காரைக்கால், May 22: உலகப் புகழ்பெற்ற திருநள்ளாறு ஸ்ரீ தர்பாரண்யேஸ்வரர் சுவாமி சமேத ஸ்ரீ சனீஸ்வர பகவான் ஆலயத்தின் பிரம்மோற்சவ விழாவை முன்னிட்டு, முக்கிய நிகழ்வான ஸ்ரீ செண்பக தியாகராஜ சுவாமியின் ‘உன்மத்த நடனம்’ மற்றும் வசந்த மண்டப எழுந்தருளல் நிகழ்ச்சி வியாழக்கிழமை இரவு மிக விமரிசையாக நடைபெற்றது. ஆன்மீகப் பரவசத்தை ஏற்படுத்திய இந்நாட்டிய வைபவத்தைக் காணத் தமிழகம் மற்றும் புதுச்சேரியின் பல்வேறு மாவட்டங்களில் இருந்து ஆயிரக்கணக்கான பக்தர்கள் திருநள்ளாறில் திரண்டனர்.
காரைக்கால் மாவட்டத்தில் அமைந்துள்ள இத்தலத்தில், இந்த ஆண்டிற்கான மகா பிரம்மோற்சவ விழா கடந்த மே 13-ம் தேதி முறைப்படி கொடியேற்றத்துடன் தொடங்கியது. இதனைத் தொடர்ந்து தினசரி பல்வேறு வாகனங்களில் சுவாமி வீதியுலாவும், சிறப்பு அபிஷேக ஆராதனைகளும் நடைபெற்று வருகின்றன.
also read : 108 திவ்ய தேசம் : 2-வது திவ்ய தேசம் ‘அழகிய மணவாளர்’: உரையூர் திருக்கோழி திவ்ய தேசத்தின் வரலாற்றுச் சிறப்பு
செண்பக தியாகராஜரின் உன்மத்த நடனம்:
பிரம்மோற்சவத்தின் மிக முக்கிய ஆன்மீக நிகழ்வாகக் கருதப்படுவது தியாகராஜப் பெருமானின் நடனக் காட்சியாகும். அந்த வகையில், நேற்றிரவு (வியாழக்கிழமை) சிறப்பு வழிபாடுகளுக்குப் பின், தூய வெள்ளை நிற மலர்களால் அமையப்பெற்ற பிரம்மாண்ட மலர் பல்லக்கில் ஸ்ரீ செண்பக தியாகராஜ சுவாமி எழுந்தருளினார்.
இறைவனின் ஏழு வகையான தாண்டவங்களில் திருநள்ளாறு தலம் ‘உன்மத்த நடனத்திற்கு’ உரியதாகும். இதற்கென பிரத்யேகமாகப் பயிற்சி பெற்ற சீர்பாதம் தாங்குபவர்கள், தியாகராஜப் பெருமானின் பல்லக்கைத் தங்கள் தோள்களில் சுமந்தபடி, மேள தாளங்கள் மற்றும் நாதஸ்வர இசைக்கு ஏற்ப அசைந்து ஆடியவாறு ‘உன்மத்த நடனக் காட்சியை’ கண்முன்னே நிறுத்தினர். பக்திப் பெருக்குடன் கூடிய இந்த நாட்டிய அசைவுகளின் வழியே, சுவாமி மெல்ல மெல்ல நகர்ந்து வசந்த மண்டபத்திற்கு எழுந்தருளினார்.
ஆலயப் பிரகாரத்தில் திரண்டிருந்த ஆயிரக்கணக்கான பக்தர்கள் ‘ஆரூரா… தியாகேசா…’ என்ற பக்தி கோஷங்களை எழுப்பி, கற்பூர ஆரத்தி எடுத்து மனமுருக சுவாமி தரிசனம் செய்தனர்.
