சென்னை, May 28: தமிழ்நாடு வீட்டுவசதி வாரியக் குடியிருப்பில் (ஹவுசிங் போர்டு) வீடு வாங்கித் தருவதாகக் கூறி, முதியவர் ஒருவரிடமிருந்து 8 லட்சத்து 40 ஆயிரம் ரூபாய் மோசடி செய்த வழக்கில், பணத்தை ஏமாற்றிய பெண் மிரட்டல் விடுத்ததால் மன உளைச்சலுக்கு ஆளான முதியவர் தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.
சென்னை வண்டலூரை அடுத்த படப்பை சாலமங்கலம் பகுதியைச் சேர்ந்தவர் விஸ்வநாதன் (73). இவருடைய மனைவி தங்கமணி (68). விஸ்வநாதன் தனது பணி நிறைவுக்குப் பிறகு, தனியார் நிறுவனம் ஒன்றில் பாதுகாப்புப் பணியாளராக (செக்யூரிட்டி) வேலை பார்த்து வந்தார். இவருக்குச் சொந்தமாக இருந்த பூர்வீக நிலத்தை அண்மையில் விற்பனை செய்துள்ளார். அந்த நிலத்தை விற்றதன் மூலம் கிடைத்த தொகையைத் தனது வங்கிக் கணக்கில் அவர் சேமித்து வைத்திருந்தார்.
இதற்கிடையே, விஸ்வநாதனின் உறவினரான கலைவாணி என்பவர், படப்பை பகுதியில் புதிதாகக் கட்டப்பட்டு வரும் வீட்டுவசதி வாரியக் குடியிருப்பில் இரண்டு வீடுகளை விஸ்வநாதனுக்கு வாங்கித் தருவதாகக் கூறியுள்ளார். உறவினர் என்ற நம்பிக்கையின் அடிப்படையில், வீடு வாங்குவதற்காக முதற்கட்டமாக 7 லட்சம் ரூபாயைக் கலைவாணியிடம் விஸ்வநாதன் கொடுத்துள்ளார். இந்த கொடுக்கல் வாங்கல் ஒருபுறம் இருக்க, விஸ்வநாதனின் வீட்டிற்கு வந்து சென்ற கலைவாணி, அங்கு வைத்திருந்த விஸ்வநாதனின் ஏடிஎம் கார்டை அவருக்குத் தெரியாமலேயே எடுத்துச் சென்றுள்ளார். பின்னர் விஸ்வநாதனுக்குத் தெரியாமல் அவரது வங்கிக் கணக்கிலிருந்து 1 லட்சத்து 40 ஆயிரம் ரூபாயையும் ரகசியமாக எடுத்துள்ளார்.
கடந்த சில நாட்களுக்கு முன்பு தனது வங்கிக் கணக்கைச் சரிபார்த்த விஸ்வநாதன், அதில் இருந்த பணம் காணாமல் போயிருப்பதைக் கண்டு அதிர்ச்சியடைந்தார். இது குறித்து உடனடியாக படப்பை காவல் நிலையத்தில் அவர் புகார் அளித்தார். காவல்துறையினர் நடத்திய முதற்கட்ட விசாரணையில், கலைவாணிதான் விஸ்வநாதனின் ஏடிஎம் கார்டைத் திருடிச் சென்று, ரகசியமாகப் பணத்தை எடுத்திருப்பது வெளிச்சத்திற்கு வந்தது. அதோடு, வீடு வாங்கித் தருவதாகக் கூறி 7 லட்சம் ரூபாய் வாங்கியதும் விசாரணையில் உறுதி செய்யப்பட்டது.
இதையடுத்து, விஸ்வநாதன் மற்றும் அவரது குடும்பத்தினர் கொடுத்த புகாரின் பேரில், கலைவாணியைக் காவல் நிலையத்திற்கு வரவழைத்துப் போலீசார் விசாரணை நடத்தினர். விசாரணையின் போது, தான் விஸ்வநாதனிடமிருந்து மொத்தம் 8 லட்சத்து 40 ஆயிரம் ரூபாய் பெற்றதை ஒப்புக்கொண்ட கலைவாணி, அந்தப் பணத்தைத் திருப்பித் தந்துவிடுவதாகக் கூறினார். மேலும், பணத்தைத் திருப்பித் தருவதற்குக் கால அவகாசம் தேவைப்படுவதால், ஆறு மாத காலத்திற்குள் முழுத் தொகையையும் கொடுத்துவிடுவதாகப் போலீசார் முன்னிலையிலேயே எழுதிக் கொடுத்துள்ளார்.
காவல் நிலையத்தில் சமரசம் பேசி எழுதிக் கொடுத்த அடுத்த இரண்டு நாட்களிலேயே இந்த விவகாரம் தலைகீழாக மாறியுள்ளது. கலைவாணி, முதியவர் விஸ்வநாதனை நேரில் சந்தித்துப் பணத்தைத் தர முடியாது எனத் திட்டவட்டமாகக் கூறியுள்ளார். மேலும், காவல் துறையினர் என்னை மிரட்டித்தான் அந்தப் பணத்தைக் கொடுப்பதாக எழுதிக் வாங்கினார்கள் என்று உயர் அதிகாரிகளிடம் புகார் அளிப்பேன் என விஸ்வநாதனை மிரட்டியதாகக் கூறப்படுகிறது.
போலீசார் முன்னிலையில் எழுதிக் கொடுத்துவிட்டு, அடுத்த இரண்டு நாட்களிலேயே பெண் இவ்வாறு மிரட்டல் விடுத்ததால், தான் ஏமாற்றப்பட்டதை உணர்ந்த விஸ்வநாதன் கடுமையான மன உளைச்சலுக்கு ஆளானார். வாழ்நாள் சேமிப்பு மற்றும் பூர்வீக நிலத்தை விற்ற பணம் கைவிட்டுப் போன விரக்தியில், கலைவாணி தன்னை ஏமாற்றிய விபரங்களை உருக்கமாக ஒரு கடிதத்தில் எழுதி வைத்துள்ளார். பின்னர், வீட்டில் இருந்த எலி மருந்தை சாப்பிட்டுத் தற்கொலை செய்து கொண்டார்.
இச்சம்பவம் குறித்துத் தகவல் அறிந்து வந்த படப்பை காவல்துறையினர், விஸ்வநாதனின் உடலைக் கைப்பற்றிப் பிரேதப் பரிசோதனைக்காக அனுப்பி வைத்தனர். மேலும், தற்கொலைக்குக் காரணமான கடிதத்தைக் கைப்பற்றி வழக்குப் பதிவு செய்துள்ளனர்.
இது குறித்துப் பேசிய விஸ்வநாதனின் மனைவி தங்கமணி, தனது கணவரின் மரணத்திற்கு முழு காரணமான கலைவாணி மீது காவல்துறையினர் கடுமையான சட்ட நடவடிக்கை எடுத்து, தங்களுக்கு நீதி பெற்றுத் தர வேண்டும் எனக் கண்ணீர் மல்கக் கோரிக்கை விடுத்துள்ளார். தலைமறைவாக உள்ள கலைவாணியைப் பிடிப்பதற்கும், இந்த தற்கொலை வழக்கின் பின்னணி குறித்தும் படப்பை போலீசார் தீவிர விசாரணை மேற்கொண்டு வருகின்றனர்.
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
