CM விஜயிடம் 6 துறை : தமிழகத்தில் சட்டம் ஒழுங்குக்கு அதிரடி கண்காணிப்பு.. டாஸ்மாக் முதல் பெண்கள் பாதுகாப்பு வரை 6 துறைகளுக்கு Special Monitoring Officers நியமிக்க முதலமைச்சர் விஜய் முடிவு
சென்னை , May 16: தமிழகத்தில் சட்டம் ஒழுங்கை மேலும் வலுப்படுத்தும் நோக்கில், முதலமைச்சர் விஜய் தலைமையிலான அரசு புதிய கண்காணிப்பு அமைப்பு ஒன்றை உருவாக்கும் பணிகளில் தீவிரமாக இறங்கியுள்ளது. குறிப்பாக, நிர்வாகக் குளறுபடிகளைத் தவிர்த்து, மாவட்ட அளவிலான அலட்சியங்களைக் குறைக்கும் நோக்கில் இந்த அதிரடி நடவடிக்கை மேற்கொள்ளப்பட உள்ளது. டாஸ்மாக், போதைப்பொருள் தடுப்பு, பெண்கள் மற்றும் குழந்தைகள் பாதுகாப்பு, சமூக விரோதச் செயல்கள், வழக்கு பதிவுகள் கண்காணிப்பு மற்றும் பத்திரப்பதிவுத் துறை ஆகிய ஆறு முக்கிய துறைகளின் செயல்பாடுகளைக் காவல்துறை தலைமையகத்திலிருந்து நேரடியாகக் கண்காணிக்கும் வகையில், ‘சிறப்பு கண்காணிப்பு அதிகாரிகள்’ (Special Monitoring Officers) நியமிக்கப்பட உள்ளதாகத் நம்பத்தகுந்த வட்டாரங்கள் தெரிவிக்கின்றன.
முதலமைச்சராகப் பொறுப்பேற்றது முதலே நிர்வாகக் கட்டமைப்பில் பல்வேறு மாற்றங்களைக் கொண்டு வருவதற்கான ஆலோசனைகளை விஜய் தொடர்ந்து மேற்கொண்டு வருகிறார். குறிப்பாக, மாநிலத்தின் சட்டம் ஒழுங்கு விவகாரத்தில் எவ்வித சமரசமும் இல்லை என்ற உறுதியான நிலைப்பாட்டை அவர் எடுத்துள்ளதாகத் தெரிகிறது. தமிழகத்தின் பல்வேறு பகுதிகளில் சட்டம் ஒழுங்குச் சிக்கல்கள், கள்ளச்சந்தை மது விற்பனை, போதைப்பொருள் புழக்கம் மற்றும் பெண்கள் பாதுகாப்பு தொடர்பான புகார்கள் அண்மைக்காலமாக விவாதப் பொருளாக மாறியுள்ள சூழலில், அவற்றை ஆரம்ப நிலையிலேயே வேரோடு கட்டுப்படுத்தும் நோக்கில் இந்த புதிய கண்காணிப்பு முறை வடிவமைக்கப்பட்டுள்ளது.
தற்போது நடைமுறையில் உள்ள அமைப்பின்படி, உள்ளூர் அளவில் செயல்படும் எஸ்பிசிஐடி (SPCID) பிரிவினர் தங்கள் எல்லைக்குட்பட்ட காவல் நிலையங்களில் நடைபெறும் சட்டம் ஒழுங்கு விவகாரங்களைச் சேகரித்து, மாவட்டக் காவல் கண்காணிப்பாளர் அல்லது சம்பந்தப்பட்ட டிஎஸ்பி அலுவலகங்களுக்கு அனுப்பி வருகின்றனர். ஆனால், புதிய திட்டத்தின்படி இந்தத் தரவுப் பகிர்வு முறையில் முக்கிய மாற்றம் செய்யப்பட உள்ளது. இனிமேல் உள்ளூர் உளவுத்துறை அதிகாரிகள் சேகரிக்கும் அனைத்துத் தகவல்களும், தினசரி அடிப்படையில் நேரடியாகக் காவல்துறை தலைமையகத்தில் அமர்த்தப்படும் சிறப்பு கண்காணிப்பு அதிகாரிகளுக்கு அனுப்பப்பட வேண்டும் என்று அறிவுறுத்தப்பட்டுள்ளது. இதன் மூலம், தகவல் பரிமாற்றத்தில் ஏற்படும் காலதாமதம் முற்றிலும் தவிர்க்கப்படும்.
இந்த புதிய கட்டமைப்பில் டாஸ்மாக் கடைகள் மற்றும் கள்ளச்சந்தை மது விற்பனை மீதான கண்காணிப்பு மிகத் தீவிரமாக முடுக்கிவிடப்பட உள்ளது. இரவு 10 மணிக்கு மேல் சட்டவிரோதமாக மது விற்கப்படுகிறதா, எந்தெந்த பகுதிகளில் கள்ளச்சந்தை மது வியாபாரம் தடையின்றி நடக்கிறது மற்றும் எத்தனை சந்து கடைகள் இயங்குகின்றன போன்ற துல்லியமான விவரங்களை அந்தந்த பகுதி எஸ்பிசிஐடி அதிகாரிகள் தினசரி சேகரிக்க வேண்டும். அவ்வாறு சேகரிக்கப்படும் விவரங்கள் உடனடியாக தலைமையக அதிகாரிகளுக்கு அனுப்பப்படும். தகவல்களைப் பெற்றுக்கொள்ளும் சிறப்பு கண்காணிப்பு அதிகாரிகள், சம்பந்தப்பட்ட டிஐஜி மற்றும் ஐஜி அதிகாரிகளுக்குத் தகவல் தெரிவித்து, அதே இரவிலேயே கள நடவடிக்கை எடுக்க உத்தரவிடுவர். கள்ளச்சந்தை மது விற்பனை உறுதி செய்யப்படும் பட்சத்தில், சம்பந்தப்பட்ட கடைகளை உடனடியாக மூடுவது மற்றும் அவற்றின் உரிமங்களை ரத்து செய்வது உள்ளிட்ட கடுமையான சட்ட நடவடிக்கைகள் பாயும் எனத் தெரிகிறது.
