சிவகங்கை,May 21: முதல்வர் குறித்து அவதூறு பேச்சு? பேருந்து நடத்துனர் மீது TVK அதிரடி மனு!சிவகங்கை மாவட்டத்தில் தனியார் பேருந்து நடத்துனர் ஒருவர் தமிழக முதலமைச்சர் குறித்து அவதூறாக பேசியதாக எழுந்த குற்றச்சாட்டு அரசியல் வட்டாரங்களில் பரபரப்பை ஏற்படுத்தியுள்ளது. இதுகுறித்து சம்பந்தப்பட்ட நபர் மீது சட்ட நடவடிக்கை எடுக்க வேண்டும் என தமிழக வெற்றி கழகத்தினர் சிவகங்கை மாவட்ட காவல் கண்காணிப்பாளரிடம் மனு அளித்தனர்.
சிவகங்கை மாவட்ட பேருந்து நிலையத்தில் இயங்கி வரும் தனியார் பேருந்தில் பணியாற்றி வரும் நடத்துனர் ஒருவர், சமீபத்தில் யூடியூப் சேனல் ஒன்றுக்கு பேட்டி அளித்த பேட்டியில் தமிழக அரசின் இலவச பேருந்து திட்டம் குறித்து கருத்து தெரிவித்த அவர், முதலமைச்சரை ஒருமையில் விமர்சித்ததுடன் அவதூறாக பேசியதாக குற்றச்சாட்டு எழுந்துள்ளது.
இந்த விவகாரம் சமூக வலைதளங்களில் பரவியதைத் தொடர்ந்து, அரசியல் கட்சியினரிடையே எதிர்ப்பும் அதிகரித்தது. குறிப்பாக பெண்களுக்கான இலவச பேருந்து திட்டத்தை விமர்சிக்கும் வகையில் அவர் பேசியதுடன், அரசின் நலத்திட்டங்களை இழிவுபடுத்தும் நோக்கத்திலும் கருத்து தெரிவித்ததாக தமிழக வெற்றி கழகத்தினர் குற்றம்சாட்டியுள்ளனர்.
இதனையடுத்து, சிவகங்கை தெற்கு ஒன்றிய கழகத்தின் சார்பில் ஒன்றிய செயலாளர் பரமேஸ்வரன் தலைமையில் நிர்வாகிகள் குழுவாக இன்று சிவகங்கை மாவட்ட காவல் கண்காணிப்பாளர் அலுவலகத்துக்குச் சென்று மனு அளித்தனர். அந்த மனுவில், பொதுமக்கள் மத்தியில் தவறான கருத்து பரவச் செய்யும் வகையில் நடத்துனர் பேசியுள்ளதாகவும், இது சமூக அமைதிக்கும் அரசியல் மரியாதைக்கும் பாதிப்பை ஏற்படுத்தக்கூடியதாக இருப்பதாகவும் குறிப்பிடப்பட்டுள்ளது.
மேலும், அரசின் மக்கள் நலத் திட்டங்கள் குறித்து தவறான தகவல்களை பரப்புவது குழப்ப நிலையை உருவாக்கும் என்றும், பொது மேடைகளில் பொறுப்பற்ற வகையில் பேசுபவர்கள் மீது உரிய நடவடிக்கை எடுக்கப்பட வேண்டும் என்றும் அவர்கள் வலியுறுத்தியுள்ளனர். குறிப்பாக முதலமைச்சர் குறித்து ஒருமையில் பேசியிருப்பது ஏற்றுக்கொள்ள முடியாதது என்றும், இது போன்ற செயல்கள் சமூகத்தில் தவறான முன்னுதாரணமாக மாறக்கூடும் என்றும் மனுவில் தெரிவிக்கப்பட்டுள்ளது.
மனுவை பெற்ற காவல் துறை அதிகாரிகள், அதுகுறித்து விசாரணை நடத்தி தேவையான நடவடிக்கை எடுக்கப்படும் என தெரிவித்ததாக கூறப்படுகிறது. இந்த சம்பவம் தொடர்பாக அரசியல் வட்டாரங்களிலும், சமூக வலைதளங்களிலும் தொடர்ந்து விவாதம் நடைபெற்று வருகிறது.
சமூக ஊடகங்கள் மற்றும் யூடியூப் சேனல்கள் வழியாக வெளியாகும் கருத்துகள் தொடர்பாக அண்மைக்காலமாக பல்வேறு சர்ச்சைகள் எழுந்து வரும் நிலையில், பொதுவெளியில் பேசப்படும் கருத்துகளுக்கு பொறுப்புணர்வு அவசியம் என சமூக ஆர்வலர்கள் கருத்து தெரிவித்து வருகின்றனர். குறிப்பாக அரசியல் தலைவர்கள், அரசு திட்டங்கள் மற்றும் பொது நிர்வாகம் குறித்து வெளியிடப்படும் கருத்துகள் சட்ட வரம்புக்குள் இருக்க வேண்டும் என்பதும் வலியுறுத்தப்படுகிறது.
இந்நிலையில், சிவகங்கை மாவட்டத்தில் நடைபெற்ற இந்த சம்பவம் அரசியல் ரீதியாக மேலும் கவனம் பெற்றுள்ளது. மேலும், தமிழக அரசின் நலத்திட்டங்களை இழிவுபடுத்தும் வகையிலும், பொது மக்களிடையே குழப்பம் ஏற்படுத்தும் விதத்திலும் கருத்து தெரிவித்துள்ளதாக குற்றம்சாட்டிய அவர்கள், சம்பந்தப்பட்ட நபர் மீது உடனடி நடவடிக்கை எடுக்க வேண்டும் என்று காவல் துறையினரிடம் கோரிக்கை வைத்துள்ளனர். காவல் துறையின் அடுத்த கட்ட நடவடிக்கை என்னவாக இருக்கும் என்பது எதிர்பார்ப்பை ஏற்படுத்தியுள்ளது.
- மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ்
சென்னை , ஜூன் 10 : காவிரி நதியின் குறுக்கே மேகதாது என்ற இடத்தில் புதிய அணையைக் கட்டுவதற்குத் தமிழக அரசின் அனுமதி இல்லாமல் கர்நாடக அரசு விரிவான திட்ட அறிக்கை (DPR) தயாரித்திருப்பது முற்றிலும் சட்டவிரோதமானது என்றும் இதற்கு மத்திய அரசு அனுமதி வழங்கக் கூடாது என்றும் பாட்டாளி மக்கள் கட்சியின் தலைவர் மருத்துவர் அன்புமணி ராமதாஸ் வலியுறுத்தியுள்ளார். சென்னையில் செய்தியாளர்களைச் சந்தித்த அவர் தமிழகம் சந்தித்து வரும் பல்வேறு பொதுப் பிரச்சினைகள் மற்றும் உரிமைகள்… Read more: மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ் - நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு
திருநெல்வேலி , ஜூன் 10 : தென்னக ரயில்வேயின் மதுரை கோட்டத்தில் அதிக வருவாய் ஈட்டித் தரும் முக்கிய ரயில் நிலையங்களில் ஒன்றாக விளங்கும் திருநெல்வேலி சந்திப்பு ரயில் நிலையத்தில் புதிதாக அமைக்கப்பட்டு வரும் ஆறாவது நடைமேடை வரும் ஜூலை மாதத்தில் பயணிகளின் பயன்பாட்டுக்கு கொண்டு வரப்படும் என்று ரயில்வே அதிகாரிகள் தெரிவித்துள்ளனர். இதையொட்டி அங்கு மேற்கொள்ளப்பட்டு வரும் இறுதிக்கட்டப் பணிகளை உயர்மட்ட அதிகாரிகள் குழுவினர் நேரில் பார்வையிட்டு விரிவான கள ஆய்வு மேற்கொண்டனர். நெல்லை சந்திப்பு… Read more: நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு - இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை
சிறப்பு செய்தி , ஜூன் 10 : மேற்காசிய பிராந்தியத்தில் தொடர்ந்து நீடித்து வரும் தீவிரப் போர் பதற்றங்கள் மற்றும் அண்டை நாடுகளான சீனா, பாகிஸ்தான் எல்லையில் ஏற்பட்டுள்ள பாதுகாப்பு அச்சுறுத்தல்களுக்கு மத்தியில் இந்தியா தனது அணு ஆயுத மேலாண்மை வியூகத்தில் மிக முக்கிய நடைமுறை மாற்றங்களை மேற்கொண்டுள்ளதாக ஸ்டாக்ஹோம் சர்வதேச அமைதி ஆராய்ச்சி நிறுவனம் (SIPRI) தனது புதிய அறிக்கையில் தெரிவித்துள்ளது. சர்வதேச அளவில் ஆயுதக் குறைப்பு மற்றும் பாதுகாப்பு விவகாரங்களை ஆய்வு செய்யும் இந்த… Read more: இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை - பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு
புதுடெல்லி , ஜூன் 10 : தமிழக முதலமைச்சர் சி.ஜோசப் விஜய் மூன்று நாள் அரசுமுறைப் பயணமாக டெல்லி சென்றுள்ளார். அங்கு பல்வேறு அரசியல் தலைவர்கள், குடியரசுத் தலைவர் மற்றும் நாட்டின் முக்கியப் பொறுப்புகளில் உள்ளவர்களைச் சந்திக்க அவர் திட்டமிட்டுள்ளார். கடந்த முறை டெல்லி சென்றிருந்தபோது பிரதமர் நரேந்திர மோடியை மிகக் குறுகிய நேரமே சந்தித்ததாகவும், நிதி அமைச்சர் நிர்மலா சீதாராமனை மட்டுமே சந்தித்ததாகவும் எழுந்த விமர்சனங்களுக்கு விடையளிக்கும் வகையில் இந்த முறை அவரது பயணத் திட்டம்… Read more: பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு - கோவை சூலூர் சிறுமி கொலை வழக்கு – மெகா திருப்பம்.
கோவை , June 10 : கோவை மாவட்டம் சூலூர் பகுதியில் 10 வயது சிறுமி பாலியல் வன்கொடுமை செய்யப்பட்டு படுகொலை செய்யப்பட்ட வழக்கில், விசாரணை தொடங்கப்பட்ட 21-வது நாளிலேயே காவல் துறையினர் நீதிமன்றத்தில் குற்றப்பத்திரிகையைத் தாக்கல் செய்துள்ளனர். தமிழகத்தையே உலுக்கிய இந்த அதிர்ச்சி சம்பவத்தில், அறிவியல் பூர்வமான ஆதாரங்களுடன் இந்த முதற்கட்ட குற்றப்பத்திரிகை சமர்ப்பிக்கப்பட்டுள்ளது. சூலூர் அருகே கடந்த மாதம் 21-ஆம் தேதி 10 வயது சிறுமி ஒருவர் பாலியல் வன்கொடுமைக்கு உள்ளாக்கப்பட்டு மிகக் கொடூரமான… Read more: கோவை சூலூர் சிறுமி கொலை வழக்கு – மெகா திருப்பம்.
