்ட மோதலில், ஆத்திரமடைந்த சிறுவர்கள் புறக்காவல் நிலையம் மீது பெட்ரோல் குண்டு வீசிய சம்பவம் பெரும் பரபரப்பை ஏற்படுத்தியுள்ளது.
இச்சம்பவம் குறித்து உயர் அதிகாரிகளுக்குத் தகவல் தெரிவிக்காமல் மறைக்க முயன்றதாக, உளவுத்துறை காவலர் உட்பட மூன்று போலீசாரை ஆயுதப்படைக்கு அதிரடியாக இடமாற்றம் செய்து மாவட்ட காவல்துறை கண்காணிப்பாளர் உத்தரவிட்டுள்ளார்.
நெல்லை மாவட்டம் மானூர் காவல் நிலைய எல்லைக்கு உட்பட்ட ராமையன்பட்டி பகுதியில் தற்காலிகப் புறக்காவல் நிலையம் ஒன்று செயல்பட்டு வருகிறது. கடந்த 18-ஆம் தேதி இரவு, இந்த புறக்காவல் நிலையத்தின் முன்பாக மானூர் உதவி ஆய்வாளர் சஜி தலைமையிலான போலீசார் தீவிர வாகன சோதனையில் ஈடுபட்டிருந்தனர்.
அப்போது, ஒரே இருசக்கர வாகனத்தில் 17 வயது மதிக்கத்தக்க மூன்று சிறுவர்கள் அதிவேகமாக வந்துள்ளனர். விதிகளை மீறி ஆபத்தான முறையில் பயணித்த அவர்களை தடுத்து நிறுத்திய போலீசார், உரிய முறையில் கண்டித்துள்ளனர். மேலும், அந்த இருசக்கர வாகனத்தின் சாவியை பறிமுதல் செய்த போலீசார், “பெற்றோரை அழைத்து வந்தால் மட்டுமே வாகனம் ஒப்படைக்கப்படும்” எனக் கூறி சிறுவர்களை அங்கிருந்து அனுப்பி வைத்தனர்.
Also read: பழிவாங்கும் நடவடிக்கையா? கன்னியாகுமரி ஆட்சியரை கண்டித்து அரசு ஊழியர்கள் போராட்டம் தீவிரம்
போலீசாரின் இந்த நடவடிக்கையால் கடும் ஆத்திரமடைந்த அச்சிறுவர்கள், காவல்துறையினரைப் பழிவாங்கத் திட்டமிட்டுள்ளனர். அதன்படி, சிறிது நேரத்திலேயே பெட்ரோல் நிரப்பப்பட்ட பாட்டிலுடன் ராமையன்பட்டி புறக்காவல் நிலையத்திற்குத் திரும்பியுள்ளனர். யாரும் எதிர்பாராத விதமாக, அந்தப் பெட்ரோல் பாட்டிலில் தீ பற்றவைத்து, புறக்காவல் நிலையத்தின் வடக்குப் பகுதியை நோக்கிக் வீசிவிட்டு, இருசக்கர வாகனத்தில் தப்பியோடினர்.
குண்டு வீசப்பட்டவுடன் புறக்காவல் நிலையத்தின் ஒரு பகுதியில் தீப்பிடித்து எரியத் தொடங்கியது. அப்போது அங்கு பணியில் இருந்த மானூர் காவல் நிலைய தலைமை காவலர் சுடலைக்கண்ணு மற்றும் இரண்டாம் நிலை காவலர் ஆனந்தபாண்டியன் ஆகியோர் துரிதமாகச் செயல்பட்டு, தண்ணீரை ஊற்றி தீயை அணைத்தனர். இதனால் பெரும் விபத்தோ, சேதமோ தவிர்க்கப்பட்டது.
