திருநெல்வேலி மாவட்டத்தில் குற்றச் செயல்களை முற்றிலும் ஒடுக்கவும், பொதுமக்களின் பாதுகாப்பை உறுதி செய்யவும் மாவட்ட காவல்துறை எடுத்துள்ள ‘ஆபரேஷன் ஷீல்ட்நெட்’ (Operation SHIELDNET) அதிரடி நடவடிக்கை மூன்றாவது நாளாக இன்றும் தீவிரமாகத் தொடர்ந்தது. ரவுடிகள் வேட்டை, வாகன சோதனைகள், பழைய குற்றவாளிகளின் நடமாட்டத்தைக் கண்காணித்தல் என ஒட்டுமொத்த மாவட்டக் காவல்துறையும் களமிறங்கியுள்ளதால் மாவட்டம் முழுவதும் பரப்பரப்பான சூழல் நிலவி வருகிறது.
கடந்த மே 20-ம் தேதி முதல் நெல்லை மாவட்டக் காவல் கண்காணிப்பாளரின் நேரடி மேற்பார்வையில் இந்த சிறப்பு ஆபரேஷன் தொடங்கப்பட்டது. சட்டம் ஒழுங்கை நிலைநாட்டுவதோடுமட்டுமல்லாமல் பொதுமக்களுக்கு அச்சுறுத்தலாக விளங்கும் சமூக விரோத சக்திகளை முன்கூட்டியே கண்டறிந்து முடக்குவதே இந்த ஒருங்கிணைந்த நடவடிக்கையின் முதன்மை நோக்கமாகும்.
இந்த நடவடிக்கையின் ஒரு பகுதியாக, மாவட்டத்தில் உள்ள பழைய குற்றவாளிகள், ரவுடிகள் மற்றும் சந்தேகத்திற்குரிய நபர்களின் பட்டியலைத் தயாரித்து.. அவர்களின் தற்போதைய நடமாட்டத்தை உளவுப்பிரிவு போலீசாரும், அந்தந்தப் பகுதி காவல் நிலைய அதிகாரிகளும் தீவிரமாகக் கண்காணித்து வருகின்றனர். நீண்ட நாட்களாகப் பிடிபடாமல் தலைமறைவாக இருக்கும் குற்றவாளிகளைக் கைது செய்யவும் தனிப்படைகள் அமைக்கப்பட்டுள்ளன.
அதன்படி, இந்த ஆபரேஷனின் மூன்றாவது நாளான இன்று (22.05.2026) மாவட்டம் முழுவதும் அதிரடிச் சோதனைகள் நடத்தப்பட்டன. காவல்துறையின் கணக்கெடுப்பில் உள்ள 32 சரித்திரப் பதிவேடு குற்றவாளிகளின் (History Sheeters) வீடுகள் மற்றும் அவர்கள் தங்கியிருக்கும் இடங்களில் போலீசார் நேரடிச் சோதனை மேற்கொண்டனர். இதில் மீண்டும் குற்றச் செயல்களில் ஈடுபட முயன்ற மற்றும் வழக்குகளில் தொடர்புடைய 3 முக்கிய சரித்திரப் பதிவேடு குற்றவாளிகள் இன்று அதிரடியாகக் கைது செய்யப்பட்டனர். அவர்கள் நீதிமன்றத்தில் ஆஜர்படுத்தப்பட்டு தற்போது சிறையில் அடைக்கப்பட்டுள்ளனர் .
29 பேர் முன்னெச்சரிக்கை கைது :குற்றச் சம்பவங்கள் நிகழும் முன்பே அவற்றைத் தடுக்கும் நோக்கில், சட்டம் ஒழுங்குக்குக் தீங்கு விளைவிக்கக் கூடும் என்று கருதப்படும் 29 நபர்களைப் போலீசார் முன்னெச்சரிக்கை நடவடிக்கையாக (Preventive Arrest) இன்று கைது செய்துள்ளனர். இவர்கள் மீது சட்டப்படியான தடுப்பு நடவடிக்கைகள் மேற்கொள்ளப்பட்டு வருகின்றன. மேலும், நீதிமன்றங்களால் பிடிவாரண்ட் பிறப்பிக்கப்பட்டு நீண்ட நாட்களாகக் காவல்துறையினரிடம் சிக்காமல் தலைமறைவாக இருந்த 8 பேரைத் தேடிக் கண்டுபிடித்து அவர்களின் பிடிவாரண்டுகளை போலீசார் இன்று நிறைவேற்றியுள்ளனர். இதுதவிர பாரதிய நகரிக் சுரக்ஷா சன்ஹிதா (BNSS) பிரிவு 126-ன் கீழ், சமூக அமைதியைக் கெடுக்கும் வகையில் செயல்பட்ட 4 நபர்களுக்கு எதிராகக் கடுமையான தடுப்பு காவல் நடவடிக்கைகள் எடுகாபட்டுள்ளன .
