திருப்பூர் , May 26 : ஏழை, எளிய மாணவர்களின் கல்விக்காக முற்றிலும் இலவசமாகச் செயல்பட வேண்டிய அரசுப் பள்ளியிலேயே, மாணவர் சேர்க்கைக்குக் கட்டாயக் கல்வி கட்டணம் வசூலிக்கப்படுவதாக எழுந்துள்ள புகார் பெரும் அதிர்ச்சியை ஏற்படுத்தியுள்ளது. திருப்பூர் மாவட்டம், கணக்கம்பாளையம் அரசு மேல்நிலைப் பள்ளியில் புதிய சேர்க்கையின் போது பெற்றோர்களிடம் ரூ. 3,500 வரை கறாராகப் பணம் வசூலிக்கப்படும் வீடியோ ஆதாரங்கள் வெளியாகி, கல்வித் துறை வட்டாரத்தில் பரபரப்பை ஏற்படுத்தியிருக்கிறது.
மத்திய அரசின் இலவச மற்றும் கட்டாயக் கல்வி உரிமைச் சட்டத்தின்படி (RTE Act), தமிழ்நாட்டில் உள்ள எந்தவொரு அரசுப் பள்ளியிலும் மாணவர் சேர்க்கைக்குக் கட்டணம் வசூலிக்கக் கூடாது என்பது மிகத் தெளிவான விதிமுறை. சீருடை, பாடப்புத்தகங்கள், நோட்டுகள், காலணிகள் முதல் மதிய உணவு வரை அனைத்தும் அரசே இலவசமாக வழங்கி வரும் நிலையில், கணக்கம்பாளையத்தில் இந்த விதிகள் யாவும் காற்றில் பறக்கவிடப்பட்டுள்ளதாக சமூக ஆர்வலர்கள் குற்றம் சாட்டுகின்றனர்.
திருப்பூர் வடக்கு வட்டத்திற்குட்பட்ட கணக்கம்பாளையம் அரசு மேல்நிலைப் பள்ளியில் தற்போது 11 மற்றும் 12-ஆம் வகுப்புகளுக்கான மாணவர் சேர்க்கை நடைபெற்று வருகிறது. இதையொட்டி, பள்ளி நிர்வாகம் சார்பில் ‘பெற்றோர் ஆசிரியர் சங்க’ (PTA) கலந்தாய்வுக் கூட்டம் என்ற ஒன்று நடத்தப்பட்டுள்ளது. இந்தக் கூட்டத்தில், அதே பள்ளியில் பத்தாம் வகுப்பு முடித்துவிட்டு மேல்நிலைக் கல்வியில் சேரும் மாணவர்களிடம் கட்டாயக் கல்வி கட்டணமாக ரூ. 2,500 வசூலிக்க முடிவு செய்யப்பட்டதாகக் கூறப்படுகிறது. இதற்கென பள்ளியில் பணியாற்றும் ஆசிரியர்களே நேரடியாகப் பெற்றோர்களிடம் பணத்தைப் பெற்று வருவதாகக் குற்றச்சாட்டு எழுந்துள்ளது.
Also Read : அரசு மருத்துவமனை பிணவறையில் உடலை எலிகள் கடித்த அதிர்ச்சி.. உறவினர்கள் போராட்டம்
அதிர்ச்சியூட்டும் மற்றொரு விஷயமாக, மாற்றுப் பள்ளிகளில் இருந்து இங்கு வந்து சேர விரும்பும் மாணவர்களுக்குக் கூடுதல் கட்டணம் நிர்ணயிக்கப்பட்டுள்ளது. வேறு பள்ளிகளில் படித்துவிட்டு இந்தக் கணக்கம்பாளையம் பள்ளியில் 11-ஆம் வகுப்பில் சேர வரும் மாணவர்களிடம் கூடுதலாக ஆயிரம் ரூபாய் சேர்த்து, மொத்தம் ரூ. 3,500 கறாராக வசூலிக்கப்படுவதாகப் பெற்றோர்கள் குமுறுகின்றனர்.
“தனியார் பள்ளிகளின் கட்டணத்தைச் சுமக்க முடியாமல் தான், எங்கள் பிள்ளைகளை அரசுப் பள்ளிக்குக் கூட்டி வருகிறோம். ஆனால், இங்கேயும் ஆயிரக்கணக்கில் பணம் கேட்டால் நாங்கள் எங்கே போவது?” என்று தங்கள் பிள்ளைகளைச் சேர்க்க வந்த தினக்கூலிப் பெற்றோர் சிலர் கண்ணீருடன் கேள்வி எழுப்புகின்றனர்.
