தூத்துக்குடி, May 25: தமிழகத்தில் அடுத்தடுத்து அரங்கேறி வரும் சிறுமிகளுக்கு எதிரான பாலியல் குற்றங்களைத் தடுக்க புதிய அரசு கூடுதல் எச்சரிக்கையுடனும், விழிப்புணர்வுடனும் நடவடிக்கை எடுக்க வேண்டும் என்று பாரதிய ஜனதா கட்சியின் மூத்த தலைவர் தமிழிசை சௌந்தர்ராஜன் வலியுறுத்தியுள்ளார்.
பல்வேறு நிகழ்ச்சிகளில் பங்கேற்பதற்காக சென்னையில் இருந்து தூத்துக்குடிக்கு விமானம் மூலம் வருகை தந்த அவர், விமான நிலையத்தில் செய்தியாளர்களைச் சந்தித்துப் பேசினார். அப்போது, மாநிலத்தில் நிலவும் சட்டம்-ஒழுங்கு நிலைமை, புதிய அமைச்சர்களின் செயல்பாடுகள் மற்றும் தேசிய அரசியல் சூழல் குறித்து தனது கருத்துகளைப் பகிர்ந்துகொண்டார்.
சமீபகாலமாக தமிழகத்தில் சிறுமிகளுக்கு எதிராக நடக்கும் குற்றங்கள் அதிகரித்து வருவதாகக் குறிப்பிட்ட தமிழிசை சௌந்தர்ராஜன், கோவையில் 10 வயது சிறுமிக்கும், விழுப்புரத்தில் 11 வயது சிறுமிக்கும் நேர்ந்த பாலியல் அத்துமீறல் சம்பவங்கள் தனக்கு மிகுந்த கவலையை அளிப்பதாகத் தெரிவித்தார்.
“வேடநத்தம் பள்ளி மாணவி பாலியல் வழக்கில் நீதிமன்றத் தீர்ப்பு வெளியாகவுள்ள சூழலில், பெண் குழந்தைகளைத் துன்புறுத்தும் இத்தகைய மிருகங்களுக்கு வாழத் தகுதியே இல்லை. அவர்களுக்குத் தூக்குத் தண்டனையோ அல்லது என்கவுண்டர் போன்ற கடுமையான நடவடிக்கைகளோதான் சரியான தீர்வாக இருக்க முடியும்,” என்று அவர் உணர்ச்சிபூர்வமாகக் குறிப்பிட்டார்.
மேலும், தற்போதைய அரசு பதவியேற்றபோது அறிவிக்கப்பட்ட ‘சிங்கப் பெண் படை’யின் செயல்பாடுகள் குறித்து விமர்சித்த அவர், “மாநிலத்தில் பெண்களைப் பாதுகாப்பதில் இந்த அமைப்பு இன்னும் போதிய வீரியத்துடன் செயல்படவில்லை என்றும், இது ‘பற்கள் இல்லாத ஒரு அமைப்பாக’ மாறிவிட்டதாகவும் ஆங்கிலப் பத்திரிகைகளே சுட்டிக்காட்டும் நிலை உருவாகியுள்ளது. இந்த அமைப்பு மாற்று அதிகார அமைப்பாக மாறிவிடக் கூடாது என்பதில் மக்கள் ஐயம் கொண்டுள்ளனர்,” என்றார்.
தென் மாவட்டங்களின் ஒட்டுமொத்த வளர்ச்சியில் புதிய அரசு கூடுதல் அக்கறை காட்ட வேண்டும் என்று கோரிய அவர், புதிதாகப் பொறுப்பேற்றுள்ள மக்கள் பிரதிநிதிகள் தங்களின் தொகுதிகளைப் பற்றியும், அரசியல் சூழல் பற்றியும் முழுமையாகத் தெரிந்துகொள்ள வேண்டும் என்று அறிவுறுத்தினார்.
“பலர் எதிர்பாராத ஆச்சரியத்தில் சட்டமன்ற உறுப்பினர்களாகவும், அமைச்சர்களாகவும் ஆகியுள்ளனர். அவர்களை விமர்சிப்பதை விட, தகுந்த அறிவுரைகளை வழங்குவதே முறை. தூத்துக்குடி ஏற்கனவே மத்திய அரசின் திட்டங்களால் ஒரு முழுமையான துறைமுக நகரமாக, இரவு நேர விமானச் சேவைகளுடன் வளர்ச்சி பெற்றுள்ளது. ஆனால், இங்கிருந்து தேர்ந்தெடுக்கப்பட்ட அமைச்சர் ஸ்ரீநாத், தூத்துக்குடியைப் புதிதாகத் துறைமுக நகரமாக மாற்றுவேன் என்று கூறுவது, தொகுதி நிலவரம் குறித்து அவருக்கு இருக்கும் புரிதலைக் காட்டுகிறது. மக்கள் இதையெல்லாம் கவனித்துக் கொண்டுதான் இருக்கிறார்கள்,” என்று சுட்டிக்காட்டினார்.