இருப்பினும், காவல் நிலையம் மீதே பெட்ரோல் குண்டு வீசப்பட்ட இந்த அதிர்ச்சிகரமான மற்றும் சட்டம்-ஒழுங்கு சார்ந்த முக்கியப் பிரச்சினை குறித்து, அங்கு பணியில் இருந்த காவலர்களோ அல்லது அப்பகுதி உளவுத்துறை காவலர் அந்தோணியோ உடனடியாக மாவட்ட உயர் அதிகாரிகளுக்குத் தகவல் தெரிவிக்கவில்லை என்று கூறப்படுகிறது. துறையின் முக்கியத் தகவல்களை உடனுக்குடன் மேலிடத்திற்குக் கொண்டு சேர்க்க வேண்டிய உளவுப்பிரிவு காவலரும் இச்சம்பவத்தை மூடி மறைக்க முயன்றதாகத் தெரிகிறது.
இதற்கிடையே, பெட்ரோல் குண்டு வீசிவிட்டுத் தப்பிய சிறுவர்களைப் பிடிக்கும் முயற்சியில் போலீசார் ரகசியமாக ஈடுபட்டனர். தீவிரத் தேடுதல் வேட்டைக்குப் பிறகு, கடந்த 19-ஆம் தேதி சம்பந்தப்பட்ட மூன்று சிறுவர்களையும் போலீசார் கைது செய்தனர். அதன் பிறகே, மிகவும் தாமதமாக இச்சம்பவம் குறித்து மானூர் காவல் நிலையத்தில் பாரதிய நியாய சன்ஹிதா (BNS) மற்றும் வெடிபொருள் தடுப்புச் சட்டத்தின் கீழ் முறைப்படி வழக்குப்பதிவு செய்யப்பட்டது. பிடிபட்ட மூன்று சிறுவர்களும் நெல்லையில் உள்ள சிறுவர் கூர்நோக்கு இல்லத்தில் (சிறார் சீர்திருத்தப் பள்ளி) சேர்க்கப்பட்டனர்.
தப்பியோடிய சிறுவர்கள் பிடிபட்ட பின்னரே, புறக்காவல் நிலையம் மீது பெட்ரோல் குண்டு வீசப்பட்ட விவகாரம் மாவட்ட காவல்துறை உயர் அதிகாரிகளின் கவனத்திற்குச் சென்றது. இவ்வளவு பெரிய சட்டம்-ஒழுங்குப் பிரச்சினையை தங்களுக்குத் தெரிவிக்காமல் ரகசியமாக வைத்திருந்தது குறித்து உயர் அதிகாரிகள் கடும் அதிருப்தி அடைந்தனர்.
இதனைத் தொடர்ந்து நடத்தப்பட்ட முதற்கட்ட விசாரணையின் அடிப்படையில், இச்சம்பவத்தை உயர் அதிகாரிகளுக்குத் தெரிவிக்காமல் மறைத்ததாகக் கூறி, தலைமை காவலர் சுடலைக்கண்ணு, இரண்டாம் நிலை காவலர் ஆனந்தபாண்டியன் மற்றும் தனது எல்லைக்குள் நடந்த இந்த முக்கிய நிகழ்வு குறித்து உரிய நேரத்தில் உளவுத் தகவல் சேகரித்து அனுப்பத் தவறிய உளவுப்பிரிவு காவலர் அந்தோணி ஆகிய மூன்று பேரையும் அதிரடியாக ஆயுதப்படைக்கு இடமாற்றம் செய்து மாவட்ட காவல்துறை தலைமையகம் உத்தரவிட்டுள்ளது.
காவல் நிலையம் மீதே சிறுவர்கள் பெட்ரோல் குண்டு வீசிய சம்பவமும், அதனைத் தொடர்ந்து தகவல் மறைப்பு விவகாரத்தில் மூன்று காவலர்கள் அதிரடியாக ஆயுதப்படைக்கு தூக்கியடிக்கப்பட்ட சம்பவமும் நெல்லை மாவட்ட காவல்துறை வட்டாரத்தில் பெரும் பரபரப்பை ஏற்படுத்தியுள்ளது.
- 20 டாஸ்மாக் ஊழியர்கள் திடீர் சஸ்பெண்ட் ; 200 ஊழியர்கள் போராட்டம்..
