Chennai , Lokbhavan – May 8 : TVK தலைவர் விஜய் இன்று மாலை ஆளுநரை சந்திக்கிறார். ‘Magic Number’ 118 எம்எல்ஏ ஆதரவு கிடைத்ததா என்ற கேள்வி தமிழக அரசியலில் பரபரப்பை ஏற்படுத்தியுள்ளது.
தமிழக அரசியலில் மீண்டும் பரபரப்பை கிளப்பும் வகையில், TVK தலைவர் Vijay இன்று மாலை 4.30 மணிக்கு ஆளுநரை சந்திக்க இருப்பதாக தகவல்கள் வெளியாகியுள்ளன. சென்னை ராஜ்பவனில் நடைபெற உள்ள இந்த சந்திப்பு தற்போது அரசியல் வட்டாரங்களில் மிகப்பெரிய விவாதமாக மாறியுள்ளது.
Also Read : புதிய அரசு அமையாத நிலையில் ஆளுநர் நேரடி தலையீடா?
குறிப்பாக, “Magic Number” என அழைக்கப்படும் 118 எம்எல்ஏக்களின் ஆதரவை விஜய் பெற்றுவிட்டாரா என்ற கேள்வியே தற்போது அரசியல் சூழ்நிலையை சூடுபிடிக்கச் செய்துள்ளது. ஏற்கனவே இரண்டு முறை ஆளுநரை சந்தித்துள்ள விஜய், இது மூன்றாவது முறையாக சந்திக்கிறார் என்பதும் கவனிக்கத்தக்க விஷயமாக பார்க்கப்படுகிறது.
ஏன் இந்த சந்திப்பு? தற்போதுவரை இந்த சந்திப்பின் அதிகாரப்பூர்வ காரணம் வெளியிடப்படவில்லை. ஆனால் அரசியல் வட்டாரங்களில் பல்வேறு யூகங்கள் கிளம்பியுள்ளன. முக்கியமாக:
- ஆட்சி அமைக்க அழைப்பு கோருகிறாரா?
- புதிய ஆதரவு பட்டியலை சமர்ப்பிக்கிறாரா?
- கூட்டணி கட்சிகளின் ஆதரவை உறுதிப்படுத்தியுள்ளாரா?
- 118 எம்எல்ஏ ஆதரவை நிரூபிக்க முயற்சிக்கிறாரா?
என்ற கேள்விகள் தொடர்ந்து எழுந்து வருகின்றன. முன்னதாக நடைபெற்ற சந்திப்புகளில், “பெரும்பான்மை ஆதரவை நிரூபித்தால் மட்டுமே ஆட்சி அமைக்க அழைப்பு வழங்கப்படும்” என்று ஆளுநர் தரப்பில் தெரிவிக்கப்பட்டதாக தகவல்கள் வெளியாகியிருந்தன. இதன் பின்னரே விஜய் பல்வேறு கட்சிகளின் ஆதரவை பெற தீவிர முயற்சியில் இறங்கியதாக கூறப்படுகிறது.
தமிழக சட்டசபையில் ஆட்சி அமைக்க தேவையான பெரும்பான்மை எண்ணிக்கை 118 ஆகும். இதுவே தற்போது “Magic Number” என அரசியல் வட்டாரங்களில் பேசப்படுகிறது. இந்த எண்ணிக்கையை எட்டுவதற்காக TVK தொடர்ந்து கூட்டணி ஆதரவை தேடி வந்ததாக தகவல்கள் வெளியாகி வந்தன. அதே நேரத்தில், விஜயுடன் இந்த சந்திப்புக்கு யார் யார் செல்கிறார்கள் என்பது பற்றிய தகவலும் இதுவரை வெளியாகவில்லை. கூட்டணி கட்சித் தலைவர்கள் உடன் செல்கிறார்களா என்பது அரசியல் ரீதியாக முக்கியமான சிக்னலாக பார்க்கப்படுகிறது.
இந்த நிலையில் ஆளுநர் சந்திப்பு வெறும் மரியாதை நிமித்தமான சந்திப்பா அல்லது தமிழக அரசியலில் புதிய ஆட்சி சமன்பாட்டை உருவாக்கும் நடவடிக்கையா என்ற கேள்வி எழுந்துள்ளது. மாலை 4.30 மணிக்கான இந்த சந்திப்புக்குப் பிறகே முழுமையான விவரங்கள் வெளியாகும்.
