கோவில்பட்டி,May 21: முன்னாள் பிரதமர் ராஜீவ் காந்தியின் நினைவு நாள் மே 21ஆம் தேதி நாடு முழுவதும் அனுசரிக்கப்பட்ட நிலையில், தூத்துக்குடி மாவட்டம் கோவில்பட்டியில் நடைபெற்ற காங்கிரஸ் கட்சியின் நிகழ்ச்சி மற்றும் அதனைத் தொடர்ந்து நடந்த காங்கிரஸ் கட்சியினர் போராட்டம் பரபரப்பை ஏற்படுத்தியது. முன்னாள் திமுக அமைச்சரும், திருச்செந்தூர் தொகுதி சட்டமன்ற உறுப்பினருமான அனிதா ராதாகிருஷ்ணனை கண்டித்து காங்கிரஸ் கட்சியினர் போராட்டத்தில் ஈடுபட்டபோது, அவரது புகைப்படத்தை செருப்பால் அடிக்க முயன்ற சம்பவம் சர்ச்சையை கிளப்பியது. அந்த முயற்சியை போலீசார் தடுக்க சென்றபோது ஏற்பட்ட தள்ளுமுள்ளுவில் போலீசாருக்கும் செருப்படிபட்டதாக தகவல் வெளியாகியுள்ளது
கோவில்பட்டி காந்தி மண்டபத்தில் நடைபெற்ற ராஜீவ் காந்தி நினைவு நாள் நிகழ்ச்சியில் காங்கிரஸ் கட்சியின் வடக்கு மாவட்ட தலைவர் பெருமாள்சாமி தலைமையில் கட்சியினர் கலந்து கொண்டு ராஜீவ் காந்தியின் திருவுருவப்படத்திற்கு மலர் தூவி மரியாதை செலுத்தினர். பின்னர், அரசு பயணியர் விடுதி முன்பு ஆர்ப்பாட்டம் நடைபெற்றது.
இந்த ஆர்ப்பாட்டத்தில் பேசிய காங்கிரஸ் நிர்வாகிகள், அண்மையில் அனிதா ராதாகிருஷ்ணன் ராகுல் காந்தி மற்றும் காங்கிரஸ் தலைவர்கள் குறித்து அவதூறாக பேசியதாக குற்றம்சாட்டி கண்டனம் தெரிவித்தனர். போராட்டத்தின் போது, அனிதா ராதாகிருஷ்ணனின் புகைப்படத்தை செருப்பால் அடிக்க சிலர் முயன்றனர். இதனை போலீசார் தடுக்க முனைந்தனர். அப்போது காங்கிரஸ் நிர்வாகிகளிடமிருந்து புகைப்படத்தை போலீசார் பறிக்க முயன்றதாக கூறப்படுகிறது.
இதனால் இரு தரப்பினருக்கும் இடையே தள்ளுமுள்ளு ஏற்பட்டது. போலீசாரை மீறி புகைப்படத்தை செருப்பால் அடிக்க முயன்றபோது, அங்கு பாதுகாப்பு பணியில் இருந்த சில போலீசாரின் மீதும் செருப்பு பட்டதாக தகவல் வெளியாகி, இதையடுத்து போலீசாருக்கும் காங்கிரஸ் கட்சியினருக்கும் இடையே வாக்குவாதம் ஏற்பட்டது. சம்பவ இடத்தில் சில நிமிடங்கள் பதற்றமான சூழல் நிலவியது.
also read ; “நடந்தாய் வாழி காவிரி” திட்டத்தை மீண்டும் செயல்படுத்த கோரிக்கை- பி.ஆர். பாண்டியன்
பின்னர் செய்தியாளர்களை சந்தித்த வடக்கு மாவட்ட காங்கிரஸ் தலைவர் பெருமாள்சாமி, திமுக மற்றும் அனிதா ராதாகிருஷ்ணனை கடுமையாக விமர்சித்தார். “59 ஆண்டுகளுக்கு பிறகு காங்கிரஸ் கட்சி தமிழக அமைச்சரவையில் இடம் பெற்றுள்ள இந்த நேரத்தில், முன்னாள் பிரதமர் ராஜீவ் காந்தி இல்லாதது வேதனை அளிக்கிறது. தென்னிந்தியாவில் காங்கிரஸ் கட்சி வளர்ச்சி பெற்று வருகிறது. வரவிருக்கும் நாடாளுமன்ற தேர்தலில் காங்கிரஸ் அதிக தொகுதிகளில் வெற்றி பெற்று, ராகுல் காந்தி பிரதமராக பொறுப்பேற்பார்,” என்றார்.
மேலும் பேசிய அவர், “காங்கிரஸ் தலைவர்களை பற்றி அனிதா ராதாகிருஷ்ணன் அவதூறாக பேசி வருகிறார். அவர் மனநிலை பாதிக்கப்பட்டவர் போல செயல்படுகிறார். சனாதனம் குறித்து பேசத் தொடங்கிய நாளிலிருந்து திமுகவின் தோல்வி ஆரம்பித்துவிட்டது. திமுகவுடன் கூட்டணியில் இருந்த எங்களுக்கும் பாதிப்பு ஏற்பட்டது. தற்போது அந்த நிலை மாறியுள்ளது,” என்று தெரிவித்தார்.
அதேபோல், “பாஜக கொடுத்த அழுத்தம் காரணமாக சட்டமன்ற தேர்தலில் த.வெ.க.வுடன் காங்கிரஸ் கூட்டணி அமைக்க திமுக அனுமதிக்கவில்லை. அதிமுக ஆட்சி அமைக்க திமுக மறைமுக ஆதரவு அளிக்க முயன்றது. எதிர்காலத்தில் திராவிட ஓநாய்களை விரட்டியடிக்க வேண்டும்,” என்றும் அவர் குற்றம்சாட்டினார்.
அனிதா ராதாகிருஷ்ணன் மீது உள்ள ஊழல் குற்றச்சாட்டுகளை குறிப்பிட்ட அவர், “அவர் விரைவில் சிறைக்கு செல்வார். அதனை திசைதிருப்பவே காங்கிரஸ் குறித்து தொடர்ந்து பேசி வருகிறார்,” என்றும் கூறினார்.
இந்த சம்பவம் காரணமாக கோவில்பட்டியில் சில நேரம் பரபரப்பான சூழல் நிலவியது. போலீசார் பாதுகாப்பை பலப்படுத்தி நிலைமையை கட்டுக்குள் கொண்டு வந்தனர். சம்பவம் தொடர்பாக அதிகாரப்பூர்வமாக வழக்குப் பதிவு செய்யப்பட்டதா என்பது குறித்து உடனடி தகவல் வெளியாகவில்லை.
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
