முதல்வர் விஜயை பற்றி பேசிய போது கண்கலங்கிய SAC-ன் உணர்ச்சி பேச்சு வைரலாகி வருகிறது. “என் கனவை என் மகன் நிறைவேற்றினார்” என பெருமிதம் தெரிவித்தார்.
தமிழக அரசியலில் புதிய பரபரப்பை ஏற்படுத்திய தருணமாக, முதல்வர் ஜோசப் விஜயை பற்றி பேசியபோது அவரது தந்தையும் இயக்குநருமான எஸ்.ஏ.சந்திரசேகர் (SAC) உணர்ச்சிவசப்பட்ட சம்பவம் தற்போது சமூக வலைதளங்களில் வேகமாக வைரலாகி வருகிறது. பல ஆண்டுகளாக நடிகராக உச்சத்தில் இருந்த விஜய், அரசியலுக்குள் வந்து தமிழகத்தின் முதலமைச்சராக பதவியேற்றிருப்பது குறித்து SAC பகிர்ந்த கருத்துகள் ரசிகர்கள் மற்றும் பொதுமக்கள் மத்தியில் பெரிய அளவில் கவனம் பெற்றுள்ளன.
“இதைவிட என்ன வேண்டும்? இது என்னுடைய கனவு. அந்த கனவை என் பிள்ளை நிறைவேற்றியிருக்கிறார்” என்று பேசும்போதே SAC-ன் குரல் தளர்ந்தது. அவரது கண்களிலும் கலக்கம் தெரிந்தது. அந்த தருணம் தற்போது இணையத்தில் அதிகம் பகிரப்படும் emotional political moments-களில் ஒன்றாக மாறியுள்ளது.
“விஜய் சொன்னா கண்டிப்பா செய்வார்” – SAC நம்பிக்கை
பேட்டியின் போது, விஜய் முதலமைச்சராக பொறுப்பேற்ற உடனேயே பெண்கள் பாதுகாப்பு உள்ளிட்ட முக்கிய திட்டங்களில் வேகமாக கையெழுத்திட்டது குறித்து கேள்வி எழுப்பப்பட்டது. அதற்கு பதிலளித்த SAC, “அவர் சொன்னா செய்வார். இது இப்போதைய விஷயம் இல்ல. சின்ன வயசிலிருந்தே அவர் அப்படித்தான். சும்மா பேச மாட்டார்” என்று உறுதியாக கூறினார்.
மேலும், “ஜெகன் நான் வந்து சும்மா பேசுறது இல்ல, என்னால என்ன முடியுமோ அதைத்தான் பேசுறேன் என்று அடிக்கடி சொல்வார். அவர் என்ன பேசுறாரோ அதைத்தான் செய்வார்” என்ற அவரது வார்த்தைகள், விஜயின் அரசியல் செயல்பாடு குறித்த குடும்ப நம்பிக்கையை வெளிப்படுத்தியது.
நடிகர் விஜயிலிருந்து “தமிழ்நாட்டின் முதல்வர்” வரை
SAC பேசியதில் அதிகம் பேசப்பட்ட பகுதி, விஜய் கடந்த பாதையை நினைத்து அவர் உணர்ச்சிவசப்பட்ட தருணம்தான். “ஒரு நடிகனாக உச்சத்துக்கு போய், அந்த இடத்தை விட்டுட்டு இங்கே வந்து நிற்பது சாதாரண விஷயம் இல்ல” என்று அவர் குறிப்பிட்டார்.
அதன்பின், “அவர் பட்ட கஷ்டங்கள் எனக்கு தெரியும். அந்த எல்லா கஷ்டங்களையும் மீறி இன்று ‘ஜோசப் விஜய் ஆகிய நான்’ என்று சொல்லும் இடத்துக்கு வந்திருக்கிறார். அதுதான் எனக்கு emotional ஆன தருணம்” என்று கூறியபோது, அங்கு இருந்தவர்களும் சில நொடிகள் அமைதியாகியிருந்தனர்.
இந்த உரை, விஜய் ரசிகர்கள் மட்டுமல்லாமல் அரசியல் வட்டாரங்களிலும் பேசுபொருளாக மாறியுள்ளது. குறிப்பாக “ஒரு தகப்பனுக்கு கிடைக்காத பெருமை இது” என்ற SAC-ன் வரிகள் சமூக வலைதளங்களில் quote cards ஆக பரவி வருகின்றன.