முக்கியப் பிரமுகர்கள் பங்கேற்பு:
முன்னதாக, தருமபுர ஆதீனக் கட்டளை விசாரணை ஸ்ரீமத் சிவகுருநாத தம்பிரான் சுவாமிகள் முன்னிலையில் சுவாமிக்குச் சிறப்புத் தீபாராதனைகள் காட்டப்பட்டன. இந்த விழாவில் ஆலயக் கட்டளைத் தம்பிரான் சுவாமிகள், கோவில் நிர்வாக அதிகாரி (EO) சுப்ரமணியன், காரைக்கால் மாவட்டக் காவல்துறை அதிகாரிகள், முக்கியப் பிரமுகர்கள் மற்றும் உள்ளூர் பொதுமக்கள் உட்படப் பெருந்திரளான பக்தர்கள் கலந்து கொண்டனர். பக்தர்களின் வசதிக்காகக் குடிநீர், தற்காலிக நிழற்கூடங்கள் உள்ளிட்ட விரிவான ஏற்பாடுகளைத் தேவஸ்தான நிர்வாகமும் மாவட்ட நிர்வாகமும் செய்திருந்தன.
தேரோட்டம் மற்றும் தங்கக் காக்கை வாகன உலா:
தற்போது வசந்த மண்டபத்தில் எழுந்தருளியுள்ள தியாகராஜப் பெருமானுக்கு வரும் நாட்களிலும் சிறப்பு வழிபாடுகள் தொடரவுள்ளன. இந்த பிரம்மோற்சவ விழாவின் மற்றுமொரு சிகர நிகழ்வான மகா திருத்தேரோட்டம் வரும் மே 27-ம் தேதி (புதன்கிழமை) காலை வெகுவிமரிசையாக நடைபெற உள்ளது.
அதனைத் தொடர்ந்து, நாடு முழுவதிலும் இருந்து லட்சக்கணக்கான பக்தர்கள் எதிர்பார்க்கப்படும் ஸ்ரீ சனீஸ்வர பகவானின் ‘தங்கக் காக்கை வாகன’ வீதியுலா மே 28-ம் தேதியும், விழாவின் நிறைவுப் பகுதியான ‘தெப்ப உற்சவம்’ மே 29-ம் தேதியும் நடைபெற உள்ளதாக ஆலய நிர்வாகத் தரப்பில் தெரிவிக்கப்பட்டுள்ளது. விழா ஏற்பாடுகளைத் தருமபுர ஆதீனத்தின் வழிகாட்டுதலோடு, தேவஸ்தான அதிகாரிகள் மற்றும் ஊழியர்கள் முழுவீச்சில் மேற்கொண்டு வருகின்றனர்.
- கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு
ராமநாதபுரம்,மே 28 : ராமநாதபுரம் மாவட்டம் கமுதி அருகே புதுக்கோட்டை கிராமத்தில் அமைந்துள்ள அருள்மிகு ஸ்ரீ மூர்த்தி விநாயகர், முத்தாலம்மன், நிறைகுளத்து அய்யனார், அழகு வள்ளியம்மன், முப்புடாரி அம்மன், கண்ணாபிரான் மற்றும் வீரிய காளியம்மன் ஆலயத்தின் 13 ஆம் ஆண்டு முளைப்பாரி உற்சவம் மற்றும் 34 ஆம் ஆண்டு முத்துராமலிங்க தேவர் குருபூஜை விழாக்கள் விமரிசையாகக் கொண்டாடப்பட்டன. இந்த இரு பெரும் விழாக்களையும் முன்னிட்டு, அப்பகுதியில் 9 ஆம் ஆண்டு வடமாடு மஞ்சுவிரட்டு விழா மிகக் கோலாகலமாக… Read more: கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு - கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார்
