20 டாஸ்மாக் ஊழியர்கள் சஸ்பெண்ட்: 200 பேர் முற்றுகைப் போராட்டம் – ஆகஸ்ட் 28 வேலைநிறுத்தத்தை முடக்க முயற்சி என குற்றச்சாட்டு
நெல்லை, ஆக.24:2026
ஆகஸ்ட் 28 ம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் நோக்கில் 20 டாஸ்மாக் ஊழியர்கள் சஸ்பெண்ட் செய்யப்பட்டுள்ளதாக குற்றம்சாட்டி, நெல்லையில் 200-க்கும் மேற்பட்ட டாஸ்மாக் ஊழியர்கள் மாவட்ட மேலாளர் அலுவலகத்தை முற்றுகையிட்டு போராட்டத்தில் ஈடுபட்டனர்.
நெல்லை மற்றும் தென்காசி மாவட்டங்களில் டாஸ்மாக் கடைகளில் அதிகாரிகள் நடத்திய ஆய்வின் அடிப்படையில், 20 ஊழியர்கள் நிர்வாகத்தால் சஸ்பெண்ட் செய்யப்பட்டதாக கூறப்படுகிறது. இதற்கு எதிர்ப்பு தெரிவித்த டாஸ்மாக் தொழிற்சங்கங்களின் கூட்டமைப்பினர், இந்த நடவடிக்கை பழிவாங்கும் நோக்கில் மேற்கொள்ளப்பட்டுள்ளதாக குற்றம்சாட்டினர்.
இதையடுத்து, நெல்லை மாவட்ட டாஸ்மாக் தொழிற்சங்கங்களின் கூட்டமைப்பு தலைவர் ராமராஜ், செயலாளர் சரவண பெருமாள் ஆகியோர் தலைமையில் ஊழியர்கள் மேலப்பாளையத்தில் உள்ள மாவட்ட மேலாளர் அலுவலகத்தை முற்றுகையிட்டனர். சுமார் 200-க்கும் மேற்பட்ட ஊழியர்கள் தங்களது கடைகளை அடைத்துவிட்டு போராட்டத்தில் பங்கேற்றனர்.
போராட்டத்தில் பேசிய ஊழியர்கள், டாஸ்மாக் கடைகளில் வாடிக்கையாளர்களிடம் கூடுதல் கட்டணம் வசூலிக்கப்படுவதற்கான காரணங்கள் குறித்து நிர்வாகம் முறையாக கவனம் செலுத்த வேண்டும் என வலியுறுத்தினர். நெல்லை மாவட்டத்தில் செயல்படும் 110 டாஸ்மாக் கடைகளில் சுமார் 85 கடைகளுக்கு தினசரி ரூ.2 ஆயிரம் வரை கடை வாடகையை ஊழியர்களே தங்களது சொந்தப் பணத்தில் இருந்து செலுத்த வேண்டியுள்ளதாக தெரிவித்தனர்.
மேலும், மதுபான சரக்குகளை இறக்குவதற்காக தினமும் ரூ.2 ஆயிரம் முதல் ரூ.3 ஆயிரம் வரை கூலி செலுத்த வேண்டியிருப்பதாகவும், போக்குவரத்து மற்றும் கையாளும் போது பாட்டில்கள் உடைவதால் ஏற்படும் இழப்பையும் ஊழியர்களே ஏற்க வேண்டிய நிலை உள்ளதாகவும் அவர்கள் கூறினர்.
இவ்வாறு தங்களது சம்பளத்தில் இருந்து பல்வேறு செலவுகளை மேற்கொள்ள வேண்டியிருப்பதால், அந்தத் தொகையை ஈடுகட்டும் வகையில் சில கடைகளில் வாடிக்கையாளர்களிடம் கூடுதல் கட்டணம் வசூலிக்க வேண்டிய கட்டாயம் ஏற்படுவதாக ஊழியர்கள் தெரிவித்தனர்.
இந்த பிரச்னைக்கு நிரந்தர தீர்வு காணும் வகையில், அண்டை மாநிலமான கேரளாவில் உள்ள நடைமுறையைப் போன்று டாஸ்மாக் நிர்வாகத்தை மாற்றியமைக்க வேண்டும் என்றும் அவர்கள் கோரிக்கை விடுத்தனர்.
கடை வாடகை, சரக்கு இறக்கும் கூலி, உடைந்த பாட்டில்களுக்கான இழப்பு உள்ளிட்ட அனைத்து செலவுகளையும் அரசே முழுமையாக ஏற்றுக்கொண்டால், வாடிக்கையாளர்களிடம் ஒரு ரூபாய் கூட கூடுதலாக வசூலிக்க மாட்டோம் என தொழிற்சங்கத்தினர் தெரிவித்தனர்.
அரசு அனைத்து செலவுகளையும் ஏற்றுக்கொண்ட பின்னரும் ஊழியர்கள் கூடுதல் கட்டணம் வசூலிப்பது நிரூபிக்கப்பட்டால், சம்பந்தப்பட்ட ஊழியர்கள் மீது நடவடிக்கை எடுக்கலாம் என்றும் அவர்கள் தெரிவித்தனர்.
எனவே, தற்போதைய 20 ஊழியர்களின் சஸ்பெண்ட் நடவடிக்கையை உடனடியாக ரத்து செய்ய வேண்டும் என்றும், ஆகஸ்ட் 28ஆம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் முயற்சிகளை நிர்வாகம் கைவிட வேண்டும் என்றும் போராட்டக்காரர்கள் வலியுறுத்தினர்.