இதுகுறித்து செய்தியாளர்களிடமும், சமூக ஆர்வலர்களிடமும் வேதனை தெரிவித்துள்ள பெற்றோர்கள், “பள்ளியில் கூடுதலாகப் பணியமர்த்தப்படும் தற்காலிக ஆசிரியர்களுக்கான ஊதியம், கழிப்பிடப் பராமரிப்பு மற்றும் இதர வளாகப் பணிகளுக்காகவே இந்தப் பணம் பெறப்படுகிறது என்று பள்ளித் தரப்பில் கூறுகிறார்கள். ஆனால், நாங்கள் செலுத்தும் இந்த ஆயிரக்கணக்கான ரூபாய்க்கு எந்தவிதமான அதிகாரப்பூர்வ ரசீதும் (Receipt) வழங்கப்படுவதில்லை” என்று குற்றம் சாட்டுகின்றனர்.
அரசுப் பள்ளிகளில் நிலவும் தற்காலிக ஆசிரியர் பற்றாக்குறை மற்றும் உள்கட்டமைப்புத் தேவைகளைப் பூர்த்தி செய்யப் பெற்றோர் ஆசிரியர் சங்கம் மூலம் சிறிய தொகையை நன்கொடையாகப் பெறுவது வழக்கம் என்றாலும், அதனைச் சேர்க்கைக்கான நிபந்தனையாக மாற்றி, இவ்வளவு பெரிய தொகையைக் கட்டாயமாக வசூலிப்பது சட்டப்படியும், அறப்படியும் ஏற்புடையதல்ல என்று சமூக ஆர்வலர்கள் சுட்டிக்காட்டுகின்றனர்.
அரசாங்கத்தின் இலவசக் கல்வித் திட்டங்களைச் சிதைக்கும் வகையில் நடைபெறும் இந்தச் சட்டவிரோதக் கட்டண வசூல் தொடர்பான வீடியோ சமூக வலைத்தளங்களில் பரவி, பொதுமக்களிடையே பெரும் அதிருப்தியை ஏற்படுத்தியுள்ளது. “அரசுப் பள்ளிகளின் மாண்பைக் குலைக்கும் வகையில், சேர்க்கைக்குக் கட்டணம் வசூலிக்கும் இத்தகையச் செயல்களை மாவட்டப் பள்ளிக்கல்வித்துறை நிர்வாகம் உடனடியாகத் தலையிட்டுத் தடுத்து நிறுத்த வேண்டும். வறுமைக் கோட்டிற்குக்கீழ் உள்ள பெற்றோர்களைக் கட்டாயப்படுத்திப் பணம் பறிக்கும் இந்த நடைமுறைக்குக் காரணமான பள்ளி நிர்வாகத்தினர் மற்றும் ஆசிரியர்கள் மீது உரியத் துறை ரீதியான விசாரணை நடத்தி, கடும் நடவடிக்கை எடுக்க வேண்டும்” என்று திருப்பூர் பகுதி சமூக ஆர்வலர்கள் மற்றும் பொதுமக்கள் கோரிக்கை விடுத்துள்ளனர்.
- டிவிகே MLAக்கு ₹50 கோடி குதிரை பேரம்: பின்னணியில் சர்வதேச கைகள்? சிங்கப்பூர் நபர் யார்? போலீஸ் வலைவீச்சு
சென்னை , ஜூலை 9 : தமிழக வெற்றிக் கழக (டிவிகே) சட்டமன்ற உறுப்பினர்களைப் பேரம் பேசி இழுக்க முயன்ற விவகாரத்தில் கைது செய்யப்பட்டுள்ள 9 பேரில், 5 பேரைத் திருவல்லிக்கேணி காவல் துறையினர் தங்களின் காவலில் எடுத்து விடிய விடியத் தீவிர விசாரணை நடத்தியுள்ளனர். இந்த வழக்கின் முக்கியப் புள்ளியாகக் கருதப்படும் சிங்கப்பூரில் உள்ள லட்சுமண பெருமாள் என்ற நபரை போலீஸார் தீவிரமாகத் தேடி வரும் நிலையில், சென்னையில் உள்ள நட்சத்திர ஹோட்டல்களில் தங்கி சதித்… Read more: டிவிகே MLAக்கு ₹50 கோடி குதிரை பேரம்: பின்னணியில் சர்வதேச கைகள்? சிங்கப்பூர் நபர் யார்? போலீஸ் வலைவீச்சு - நெல்லை வஉசி நகரில் பிரமாண்ட கும்பாபிஷேகம்! 45 லட்சத்தில் புதுப்பித்த வரசித்தி விநாயகர் கோவில் திறப்புநெல்லை , ஜூலை 5 : நெல்லை மாநகரின் முக்கிய விரிவாக்கப் பகுதியான கே.டி.சி நகரை அடுத்த வ.உ.