மதுரை, May 27 : தமிழகத்தில் ஆளுநர் பங்கேற்கும் எந்தவொரு நிகழ்வாக இருந்தாலும், அங்கு தமிழ்த்தாய் வாழ்த்துக்கே முதலிடம் அளிக்கப்பட வேண்டும் என்ற கோரிக்கையை ஒன்றிய அரசு பரிசீலித்து முறைப்படுத்தும் என்று மின்சாரத்துறை அமைச்சர் சி.டி.ஆர்.நிர்மல்குமார் தெரிவித்துள்ளார். மதுரை மாவட்டம் உசிலம்பட்டி அருகே உள்ள சூலப்புரம் கிராமத்தில் நேற்று இடி, மின்னலுடன் பெய்த பலத்த மழையின் போது, மின்னல் தாக்கி மூன்று பெண்கள் உயிரிழந்தனர். சீல்நாயக்கன்பட்டியைச் சேர்ந்த கணபதியம்மாள், சூலப்புரத்தைச் சேர்ந்த ராமுத்தாய் மற்றும் தனிக்கொடி ஆகிய… Read more: கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார் - தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம்
நெல்லை,May 28: தூத்துக்குடியில் வழக்கறிஞர் முத்துக்குமார் வெட்டிக்கொலை செய்யப்பட்ட வழக்கில், கொலையாளிகள் கூடிச் சதித் திட்டம் தீட்டியதை தான் நேரில் கேட்டதாக, நெல்லை மத்திய சிறை வளாகத்தில் அமைந்துள்ள சிறப்பு நீதிமன்றத்தில் கூலித் தொழிலாளி ஒருவர் பரபரப்பு சாட்சியம் அளித்துள்ளார். சென்னை உயர் நீதிமன்ற மதுரைக் கிளையின் உத்தரவின்படி, இந்த வழக்கின் சாட்சிகளுக்கு உரிய பாதுகாப்பு வழங்கப்பட்டு, பலத்த போலீஸ் பாதுகாப்புக்கு மத்தியில் இந்த விசாரணை தீவிரமாக நடைபெற்று வருகிறது. தூத்துக்குடி சோரீஸ்புரம் மடத்தூர் சாலையில் வழக்கறிஞர்… Read more: தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம் - சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி?
சிவகங்கை, May 27 : சிவகங்கை மாவட்டம் முழுவதும் உள்ள அரசு மற்றும் தனியார் வங்கிகள், நிதி நிறுவனங்களைக் குறிவைத்து, போலித் தங்க நகைகளை அடகு வைத்து கோடிக்கணக்கில் மோசடி செய்யும் கும்பல் ஒன்று தீவிரமாகச் செயல்பட்டு வருவது தற்பொழுது வெளிச்சத்திற்கு வந்துள்ளது. அசல் நகைகளைப் போன்றே துல்லியமாகத் தயாரிக்கப்படும் இந்த நகைகளால் வங்கிகளுக்குப் பெரும் நிதி இழப்பு ஏற்பட்டு வரும் சூழலில், சட்டச் சிக்கல்களுக்கு அஞ்சும் வங்கி நிர்வாகங்கள் புகார் அளிக்கத் தயங்குவதே இந்த கும்பலின்… Read more: சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி? - மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்புநெல்லை , May 27: புதிய மின் இணைப்பு வழங்குவதற்காக லஞ்சம் பெற்றுக்கொண்டு ஏமாற்றியதுடன், கொடுத்த பணத்தைத் திரும்பக் கேட்ட நபர் மீது மோட்டார் சைக்கிளை ஏற்றி விபத்து ஏற்படுத்தியதாக மின்வாரிய ஊழியர் மீது தொடரப்பட்ட வழக்கை திருநெல்வேலி நீதிமன்றம் தீவிரமாக விசாரித்து வருகிறது. திருநெல்வேலி பழையபேட்டை பகுதியைச் சேர்ந்தவர் பாஸ்கரபாண்டியன். இவருடைய மனைவி மீனா. தங்களது புதிய வீட்டிற்கு மின் இணைப்புப் பெறுவதற்காக, கடந்த 2022ஆம் ஆண்டில் மின்வாரிய ஊழியரான அருணன் என்பவரை இவர்கள் அணுகியுள்ளனர்.… Read more: மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்பு