இந்த முற்றுகைப் போராட்டத்தால் மேலப்பாளையம் பகுதியில் பரபரப்பு ஏற்பட்டது.20 டாஸ்மாக் ஊழியர்கள் சஸ்பெண்ட்: 200 பேர் முற்றுகைப் போராட்டம் – ஆகஸ்ட் 28 வேலைநிறுத்தத்தை முடக்க முயற்சி என குற்றச்சாட்டு
நெல்லை, ஆக.24:
ஆகஸ்ட் 28ஆம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் நோக்கில் 20 டாஸ்மாக் ஊழியர்கள் சஸ்பெண்ட் செய்யப்பட்டுள்ளதாக குற்றம்சாட்டி, நெல்லையில் 200-க்கும் மேற்பட்ட டாஸ்மாக் ஊழியர்கள் மாவட்ட மேலாளர் அலுவலகத்தை முற்றுகையிட்டு போராட்டத்தில் ஈடுபட்டனர்.
நெல்லை மற்றும் தென்காசி மாவட்டங்களில் டாஸ்மாக் கடைகளில் அதிகாரிகள் நடத்திய ஆய்வின் அடிப்படையில், 20 ஊழியர்கள் நிர்வாகத்தால் சஸ்பெண்ட் செய்யப்பட்டதாக கூறப்படுகிறது. இதற்கு எதிர்ப்பு தெரிவித்த டாஸ்மாக் தொழிற்சங்கங்களின் கூட்டமைப்பினர், இந்த நடவடிக்கை பழிவாங்கும் நோக்கில் மேற்கொள்ளப்பட்டுள்ளதாக குற்றம்சாட்டினர்.
இதையடுத்து, நெல்லை மாவட்ட டாஸ்மாக் தொழிற்சங்கங்களின் கூட்டமைப்பு தலைவர் ராமராஜ், செயலாளர் சரவண பெருமாள் ஆகியோர் தலைமையில் ஊழியர்கள் மேலப்பாளையத்தில் உள்ள மாவட்ட மேலாளர் அலுவலகத்தை முற்றுகையிட்டனர். சுமார் 200-க்கும் மேற்பட்ட ஊழியர்கள் தங்களது கடைகளை அடைத்துவிட்டு போராட்டத்தில் பங்கேற்றனர்.
போராட்டத்தில் பேசிய ஊழியர்கள், டாஸ்மாக் கடைகளில் வாடிக்கையாளர்களிடம் கூடுதல் கட்டணம் வசூலிக்கப்படுவதற்கான காரணங்கள் குறித்து நிர்வாகம் முறையாக கவனம் செலுத்த வேண்டும் என வலியுறுத்தினர். நெல்லை மாவட்டத்தில் செயல்படும் 110 டாஸ்மாக் கடைகளில் சுமார் 85 கடைகளுக்கு தினசரி ரூ.2 ஆயிரம் வரை கடை வாடகையை ஊழியர்களே தங்களது சொந்தப் பணத்தில் இருந்து செலுத்த வேண்டியுள்ளதாக தெரிவித்தனர்.
மேலும், மதுபான சரக்குகளை இறக்குவதற்காக தினமும் ரூ.2 ஆயிரம் முதல் ரூ.3 ஆயிரம் வரை கூலி செலுத்த வேண்டியிருப்பதாகவும், போக்குவரத்து மற்றும் கையாளும் போது பாட்டில்கள் உடைவதால் ஏற்படும் இழப்பையும் ஊழியர்களே ஏற்க வேண்டிய நிலை உள்ளதாகவும் அவர்கள் கூறினர்.
இவ்வாறு தங்களது சம்பளத்தில் இருந்து பல்வேறு செலவுகளை மேற்கொள்ள வேண்டியிருப்பதால், அந்தத் தொகையை ஈடுகட்டும் வகையில் சில கடைகளில் வாடிக்கையாளர்களிடம் கூடுதல் கட்டணம் வசூலிக்க வேண்டிய கட்டாயம் ஏற்படுவதாக ஊழியர்கள் தெரிவித்தனர்.
இந்த பிரச்னைக்கு நிரந்தர தீர்வு காணும் வகையில், அண்டை மாநிலமான கேரளாவில் உள்ள நடைமுறையைப் போன்று டாஸ்மாக் நிர்வாகத்தை மாற்றியமைக்க வேண்டும் என்றும் அவர்கள் கோரிக்கை விடுத்தனர்.
கடை வாடகை, சரக்கு இறக்கும் கூலி, உடைந்த பாட்டில்களுக்கான இழப்பு உள்ளிட்ட அனைத்து செலவுகளையும் அரசே முழுமையாக ஏற்றுக்கொண்டால், வாடிக்கையாளர்களிடம் ஒரு ரூபாய் கூட கூடுதலாக வசூலிக்க மாட்டோம் என தொழிற்சங்கத்தினர் தெரிவித்தனர்.
அரசு அனைத்து செலவுகளையும் ஏற்றுக்கொண்ட பின்னரும் ஊழியர்கள் கூடுதல் கட்டணம் வசூலிப்பது நிரூபிக்கப்பட்டால், சம்பந்தப்பட்ட ஊழியர்கள் மீது நடவடிக்கை எடுக்கலாம் என்றும் அவர்கள் தெரிவித்தனர்.
எனவே, தற்போதைய 20 ஊழியர்களின் சஸ்பெண்ட் நடவடிக்கையை உடனடியாக ரத்து செய்ய வேண்டும் என்றும், ஆகஸ்ட் 28ஆம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் முயற்சிகளை நிர்வாகம் கைவிட வேண்டும் என்றும் போராட்டக்காரர்கள் வலியுறுத்தினர்.
இந்த முற்றுகைப் போராட்டத்தால் மேலப்பாளையம் பகுதியில் பரபரப்பு ஏற்பட்டது.