20 டாஸ்மாக் ஊழியர்கள் சஸ்பெண்ட்: 200 பேர் முற்றுகைப் போராட்டம் – ஆகஸ்ட் 28 வேலைநிறுத்தத்தை முடக்க முயற்சி என குற்றச்சாட்டு நெல்லை, ஆக.24:2026ஆகஸ்ட் 28 ம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் நோக்கில் 20 டாஸ்மாக் ஊழியர்கள் சஸ்பெண்ட் செய்யப்பட்டுள்ளதாக குற்றம்சாட்டி, நெல்லையில் 200-க்கும் மேற்பட்ட டாஸ்மாக் ஊழியர்கள் மாவட்ட மேலாளர் அலுவலகத்தை முற்றுகையிட்டு போராட்டத்தில் ஈடுபட்டனர். நெல்லை மற்றும் தென்காசி மாவட்டங்களில் டாஸ்மாக் கடைகளில் அதிகாரிகள் நடத்திய ஆய்வின் அடிப்படையில்,… Read more: 20 டாஸ்மாக் ஊழியர்கள் திடீர் சஸ்பெண்ட் ; 200 ஊழியர்கள் போராட்டம்.. - ஆந்திரா, கர்நாடகாவை முந்திய தமிழகம்: காற்றாலை மின் உற்பத்தியில் புதிய வரலாற்று சாதனை!நெல்லை , ஜூலை 1: நெல்லை மாவட்டத்தின் பணகுடி, காவல்கிணறு உள்ளிட்ட தென் மாவட்டப் பகுதிகளில் தென்மேற்கு பருவக்காற்று தீவிரமடைந்துள்ளதை அடுத்து, காற்றாலை மின் உற்பத்தியில் தமிழகம் புதிய வரலாற்றுச் சாதனையை நிகழ்த்தியுள்ளது. அண்டை மாநிலங்களான ஆந்திர பிரதேசம் மற்றும் கர்நாடகாவை மிக அதிக வித்தியாசத்தில் பின்னுக்குத் தள்ளி, ஒட்டுமொத்த தென்னிந்தியாவிலேயே காற்றாலை மின் உற்பத்தியில் தமிழகம் முதலிடத்தைப் பிடித்து அசத்தியுள்ளது. தமிழகத்தின் ஒட்டுமொத்த மின் தேவையைப் பூர்த்தி செய்வதில் அனல் மின் நிலையங்கள் மற்றும் கூடங்குளம்… Read more: ஆந்திரா, கர்நாடகாவை முந்திய தமிழகம்: காற்றாலை மின் உற்பத்தியில் புதிய வரலாற்று சாதனை!
- அரசு மருத்துவமனைகளில் ரீல்ஸ் எடுக்க தடை: தமிழக அரசு அதிரடி உத்தரவுசென்னை , ஜூன் 30 : சமூக ஊடகங்களில் பரவி வரும் ரீல்ஸ் மோகம் பொதுமக்களுக்குப் பெரும் இடையூறாக மாறி வரும் நிலையில் அரசு மருத்துவமனைகள் மற்றும் ஆரம்ப சுகாதார நிலையங்களில் வீடியோ மற்றும் புகைப்படங்கள் எடுக்கத் தமிழக சுகாதாரத்துறை அதிரடியாகத் தடை விதித்துள்ளது. தங்களின் சுய விளம்பரத்திற்காகவும் சமூக வலைதளங்களில் லைக்குகளைப் பெறுவதற்காகவும் பொது இடங்களைச் சற்றும் மதிக்காமல் செயல்படும் நபர்களுக்குக் கடிவாளம் போடும் வகையில் இந்த உத்தரவு பிறப்பிக்கப்பட்டுள்ளது. சமீபகாலமாக இரயில் நிலையங்கள், பேருந்து… Read more: அரசு மருத்துவமனைகளில் ரீல்ஸ் எடுக்க தடை: தமிழக அரசு அதிரடி உத்தரவு
