CHennai, May 20: CM Vijay தலைமையிலான தவெக அமைச்சரவை விரிவாக்கத்தில் IUML இணையுமா என்ற கேள்வி எழுந்துள்ள நிலையில் அவசர நிர்வாக குழு கூட்டம் கவனம் பெற்றுள்ளது.
தமிழக அரசியல் வட்டாரத்தில் தற்போது அதிக கவனம் பெற்றுள்ள விவகாரமாக CM Vijay தலைமையிலான தமிழக வெற்றி கழகத்தின் அமைச்சரவை விரிவாக்கம் மாறியுள்ளது. இன்னும் ஓரிரு நாட்களில் அமைச்சரவை விரிவாக்கம் நடைபெறலாம் என்ற தகவல்கள் பரவி வரும் நிலையில், கூட்டணி கட்சிகளுடன் தீவிர ஆலோசனைகள் நடைபெற்று வருவதாக அரசியல் வட்டாரங்களில் கூறப்படுகிறது. இந்த சூழ்நிலையில் இந்திய யூனியன் முஸ்லிம் லீக் எனப்படும் IUML கட்சி அமைச்சரவையில் இடம்பெறுமா என்ற கேள்வி அரசியல் வட்டாரங்களில் பெரிய விவாதமாக மாறியுள்ளது.
ஏற்கனவே அமைச்சரவையில் விடுதலை சிறுத்தைகள் கட்சி இடம்பெற வாய்ப்பு இருப்பதாக தகவல்கள் வெளியான நிலையில், தற்போது IUML கட்சியுடனும் தமிழக வெற்றி கழக தரப்பில் முக்கிய பேச்சுவார்த்தைகள் நடைபெற்று வருவதாக தகவல் வெளியாகியுள்ளது. குறிப்பாக, தமிழக வெற்றி கழகத்திலிருந்து அதிகாரப்பூர்வமாக IUML கட்சியிடம் “நீங்களும் அமைச்சரவையில் இடம்பெற வேண்டும்” என்ற கோரிக்கை வைக்கப்பட்டிருப்பதாக கூறப்படுகிறது.
Also read: மண்ணடியில் IUML அலுவலகத்திற்கு நேரில் சென்ற CM விஜய்.. தொடரும் அரசியல் சந்திப்புகள்
IUML கட்சியைப் பொறுத்தவரையில், ஏணி சின்னத்தில் போட்டியிட்டு இரண்டு சட்டமன்ற உறுப்பினர்களை கொண்டிருக்கிறது. கடந்த காலத்தில் திமுக கூட்டணியில் இருந்த அந்தக் கட்சி, தற்போதைய அரசியல் சூழ்நிலையில் தமிழக வெற்றி கழகத்திற்கு வெளியிலிருந்து ஆதரவு அளிக்கும் நிலைப்பாட்டை எடுத்துள்ளது. ஆனால் தற்போது அந்த ஆதரவு உறவு அமைச்சரவை பங்கேற்பாக மாறுமா என்பது தான் முக்கிய அரசியல் கேள்வியாக உருவெடுத்துள்ளது.
அதேநேரத்தில், தமிழக வெற்றி கழகம் காங்கிரஸ் கட்சியைப் போலவே கூட்டணி கட்சிகளும் அமைச்சரவையில் இடம்பெற வேண்டும் என்ற அணுகுமுறையை எடுத்திருப்பதாக கூறப்படுகிறது. இதன் அடிப்படையில் கம்யூனிஸ்ட் கட்சிகள், விடுதலை சிறுத்தைகள் கட்சி மற்றும் IUML ஆகிய கட்சிகளுக்கும் அழைப்பு விடுக்கப்பட்டதாக தகவல்கள் தெரிவிக்கின்றன.
ஆனால் கம்யூனிஸ்ட் கட்சிகள் இந்த விவகாரத்தில் தெளிவான நிலைப்பாட்டை எடுத்திருப்பதாக அரசியல் வட்டாரங்கள் கூறுகின்றன. “நாங்கள் நிபந்தனை அற்ற ஆதரவை மட்டுமே வழங்கியுள்ளோம். அமைச்சரவையில் இடம்பெறும் எண்ணமோ, ஆசையோ எங்களுக்கில்லை” என்று அவர்கள் தெரிவித்ததாக தகவல்கள் வெளியாகியுள்ளன. அதேசமயம், “NDA கூட்டணியுடன் நீங்கள் இணைய முயன்றால் மட்டுமே கூட்டணியை மறுபரிசீலனை செய்வோம்” என்ற கருத்தும் தெரிவிக்கப்பட்டுள்ளதாக கூறப்படுகிறது.
இந்த நிலைப்பாட்டுக்கு மாறாக, விடுதலை சிறுத்தைகள் கட்சி தற்போது அமைச்சரவையில் இடம்பெறுவதற்கு இசைவு தெரிவித்திருக்கலாம் என்ற தகவல்கள் அரசியல் வட்டாரங்களில் பரவி வருகின்றன. இருப்பினும் இதுகுறித்து அதிகாரப்பூர்வ அறிவிப்பு இதுவரை வெளியாகவில்லை.
இந்த அரசியல் சூழ்நிலையில்தான் IUML கட்சியின் மாநில நிர்வாக குழு அவசர கூட்டம் சென்னை நகரில் நாளை காலை 11 மணிக்கு நடைபெற உள்ளது. இந்த கூட்டம் தற்போது தமிழக அரசியல் வட்டாரத்தில் மிகுந்த கவனத்தை ஈர்த்துள்ளது. குறிப்பாக, தமிழக வெற்றி கழக அமைச்சரவையில் இணைய வேண்டுமா, வேண்டாமா என்பது குறித்து மாநில நிர்வாகிகள் விரிவாக கருத்து தெரிவிக்க உள்ளதாக தகவல்கள் வெளியாகியுள்ளன.
இந்த கூட்டத்தில் பங்கேற்கும் பெரும்பான்மை நிர்வாகிகள் எந்த வகையான கருத்தை தெரிவிக்கிறார்களோ, அதனை அடிப்படையாகக் கொண்டு இறுதி முடிவு எடுக்கப்படலாம் என்று IUML மூத்த நிர்வாகிகள் தெரிவித்துள்ளதாக கூறப்படுகிறது. ஒருவேளை பெரும்பாலான நிர்வாகிகள் அமைச்சரவையில் இணைய ஆதரவு தெரிவித்தால், IUML கட்சியும் தமிழக வெற்றி கழக கூட்டணியில் அதிகாரப்பூர்வ பங்காளியாக மாறி அமைச்சரவையில் இடம்பெறும் வாய்ப்பு உருவாகலாம் என்ற அரசியல் கணிப்புகள் வெளியாகி வருகின்றன.
தற்போது முதலமைச்சர் உட்பட 10 அமைச்சர்கள் கொண்ட அமைச்சரவை செயல்பட்டு வரும் நிலையில், அதில் இஸ்லாமிய சமூகத்தைச் சேர்ந்த பிரதிநிதிகள் யாரும் இல்லையென்ற விமர்சனமும் அரசியல் எதிர்ப்பாளர்களால் முன்வைக்கப்பட்டு வருகிறது. இந்த குற்றச்சாட்டை சமநிலைப்படுத்தும் வகையிலும் IUML-ஐ அமைச்சரவையில் இணைக்க தமிழக வெற்றி கழகம் விருப்பம் காட்டி வருவதாக அரசியல் வட்டாரங்கள் மதிப்பிடுகின்றன.
