நெல்லை / சேரன்மகாதேவி : நெல்லை மாவட்டம் முக்கூடல் அருகே, வீடொன்றில் ரகசியமாகப் பதுக்கி வைக்கப்பட்டிருந்த 12 கிலோ கஞ்சாவை போலீஸார் அதிரடியாகப் பறிமுதல் செய்துள்ளனர். இந்த சட்டவிரோத கும்பலைச் சேர்ந்த 5 பெண்கள் உள்ளிட்ட 7 பேரை போலீஸார் சனிக்கிழமை கைது செய்து சிறையிலடைத்தனர். கைதானவர்களில் மும்பை மற்றும் குஜராத்தைச் சேர்ந்தவர்களும் அடங்குவர் என்பது நெல்லைப் பகுதியில் பெரும் பரபரப்பை ஏற்படுத்தியுள்ளது.
மாவட்ட எல்லைப் பகுதிகளில் கஞ்சா மற்றும் போதைப்பொருள் புழக்கத்தைக் கட்டுப்படுத்த மாவட்டக் காவல் கண்காணிப்பாளர் உத்தரவின் பேரில் போலீஸார் தீவிர கண்காணிப்புப் பணிகளில் ஈடுபட்டு வருகின்றனர். இதன் ஒருபகுதியாக, முக்கூடல் காவல் சரகத்திற்குள்பட்ட பகுதிகளில் காவல் ஆய்வாளர் சங்கரநாராயணன் தலைமையிலான போலீஸார் நேற்று தீவிர ரோந்துப் பணியில் ஈடுபட்டிருந்தனர்.
அப்போது, முக்கூடல் சடையப்பபுரம் பகுதியில் உள்ள ஒரு வீட்டில் கஞ்சா மூட்டைகள் பதுக்கி வைக்கப்பட்டு, அங்கிருந்து சில்லறை விற்பனைக்காகக் கடத்தப்படுவதாக போலீஸாருக்கு ரகசியத் தகவல் கிடைத்தது. முக்கூடல் பகுதி இளைஞர்களையும், பள்ளி, கல்லூரி மாணவர்களையும் குறிவைத்து இந்த நெட்வொர்க் செயல்படுவதாகக் கிடைத்தத் தகவலையடுத்து, ஆய்வாளர் தலைமையிலான தனிப்படை போலீஸார் உடனடியாக சடையப்பபுரம் பகுதிக்கு விரைந்தனர்.
தகவலில் குறிப்பிட்டிருந்தபடி, அப்பகுதியைச் சேர்ந்த பவர் சங்கீதா என்பவரது வீட்டை போலீஸார் திடீரெனச் சுற்றி வளைத்து அதிரடி சோதனையில் இறங்கினர். போலீஸாரின் இந்தத் திடீர் வருகையைச் சற்றும் எதிர்பாராத அங்கிருந்த கும்பல் தப்பியோட முயன்றது. எனினும், உஷாரான போலீஸார் வீட்டின் அனைத்துப் பாதைகளையும் மறித்து, உள்ளே இருந்தவர்களை மடக்கிப் பிடித்தனர்.
தொடர்ந்து வீட்டின் உள் அறைகளில் நடத்தப்பட்ட விரிவான சோதனையில், சாக்கு மூட்டைகளில் சிறுசிறு பொட்டலங்களாகப் பார்சல் செய்யப்பட்டு, அரசால் தடை செய்யப்பட்ட கஞ்சா பதுக்கி வைக்கப்பட்டிருப்பது கண்டுபிடிக்கப்பட்டது. அங்கிருந்த மூட்டைகளை எடைபோட்டுப் பார்த்தபோது, மொத்தம் 12 கிலோ கஞ்சா இருப்பது உறுதி செய்யப்பட்டது. இதையடுத்து அந்தப் போதைப்பொருள் மொத்தத்தையும் போலீஸார் உடனடியாகப் பறிமுதல் செய்தனர்.
இதனைத் தொடர்ந்து, வீட்டில் பிடிபட்ட 7 பேரிடமும் போலீஸார் காவல் நிலையம் அழைத்துச் சென்று தீவிர விசாரணை நடத்தினர். அந்த விசாரணையில், முக்கூடல் சடையப்பபுரத்தைச் சேர்ந்த பவர் சங்கீதா (48), அதே பகுதியைச் சேர்ந்த ஆர்த்தி (22), நெல்லை பேட்டை பகுதியைச் சேர்ந்த ரசூல் பாத்திமா (40), குஜராத் மாநிலத்தைச் சேர்ந்த சௌந்தரபாண்டியன் (63), மும்பையைச் சேர்ந்த ஜெய் பூர்நிஷா (55), சடையப்பபுரத்தைச் சேர்ந்த விஜயா (19) மற்றும் வீரவநல்லூரைச் சேர்ந்த இசக்கிமுத்து (25) ஆகிய 7 பேரும் கூட்டுச் சேர்ந்து இந்தத் தொழிலில் ஈடுபட்டது அம்பலமானது.
வெளிமாநிலங்கள் மற்றும் வெளி மாவட்டங்களில் இருந்து மொத்தமாகக் கஞ்சாவை வாங்கி வந்து, முக்கூடலில் உள்ள பவர் சங்கீதாவின் வீட்டில் பதுக்கி வைத்துள்ளனர். பின்னர், இதனைச் சிறுசிறு பொட்டலங்களாகப் பிரித்து, சுற்றுவட்டாரப் பகுதிகளில் கூடுதல் விலைக்கு விற்று லாபம் பார்க்கத் திட்டமிட்டிருந்ததும் விசாரணையில் தெரியவந்துள்ளது. கைது செய்யப்பட்டவர்களில் 19 மற்றும் 22 வயதுடைய இளம் பெண்களும், வெளிமாநிலத்தைச் சேர்ந்த முதியவர்களும் இருப்பது போலீஸாரையே அதிர்ச்சியடைய வைத்துள்ளது. வெளிமாநிலக் கும்பலுக்கும் இவர்களுக்கும் உள்ள பின்னணி குறித்தும் போலீஸார் தீவிரமாக விசாரித்து வருகின்றனர்.
இதுகுறித்து முக்கூடல் போலீஸார் வழக்குப் பதிவு செய்து, கைதான 5 பெண்கள் உட்பட 7 பேரையும் நீதிமன்றத்தில் ஆஜர்படுத்தி சிறையில் அடைத்தனர். முக்கூடல் பகுதியில் ஒரே நாளில் 12 கிலோ கஞ்சாவுடன் 5 பெண்கள் உள்பட 7 பேர் கைது செய்யப்பட்ட சம்பவம் அப்பகுதியில் பெரும் பரப்பை ஏற்படுத்தியுள்ளதுடன், போதைப்பொருள் நடமாட்டத்திற்கு எதிரான போலீஸாரின் கண்காணிப்பையும் தீவிரப்படுத்தியுள்ளது.
-செய்தியாளர் , நெல்லை மாவட்டம்
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