- பள்ளி அங்கீகார மோசடி: ரூ.200 கோடியைத் தாண்டும் திடுக்கிடும் பின்னணிசென்னை , ஜூன் 30: தமிழகத்தில் தனியார் பள்ளிகளுக்கு அரசு அங்கீகாரம் மற்றும் கட்டிட அனுமதி பெற்றுத் தருவதாகக் கூறி பல கோடி ரூபாய் மோசடி செய்யப்பட்ட விவகாரம் தற்போது பூதாகரமாக வெடித்துள்ளது. இந்த விவகாரத்தில் கைதான நபர்களிடம் நடத்தப்பட்ட முதற்கட்ட விசாரணையில் மோசடித் தொகை இருநூறு கோடி ரூபாயைத் தாண்டும் என்ற அதிர்ச்சித் தகவல் வெளியாகியுள்ளது. பாதிக்கப்பட்ட பள்ளி நிர்வாகிகளிடம் சென்னை மத்திய குற்றப்பிரிவு போலீசார் தீவிரமாக வாக்குமூலம் பெற்று வரும் நிலையில் இந்த வழக்கின்… Read more: பள்ளி அங்கீகார மோசடி: ரூ.200 கோடியைத் தாண்டும் திடுக்கிடும் பின்னணி
- பாலியல் குற்றவாளிகள் இனி தப்பிக்க முடியாது! 8 கலர் திட்டம் அறிமுகம் செய்த TN போலீஸின் அதிரடி ஸ்கெட்ச்!!சென்னை , ஜூன் 20 : தமிழகத்தில் பெண்களுக்கு எதிரான குற்றங்களைத் தடுக்கவும், பாலியல் குற்றவாளிகளைக் கண்காணித்து ஒடுக்கவும் “வண்ணக் குறியீட்டுடன் கூடிய புதிய வகைப்பாட்டு முறைய” (Color-Coded Classification System) மாநிலக் காவல் துறை அதிகாரப்பூர்வமாக அறிமுகப்படுத்தியுள்ளது. குற்றங்களின் தீவிரம் மற்றும் சம்பந்தப்பட்ட நபர்கள் மீண்டும் குற்றங்களில் ஈடுபடும் சாத்தியக்கூறுகள் ஆகியவற்றின் அடிப்படையில் குற்றவாளிகள் எட்டு வெவ்வேறு வண்ணப் பிரிவுகளின் கீழ் பிரிக்கப்பட்டு தீவிரமாகக் கண்காணிக்கப்பட உள்ளதாகக் காவல் துறை வட்டாரங்கள் தெரிவிக்கின்றன. பெண்களுக்கு எதிரான… Read more: பாலியல் குற்றவாளிகள் இனி தப்பிக்க முடியாது! 8 கலர் திட்டம் அறிமுகம் செய்த TN போலீஸின் அதிரடி ஸ்கெட்ச்!!
- தனியார் மருத்துவ கல்லூரிகளில் கட்டண முறைகேடு? புகார்கள் குவிந்ததால் முதல்வர் விஜய் அதிரடி நடவடிக்கைசென்னை , ஜூன் 30: தமிழகத்தில் உள்ள தனியார் பல் மருத்துவக் கல்லூரிகளில் அரசு நிர்ணயித்த கட்டணத்தை விடக் கூடுதலாகக் கட்டணம் வசூலிக்கப்படுவதாக எழுந்த புகார்களை அடுத்து சம்பந்தப்பட்ட மூன்று கல்லூரிகளில் நேரில் ஆய்வு செய்து ஒரு வாரத்திற்குள் அறிக்கை சமர்ப்பிக்க அரசு விசாரணைக்குழு அமைக்கப்பட்டுள்ளது. தமிழகத்தில் செயல்பட்டு வரும் சில தனியார் பல் மருத்துவக் கல்லூரிகளில் மாணவர்களிடம் அரசு நிர்ணயம் செய்த கட்டணத் தொகையைத் தாண்டி கூடுதல் தொகை வசூலிக்கப்படுவதாகத் தொடர்ச்சியான குற்றச்சாட்டுகள் எழுந்தன. இது… Read more: தனியார் மருத்துவ கல்லூரிகளில் கட்டண முறைகேடு? புகார்கள் குவிந்ததால் முதல்வர் விஜய் அதிரடி நடவடிக்கை