சி நகரில், பெரும் பொருட்செலவில் புதுப்பிக்கப்பட்ட ஸ்ரீ வரசித்தி விநாயகர் ஆலயத்தின் அஷ்டபந்தன மகா கும்பாபிஷேக விழா இன்று பக்திப் பெருக்கோடு மிகச் சிறப்பாக நடைபெற்றது. இந்த ஆன்மீக வைபவத்தைக் காண்பதற்காக நெல்லை மற்றும் அதன் சுற்றுவட்டாரப் பகுதிகளில் இருந்து ஆயிரக்கணக்கான பக்தர்கள் ஆலய வளாகத்தில் திரண்டு தரிசனம் செய்தனர். இங்கு கடந்த 25 ஆண்டுகளுக்கு முன்பாக கல்கத்தா… Read more: நெல்லை வஉசி நகரில் பிரமாண்ட கும்பாபிஷேகம்! 45 லட்சத்தில் புதுப்பித்த வரசித்தி விநாயகர் கோவில் திறப்பு
- நெல்லை இரட்டைக்கொலை: தந்தை, மகன் உடல்களை வாங்க மறுத்து உறவினர்கள் போராட்டம்நெல்லை , ஜூலை 4 : நெல்லை மாவட்டம் கல்லிடைக்குறிச்சி அருகே மூலச்சி கிராமத்தில் தந்தை மற்றும் சிறுவன் காரை மோதி கொடூரமாகக் கொலை செய்யப்பட்ட சம்பவத்தில், குற்றவாளிகளைக் கைது செய்யும் வரை உடல்களை வாங்கப் போவதில்லை என உறவினர்கள் இரண்டாவது நாளாக ஞாயிற்றுக்கிழமையும் பிடிவாதமாக மறுத்து வருகின்றனர். இந்த கொடூரச் சம்பவத்தைத் தொடர்ந்து கிராமத்தில் நிலவும் கடுமையான சட்டம் ஒழுங்கு பதற்றத்தைக் கட்டுப்படுத்த பலத்த போலீஸ் பாதுகாப்பு போடப்பட்டுள்ளது. இதற்கிடையே சந்தேகத்தின் பேரில் பிடிபட்ட ஐந்து… Read more: நெல்லை இரட்டைக்கொலை: தந்தை, மகன் உடல்களை வாங்க மறுத்து உறவினர்கள் போராட்டம்
- நெல்லையில் தடை செய்யப்பட்ட 3.7 கிலோ குட்கா பறிமுதல்.. இருசக்கர வாகனத்தில் மறைத்து கடத்தியவர் சிக்கினார்!நெல்லை , ஜூலை 4: நெல்லை பெருமாள்புரம் பகுதியில் தமிழக அரசால் தடை செய்யப்பட்ட குட்கா புகையிலை பொருட்களை இருசக்கர வாகனத்தில் கடத்தி வந்து விற்பனை செய்ய முயன்ற நபரை போலீசார் அதிரடியாக கைது செய்துள்ளனர். அவரிடமிருந்து 3.7 கிலோ எடையுள்ள புகையிலை பாக்கெட்டுகள் மற்றும் ரொக்கப் பணம் பறிமுதல் செய்யப்பட்டுள்ளது. நெல்லை பெருமாள்புரம் காவல் நிலைய உதவி ஆய்வாளர் கார்த்திகைகுமார் தலைமையிலான போலீசார் நேற்று காலை தியாகராஜநகர் ரயில்வே கேட் அருகில் தீவிர வாகன தணிக்கையில்… Read more: நெல்லையில் தடை செய்யப்பட்ட 3.7 கிலோ குட்கா பறிமுதல்.. இருசக்கர வாகனத்தில் மறைத்து கடத்தியவர் சிக்கினார்!
- வீரவநல்லூர் இரட்டைக் கொலை: தப்பியோடிய கும்பலைத் தேடும் தனிப்படைநெல்லை , ஜூலை 4: நெல்லை மாவட்டம் வீரவநல்லூர் காவல் நிலைய எல்லைக்குட்பட்ட மூலச்சி கிராமத்தில், இருசக்கர வாகனத்தில் சென்ற தந்தை மற்றும் இரு மகன்களைக் காரால் மோதித் தள்ளி, பயங்கர ஆயுதங்களால் தாக்கிய கொடூரச் சம்பவம் பெரும் பரபரப்பை ஏற்படுத்தியுள்ளது. இந்தத் தாக்குதலில் காளிமுத்து மற்றும் அவரது மகன் ஜெயராஜ் ஆகிய இருவர் சம்பவ இடத்திலேயே பரிதாபமாகக் கொல்லப்பட்டனர். கடந்த ஜூலை 2ஆம் தேதி இந்தச் சம்பவம் நடந்துள்ளது. மூலச்சி கிராமத்தைச் சேர்ந்த காளிமுத்து, தனது… Read more: வீரவநல்லூர் இரட்டைக் கொலை: தப்பியோடிய கும்பலைத் தேடும் தனிப்படை
