கிருஷ்ணகிரி , ஏப்ரல் 8: நடிகர் விஜய் தலைமையிலான தமிழக வெற்றிக் கழகம் தங்களது தேர்தல் யுக்திகளில் அதிரடியான மாற்றங்களைச் செய்யத் தொடங்கியுள்ளது.
இதன் ஒரு பகுதியாக கிருஷ்ணகிரி மாவட்டத்திற்குட்பட்ட உத்தங்கரை மற்றும் ஹோசூர் ஆகிய இரண்டு சட்டமன்றத் தொகுதிகளுக்கான வேட்பாளர்கள் பட்டியலில் தான் இந்த அதிரடி மாற்றம் நிகழ்ந்துள்ளது. தேர்தல் நெருங்கி வரும் வேளையில் கட்சியின் இந்த திடீர் அறிவிப்பு உள்ளூர் நிர்வாகிகள் மற்றும் தொண்டர்கள் மத்தியில் சற்றே அதிர்ச்சியை ஏற்படுத்தியிருந்தாலும் தேர்தல் களத்தின் முக்கிய நகர்வாகவே பார்க்கப்படுகிறது.
இந்த வேட்பாளர்கள் மாற்றத்திற்கான அதிகாரப்பூர்வக் காரணங்கள் எதையும் தமிழக வெற்றிக் கழகத்தின் தலைமை இன்னும் வெளிப்படையாக அறிவிக்கவில்லை. இருப்பினும் அந்தந்த தொகுதிகளின் கள நிலவரம் சமூகக் கட்டமைப்பு மற்றும் வாக்கு வங்கிக் கணக்கீடுகளின் அடிப்படையில் எடுக்கப்பட்ட மூலோபாய முடிவு என அரசியல் விமர்சகர்கள் கருதுகின்றனர். குறிப்பாக உத்தங்கரை மற்றும் தொழில்துறை நகரமான ஹோசூர் ஆகிய இரு தொகுதிகளிலும் மாற்றுக்கட்சிகளின் பலத்தை எதிர்கொள்ளும் வகையில் இந்த முடிவு எடுக்கப்பட்டிருக்கலாம் எனத் தெரிகிறது.
Also : ஈரான் உச்ச தலைவர் மொஜ்தபா கமேனி கோமா நிலையில் உள்ளாரா? ? மத்திய கிழக்கில் பெரும் பரபரப்பு
ஈரோடு தேர்தல்: 131 வேட்புமனுக்கள் ஏற்பு; 71 மனுக்கள் நிராகரிப்பு
தமிழகத்தில் உள்ள 234 தொகுதிகளிலும் தனித்துப் போட்டி என்று தமிழக வெற்றிக் கழகம் ஏற்கனவே தங்களது அரசியல் நிலைப்பாட்டைத் தீர்க்கமாக அறிவித்திருந்தது. முதல்முறையாகப் பொதுத்தேர்தலைச் சந்திக்கும் ஒரு புதிய கட்சிக்கு அனைத்துத் தொகுதிகளிலும் வலுவான வேட்பாளர்களை நிறுத்துவது என்பது மிக முக்கிய சவாலாகும். அதிலும் குறிப்பாகத் தமிழக எல்லையில் அமைந்துள்ள கிருஷ்ணகிரி போன்றதொரு முக்கிய மாவட்டத்தில் தங்களது செல்வாக்கை நிரூபிக்க வேண்டிய கட்டாயத்தில் TVK உள்ளது.
