Chennai, May 28: தமிழகத்தை உலுக்கிய சென்னை சிறுமி ஹாசினி கொலை வழக்கில், குற்றம்சாட்டப்பட்ட தஷ்வந்தின் விடுதலையை எதிர்த்து உச்ச நீதிமன்றத்தில் தீர்ப்பை திருத்தக் கோரும் மனுவைத் (Review Petition) தாக்கல் செய்ய தமிழக அரசு முடிவு செய்துள்ளது. இந்த விவகாரம் தொடர்பாகத் தாக்கல் செய்யப்பட்ட வழக்கை விசாரித்த சென்னை உயர் நீதிமன்ற மதுரை அமர்வு, தமிழக அரசின் இந்த நிலைப்பாட்டைப் பதிவு செய்து கொண்டு வழக்கை முடித்து வைத்துள்ளது.
கடந்த 2017ஆம் ஆண்டு சென்னை போரூர் அருகே ஆறு வயது சிறுமி பாலியல் வன்கொடுமை செய்யப்பட்டு, கொடூரமான முறையில் கொலை செய்யப்பட்டார். இந்தச் சம்பவம் ஒட்டுமொத்த தமிழகத்தையும் அதிர்ச்சியில் ஆழ்த்தியது. இவ்வழக்கை விசாரித்த செங்கல்பட்டு போக்சோ சிறப்பு நீதிமன்றம், குற்றம்சாட்டப்பட்ட தஷ்வந்த் என்ற இளைஞருக்கு மரண தண்டனை விதித்து தீர்ப்பளித்தது. இந்தத் தீர்ப்பை எதிர்த்து தஷ்வந்த் தரப்பில் சென்னை உயர் நீதிமன்றத்தில் மேல்முறையீடு செய்யப்பட்டது. எனினும், மேல்முறையீட்டு மனுவை விசாரித்த உயர் நீதிமன்றம், 2018ஆம் ஆண்டில் தஷ்வந்தின் மனுவைத் தள்ளுபடி செய்து அவனுக்கு விதிக்கப்பட்ட மரண தண்டனையை உறுதி செய்தது.
இதனைத் தொடர்ந்து, இந்தத் தீர்ப்பை எதிர்த்து தஷ்வந்த் தரப்பில் உச்ச நீதிமன்றத்தில் மேல்முறையீடு செய்யப்பட்டது. இந்த மனுவை விசாரித்த உச்ச நீதிமன்றம், கடந்த ஆண்டு அக்டோபர் மாதம் தஷ்வந்துக்கு விதிக்கப்பட்ட மரண தண்டனையை ரத்து செய்ததுடன், அவரை அனைத்துக் குற்றச்சாட்டுகளிலிருந்தும் விடுதலை செய்து தீர்ப்பளித்தது. இந்தத் தீர்ப்பு பொதுமக்களிடையேயும், சமூக ஆர்வலர்களிடையேயும் பெரும் அதிர்ச்சியை ஏற்படுத்தியது.
also read : 6 வயது சிறுமி சீரழித்து கொலை.. தஷ்வந்த் விடுதலையை எதிர்த்து இறங்கும் தமிழகஅரசு !
இந்நிலையில், உச்ச நீதிமன்றத்தின் இந்த விடுதலைத் தீர்ப்பை மறுஆய்வு செய்யக் கோரி (தீர்ப்பைத் திருத்தக் கோரி) மனுத்தாக்கல் செய்ய தமிழக அரசுக்கு உத்தரவிட வேண்டும் என மதுரையைச் சேர்ந்த வழக்கறிஞர் வெங்கடேஷ் சென்னை உயர் நீதிமன்ற மதுரை அமர்வில் பொதுநல வழக்கு ஒன்றைத் தொடர்ந்திருந்தார்.
அவர் தனது மனுவில், தஷ்வந்த் உச்ச நீதிமன்றத்தில் மேல்முறையீடு செய்தபோது, சென்னை உயர் நீதிமன்றம் அதற்குத் தகுந்த சான்றிதழ் வழங்கி அனுமதி அளித்ததாக தஷ்வந்த் தரப்பில் உச்ச நீதிமன்றத்தில் தெரிவிக்கப்பட்டது. ஆனால், சென்னை உயர் நீதிமன்றம் அதுபோன்ற எந்தவொரு சான்றிதழையும் வழங்கவில்லை என்பது தகவல் அறியும் உரிமைச் சட்டத்தின் (RTI) மூலம் தெரியவந்துள்ளது. உயர் நீதிமன்றம் சான்றிதழ் அளிக்காத நிலையில், தவறான தகவலைக் கூறி உச்ச நீதிமன்றத்தில் மேல்முறையீடு செய்திருப்பது நீதித்துறையை ஏமாற்றும் செயலாகும். இது அப்பட்டமான நீதிமன்ற அவமதிப்புச் செயல் என்பதால், தஷ்வந்த் விடுதலையான தீர்ப்பைத் திரும்பப் பெற வேண்டியது அவசியமாகிறது. எனவே, இத்தீர்ப்பைத் திருத்தக் கோரி உச்ச நீதிமன்றத்தில் மனுத்தாக்கல் செய்ய தமிழக அரசுக்கு நீதிமன்றம் உத்தரவிட வேண்டும் என்று குறிப்பிட்டிருந்தார்.
இந்த வழக்கு நீதிபதிகள் ஜி.ஆர். சுவாமிநாதன் மற்றும் பி. லட்சுமி நாராயணன் ஆகியோர் அடங்கிய அமர்வு முன்பாக விசாரணைக்கு வந்தது. அப்போது தமிழக அரசுத் தரப்பில் முன்னிலையான வழக்கறிஞர், தஷ்வந்த் விடுதலை செய்யப்பட்ட தீர்ப்பை எதிர்த்தும், அதனைத் திருத்தக் கோரியும் உச்ச நீதிமன்றத்தில் தமிழக அரசு சார்பில் விரைவில் மறுஆய்வு மனுத்தாக்கல் செய்யப்படவுள்ளதாகத் தெரிவித்தார்.
அரசுத் தரப்பின் இந்த முக்கிய வாதத்தையும், தஷ்வந்த் விவகாரத்தில் அரசு எடுக்கவுள்ள சட்டப்பூர்வ நடவடிக்கையையும் பதிவு செய்து கொண்ட நீதிபதிகள், வழக்கறிஞர் வெங்கடேஷ் தாக்கல் செய்திருந்த பொதுநல வழக்கை இத்துடன் முடித்து வைத்து உத்தரவிட்டனர். நீதிமன்றத்தை ஏமாற்றிப் பெறப்பட்டதாகக் கூறப்படும் தஷ்வந்தின் விடுதலைத் தீர்ப்புக்கு எதிராகத் தமிழக அரசு உச்ச நீதிமன்றத்தை நாடவிருப்பது இவ்வழக்கில் மீண்டும் ஒரு முக்கிய திருப்பத்தை ஏற்படுத்தியுள்ளது.
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