105 இருசக்கர வாகனங்கள் பறிமுதல் – நகரப் பகுதிகள் மட்டுமின்றி, மாவட்டத்தின் எல்லைப் பகுதிகள் மற்றும் கிராமப்புறச் சாலைகளிலும் ஆங்காங்கே தற்காலிகச் சோதனைச் சாவடிகள் அமைக்கப்பட்டு தீவிர வாகன தணிக்கை நடத்தப்பட்டு வருகிறது. குறிப்பாக, இரவு நேரங்களில் பைக் ரேஸில் ஈடுபடுபவர்கள் மற்றும் முறையற்ற வாகன ஓட்டிகளைக் குறிவைத்து இந்தச் சோதனை நடத்தப்பட்டது.
இன்றைய சோதனையின் போது, நம்பர் பிளேட் (பதிவு எண்) இல்லாமல் இயக்கப்பட்ட வாகனங்கள், அதிவேகமாகவும் பொதுமக்களுக்கு ஆபத்து விளைவிக்கும் வகையிலும் ஓட்டப்பட்ட இருசக்கர வாகனங்கள், நீதிமன்ற உத்தரவுகளை மீறி அதிக வெளிச்சம் தரும் எல்.இ.டி விளக்குகளைப் பயன்படுத்திய வாகனங்கள் மற்றும் சைலன்சர்களை மாற்றி அதிக சத்தம் எழுப்பும் வகையில் சட்டவிரோதமாக மாற்றம் செய்யப்பட்டிருந்த 105 இருசக்கர வாகனங்களை போலீசார் மொத்தமாக பறிமுதல் செய்துள்ளனர். இந்த வாகனங்களின் உரிமையாளர்கள் மீது வழக்குப் பதிவு செய்யப்பட்டு விசாரணை நடத்தப்பட்டு வருகிறது.
மேலும் வழக்குகளில் கைதாகி நிபந்தனை ஜாமீனில் வெளியே வந்துவிட்டு மீண்டும் தங்களது குற்றப் பின்னணியைத் தொடரும் நபர்கள் மீதும் மாவட்ட காவல்துறை கடுமையான கட்டுப்பாடு விதித்துள்ளது . அவ்வாறு ஜாமீன் விதிகளை மீறுபவர்களின் ஜாமீனை ரத்து செய்வதற்கான சட்டப்பூர்வ ஆவணங்களைத் தயாரிக்கும் பணிகளில் நீதிமன்றப் பிரிவு போலீசார் ஈடுபட்டுள்ளனர்.
திருநெல்வேலி மாவட்டத்தில் உள்ள அனைத்து காவல் நிலைய எல்லைகளிலும் இந்த ‘ஆபரேஷன் ஷீல்ட்நெட்’ஒரே நேரத்தில் ஒருங்கிணைக்கப்பட்டுத் தடையின்றித் தொய்வில்லாமல் நடத்தப்பட்டு வருகிறது. மாவட்டத்தின் ஒட்டுமொத்த அமைதியைப் பாதுகாக்கும் வகையில் இந்த அதிரடி நடவடிக்கைகள் வரும் நாட்களிலும் தொடர்ந்து நீடிக்கும் என நெல்லை மாவட்ட காவல்துறை தரப்பில் தெரிவிக்கப்பட்டுள்ளது. காவல்துறையின் இந்த அதிரடிப் பாய்ச்சல், குற்றப் பின்னணி கொண்டவர்களிடையே கலக்கத்தை ஏற்படுத்தியுள்ள அதே வேளையில், பொதுமக்களிடையே பெரும் வரவேற்பைப் பெற்றுள்ளது.
- கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு
ராமநாதபுரம்,மே 28 : ராமநாதபுரம் மாவட்டம் கமுதி அருகே புதுக்கோட்டை கிராமத்தில் அமைந்துள்ள அருள்மிகு ஸ்ரீ மூர்த்தி விநாயகர், முத்தாலம்மன், நிறைகுளத்து அய்யனார், அழகு வள்ளியம்மன், முப்புடாரி அம்மன், கண்ணாபிரான் மற்றும் வீரிய காளியம்மன் ஆலயத்தின் 13 ஆம் ஆண்டு முளைப்பாரி உற்சவம் மற்றும் 34 ஆம் ஆண்டு முத்துராமலிங்க தேவர் குருபூஜை விழாக்கள் விமரிசையாகக் கொண்டாடப்பட்டன. இந்த இரு பெரும் விழாக்களையும் முன்னிட்டு, அப்பகுதியில் 9 ஆம் ஆண்டு வடமாடு மஞ்சுவிரட்டு விழா மிகக் கோலாகலமாக… Read more: கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு - கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார்
மதுரை, May 27 : தமிழகத்தில் ஆளுநர் பங்கேற்கும் எந்தவொரு நிகழ்வாக இருந்தாலும், அங்கு தமிழ்த்தாய் வாழ்த்துக்கே முதலிடம் அளிக்கப்பட வேண்டும் என்ற கோரிக்கையை ஒன்றிய அரசு பரிசீலித்து முறைப்படுத்தும் என்று மின்சாரத்துறை அமைச்சர் சி.டி.ஆர்.நிர்மல்குமார் தெரிவித்துள்ளார். மதுரை மாவட்டம் உசிலம்பட்டி அருகே உள்ள சூலப்புரம் கிராமத்தில் நேற்று இடி, மின்னலுடன் பெய்த பலத்த மழையின் போது, மின்னல் தாக்கி மூன்று பெண்கள் உயிரிழந்தனர். சீல்நாயக்கன்பட்டியைச் சேர்ந்த கணபதியம்மாள், சூலப்புரத்தைச் சேர்ந்த ராமுத்தாய் மற்றும் தனிக்கொடி ஆகிய… Read more: கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார் - தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம்
நெல்லை,May 28: தூத்துக்குடியில் வழக்கறிஞர் முத்துக்குமார் வெட்டிக்கொலை செய்யப்பட்ட வழக்கில், கொலையாளிகள் கூடிச் சதித் திட்டம் தீட்டியதை தான் நேரில் கேட்டதாக, நெல்லை மத்திய சிறை வளாகத்தில் அமைந்துள்ள சிறப்பு நீதிமன்றத்தில் கூலித் தொழிலாளி ஒருவர் பரபரப்பு சாட்சியம் அளித்துள்ளார். சென்னை உயர் நீதிமன்ற மதுரைக் கிளையின் உத்தரவின்படி, இந்த வழக்கின் சாட்சிகளுக்கு உரிய பாதுகாப்பு வழங்கப்பட்டு, பலத்த போலீஸ் பாதுகாப்புக்கு மத்தியில் இந்த விசாரணை தீவிரமாக நடைபெற்று வருகிறது. தூத்துக்குடி சோரீஸ்புரம் மடத்தூர் சாலையில் வழக்கறிஞர்… Read more: தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம் - சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி?
சிவகங்கை, May 27 : சிவகங்கை மாவட்டம் முழுவதும் உள்ள அரசு மற்றும் தனியார் வங்கிகள், நிதி நிறுவனங்களைக் குறிவைத்து, போலித் தங்க நகைகளை அடகு வைத்து கோடிக்கணக்கில் மோசடி செய்யும் கும்பல் ஒன்று தீவிரமாகச் செயல்பட்டு வருவது தற்பொழுது வெளிச்சத்திற்கு வந்துள்ளது. அசல் நகைகளைப் போன்றே துல்லியமாகத் தயாரிக்கப்படும் இந்த நகைகளால் வங்கிகளுக்குப் பெரும் நிதி இழப்பு ஏற்பட்டு வரும் சூழலில், சட்டச் சிக்கல்களுக்கு அஞ்சும் வங்கி நிர்வாகங்கள் புகார் அளிக்கத் தயங்குவதே இந்த கும்பலின்… Read more: சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி? - மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்புநெல்லை , May 27: புதிய மின் இணைப்பு வழங்குவதற்காக லஞ்சம் பெற்றுக்கொண்டு ஏமாற்றியதுடன், கொடுத்த பணத்தைத் திரும்பக் கேட்ட நபர் மீது மோட்டார் சைக்கிளை ஏற்றி விபத்து ஏற்படுத்தியதாக மின்வாரிய ஊழியர் மீது தொடரப்பட்ட வழக்கை திருநெல்வேலி நீதிமன்றம் தீவிரமாக விசாரித்து வருகிறது. திருநெல்வேலி பழையபேட்டை பகுதியைச் சேர்ந்தவர் பாஸ்கரபாண்டியன். இவருடைய மனைவி மீனா. தங்களது புதிய வீட்டிற்கு மின் இணைப்புப் பெறுவதற்காக, கடந்த 2022ஆம் ஆண்டில் மின்வாரிய ஊழியரான அருணன் என்பவரை இவர்கள் அணுகியுள்ளனர்.… Read more: மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்பு