அரசின் பொதுவான அணுகுமுறை குறித்துப் பேசிய தமிழிசை, “சிறுபான்மையினருக்குப் பாதுகாப்பான அரசாகத் திகழ்வோம் என்று முதலமைச்சர் கூறுகிறார். அனைத்து முதலமைச்சர்களும் இதையே கூறினால், பெரும்பான்மை மக்களின் ஆதங்கங்களுக்கு யார் பதிலளிப்பது? புதிய அரசு அனைத்து மக்களுக்கான பாதுகாப்பு உணர்வை உறுதி செய்ய வேண்டும்,” என்றார்.
காங்கிரஸ் எம்பி மாணிக்கம் தாகூரின் விமர்சனங்களுக்குக் கடும் கண்டனம் தெரிவித்த தமிழிசை சௌந்தர்ராஜன், “சுயபலத்தில் தனியாக நின்று அமைச்சராகும் வாய்ப்பு இல்லாதவர்கள், திமுகவின் தோளில் ஏறி வெற்றி பெற்றுவிட்டு, இன்று பாஜகவை விமர்சிப்பது ஏற்புடையதல்ல. பதவி ஆசைக்காக மட்டுமே அவர்கள் ஒட்டிக்கொண்டிருக்கிறார்கள்,” என்று சாடினார்.
மத்தியில் உள்ள பாஜக அரசு ஓராண்டில் கவிழ்ந்துவிடும் என்று ராகுல் காந்தி பேசியதைக் குறிப்பிட்ட அவர், “மத்திய அரசை நிலைகுலையச் செய்ய அந்நிய சக்திகளுடன் மறைமுகமாக கைகோர்த்து இயங்குபவர்கள் இத்தகைய கருத்துகளைப் பரப்புகிறார்கள். ஆனால், இன்னும் பல ஆண்டுகளுக்கு மோடி தலைமையிலான அரசே தொடரும்,” என்றார்.
தமிழகக் கூட்டணி அரசியல் குறித்துப் பேசுகையில், விடுதலைச் சிறுத்தைகள், கம்யூனிஸ்ட்கள் மற்றும் திமுக ஆகிய கட்சிகள் தங்களின் சுயமுரண்பாடுகளால் தங்களுக்குத் தாங்களே பாதிப்பை ஏற்படுத்திக் கொள்வதாக விவரித்தார்.
“தேர்தலுக்கு முன்பாக ஆர்.எஸ்.எஸ் மற்றும் பாஜக மீது பல்வேறு பொய்ப் பழிகளைச் சுமத்தியவர்கள், இன்று அதே பின்னணி கொண்டவர்களுடன் இணைந்து ஆட்சி அமைத்துள்ளனர். ஆட்சி அதிகாரத்தில் விருப்பமில்லை என்றால் வெளியில் இருந்து ஆதரவு தந்திருக்கலாமே, ஏன் அமைச்சர் பதவிகளைப் பெற வேண்டும்? மக்கள் இந்த அரசுக்கு மிகப் பெரிய பெரும்பான்மையை வழங்கியிருந்தாலும், நடைமுறையில் இது தினமும் ஆட்டம் காணும் ஒரு அரசாங்கமாகவே காட்சியளிக்கிறது,” என்று தமிழிசை சௌந்தர்ராஜன் தனது பேட்டியில் குறிப்பிட்டார்.
- கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு
ராமநாதபுரம்,மே 28 : ராமநாதபுரம் மாவட்டம் கமுதி அருகே புதுக்கோட்டை கிராமத்தில் அமைந்துள்ள அருள்மிகு ஸ்ரீ மூர்த்தி விநாயகர், முத்தாலம்மன், நிறைகுளத்து அய்யனார், அழகு வள்ளியம்மன், முப்புடாரி அம்மன், கண்ணாபிரான் மற்றும் வீரிய காளியம்மன் ஆலயத்தின் 13 ஆம் ஆண்டு முளைப்பாரி உற்சவம் மற்றும் 34 ஆம் ஆண்டு முத்துராமலிங்க தேவர் குருபூஜை விழாக்கள் விமரிசையாகக் கொண்டாடப்பட்டன. இந்த இரு பெரும் விழாக்களையும் முன்னிட்டு, அப்பகுதியில் 9 ஆம் ஆண்டு வடமாடு மஞ்சுவிரட்டு விழா மிகக் கோலாகலமாக… Read more: கமுதி அருகே நிறைகுளத்து அய்யனார் கோவில் முளைப்பாரி திருவிழா: விறுவிறுப்பாக நடந்த வடமாடு மஞ்சுவிரட்டு - கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார்
மதுரை, May 27 : தமிழகத்தில் ஆளுநர் பங்கேற்கும் எந்தவொரு நிகழ்வாக இருந்தாலும், அங்கு தமிழ்த்தாய் வாழ்த்துக்கே முதலிடம் அளிக்கப்பட வேண்டும் என்ற கோரிக்கையை ஒன்றிய அரசு பரிசீலித்து முறைப்படுத்தும் என்று மின்சாரத்துறை அமைச்சர் சி.டி.ஆர்.நிர்மல்குமார் தெரிவித்துள்ளார். மதுரை மாவட்டம் உசிலம்பட்டி அருகே உள்ள சூலப்புரம் கிராமத்தில் நேற்று இடி, மின்னலுடன் பெய்த பலத்த மழையின் போது, மின்னல் தாக்கி மூன்று பெண்கள் உயிரிழந்தனர். சீல்நாயக்கன்பட்டியைச் சேர்ந்த கணபதியம்மாள், சூலப்புரத்தைச் சேர்ந்த ராமுத்தாய் மற்றும் தனிக்கொடி ஆகிய… Read more: கவர்னர் நிகழ்ச்சிகளில் தமிழ்தாய் வாழ்த்து முதன்மை பெற வேண்டும் – நிர்மல்குமார் - தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம்
நெல்லை,May 28: தூத்துக்குடியில் வழக்கறிஞர் முத்துக்குமார் வெட்டிக்கொலை செய்யப்பட்ட வழக்கில், கொலையாளிகள் கூடிச் சதித் திட்டம் தீட்டியதை தான் நேரில் கேட்டதாக, நெல்லை மத்திய சிறை வளாகத்தில் அமைந்துள்ள சிறப்பு நீதிமன்றத்தில் கூலித் தொழிலாளி ஒருவர் பரபரப்பு சாட்சியம் அளித்துள்ளார். சென்னை உயர் நீதிமன்ற மதுரைக் கிளையின் உத்தரவின்படி, இந்த வழக்கின் சாட்சிகளுக்கு உரிய பாதுகாப்பு வழங்கப்பட்டு, பலத்த போலீஸ் பாதுகாப்புக்கு மத்தியில் இந்த விசாரணை தீவிரமாக நடைபெற்று வருகிறது. தூத்துக்குடி சோரீஸ்புரம் மடத்தூர் சாலையில் வழக்கறிஞர்… Read more: தூத்துக்குடி வக்கீல் கொலை வழக்கு: சதித் திட்டத்தை நேரில் கேட்டதாக கூலித் தொழிலாளி பரபரப்பு சாட்சியம் - சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி?
சிவகங்கை, May 27 : சிவகங்கை மாவட்டம் முழுவதும் உள்ள அரசு மற்றும் தனியார் வங்கிகள், நிதி நிறுவனங்களைக் குறிவைத்து, போலித் தங்க நகைகளை அடகு வைத்து கோடிக்கணக்கில் மோசடி செய்யும் கும்பல் ஒன்று தீவிரமாகச் செயல்பட்டு வருவது தற்பொழுது வெளிச்சத்திற்கு வந்துள்ளது. அசல் நகைகளைப் போன்றே துல்லியமாகத் தயாரிக்கப்படும் இந்த நகைகளால் வங்கிகளுக்குப் பெரும் நிதி இழப்பு ஏற்பட்டு வரும் சூழலில், சட்டச் சிக்கல்களுக்கு அஞ்சும் வங்கி நிர்வாகங்கள் புகார் அளிக்கத் தயங்குவதே இந்த கும்பலின்… Read more: சிவகங்கையில் அதிர்ச்சி: போலி தங்க நகைகளை அடகு வைத்து கோடிகள் மோசடி? - மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்புநெல்லை , May 27: புதிய மின் இணைப்பு வழங்குவதற்காக லஞ்சம் பெற்றுக்கொண்டு ஏமாற்றியதுடன், கொடுத்த பணத்தைத் திரும்பக் கேட்ட நபர் மீது மோட்டார் சைக்கிளை ஏற்றி விபத்து ஏற்படுத்தியதாக மின்வாரிய ஊழியர் மீது தொடரப்பட்ட வழக்கை திருநெல்வேலி நீதிமன்றம் தீவிரமாக விசாரித்து வருகிறது. திருநெல்வேலி பழையபேட்டை பகுதியைச் சேர்ந்தவர் பாஸ்கரபாண்டியன். இவருடைய மனைவி மீனா. தங்களது புதிய வீட்டிற்கு மின் இணைப்புப் பெறுவதற்காக, கடந்த 2022ஆம் ஆண்டில் மின்வாரிய ஊழியரான அருணன் என்பவரை இவர்கள் அணுகியுள்ளனர்.… Read more: மின் இணைப்பு லஞ்ச வழக்கு: பணத்தைத் பைக் திருப்பி கேட்டவரை இடித்ததாக நெல்லையில் பரபரப்பு