இதேபோல், பெண்கள் மற்றும் குழந்தைகள் பாதுகாப்பு தொடர்பான வழக்குகளுக்கு இந்த அமைப்பில் தனி கவனம் செலுத்தப்படவுள்ளது. தினசரிப் பதியப்படும் பெண்கள் மற்றும் குழந்தைகள் மீதான குற்ற வழக்குகள் தற்போதைய நிலையில் எவ்வாறு உள்ளன, புலனாய்வு எந்த திசையில் நகர்கிறது, குற்றவாளிகளைக் கைது செய்ய எடுக்கப்பட்ட நடவடிக்கைகள் என்னென்ன என்பது போன்ற ஒட்டுமொத்த விவரங்களும் இந்த சிறப்பு அதிகாரிகளின் நேரடிக் கண்காணிப்பின் கீழ் கொண்டு வரப்பட உள்ளன.
மறுபுறம், சமூக விரோதச் செயல்பாடுகள் மற்றும் சட்டம் ஒழுங்குப் பாதிப்புகளை ஏற்படுத்தும் சாத்தியக்கூறுகள் உள்ள பகுதிகளை உளவுத்துறை காவலர்கள் முன்கூட்டியே கண்டறிந்து உடனுக்குடன் தலைமையகத்திற்குத் தெரிவிக்க வேண்டும். இதன் மூலம், ஒரு சிறிய சட்டம் ஒழுங்குப் பிரச்சினை பெரிய அளவில் உருவெடுப்பதற்கு முன்பாகவே, அதனைத் தொடக்க நிலையிலேயே முறியடிப்பது இந்த புதிய அமைப்பின் முதன்மை இலக்காக நிர்ணயிக்கப்பட்டுள்ளது. உளவுத்துறை காவலர்களுடன் நடத்தப்பட்ட உயர்மட்ட ஆலோசனைக் கூட்டத்தின் முடிவிலேயே இந்த இறுதி முடிவு எட்டப்பட்டுள்ளதுடன், இதற்கான தொடக்கக்கட்ட வழிகாட்டுதல்கள் காவல்துறைக்கு ஏற்கனவே அதிகாரப்பூர்வமாக வழங்கப்பட்டுள்ளன.
- ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ்
சென்னை , ஜூன் 13 : தமிழகத்தில் சமூக விரோதிகள், போதைப்பொருள் கடத்தல்காரர்கள் மற்றும் தலைமறைவு குற்றவாளிகளுக்கு எதிராகக் காவல்துறை நடத்திய அதிரடி சோதனையில் கடந்த இரு வாரங்களில் மட்டும் 1,328 பேர் கைது செய்யப்பட்டுச் சிறையில் அடைக்கப்பட்டுள்ளனர். மாநிலத்தின் சட்டம் ஒழுங்கைப் பேணவும் குற்றச் செயல்களை முன்கூட்டியே தடுக்கவும் டிஜிபி மகேஷ் குமார் அகர்வால் உத்தரவின் பேரில் இந்த மாநிலம் தழுவிய சிறப்பு வேட்டை நடத்தப்பட்டுள்ளது. கடந்த மே 28-ஆம் தேதி தொடங்கி ஜூன் 10-ஆம்… Read more: ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ் - ஆண் நண்பரின் பிறந்தநாளுக்கு Surprise அவதாரம் எடுத்த பெண் கைது: வேலூரில் அதிர்ச்சி
வேலூர் , ஜூன் 13: வேலூர் கோட்டை பூங்காவில் காவல்துறை துணைக் கண்காணிப்பாளர் சீருடையில் சந்தேகத்திற்கு இடமளிக்கும் வகையில் சுற்றித் திரிந்த உமா மகேஸ்வரி என்ற 33 வயது பெண்ணை வேலூர் வடக்கு காவல் நிலைய போலீசார் கைது செய்துள்ளனர். தனது காதலனின் பிறந்தநாளைக் கொண்டாடுவதற்காக போலியாக போலீஸ் வேடமிட்டு வந்தபோது அவர் காவல்துறையிடம் சிக்கியதாக விசாரணையில் தெரியவந்துள்ளது. வேலூர் மாவட்டத்தைச் சேர்ந்த உமா மகேஸ்வரிக்கு திருமணமாகி மூன்று குழந்தைகள் உள்ள நிலையில் கணவருடன் ஏற்பட்ட கருத்து… Read more: ஆண் நண்பரின் பிறந்தநாளுக்கு Surprise அவதாரம் எடுத்த பெண் கைது: வேலூரில் அதிர்ச்சி - பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன்
நெல்லை , ஜூன் 13 : நெல்லை மாவட்ட ஆட்சியர் அலுவலகத்தில் சனிக்கிழமை நடைபெற்ற அனைத்துத் துறை ஆய்வுக் கூட்டத்திற்குப் பிறகு தமிழக நிதி அமைச்சரும் மாவட்டப் பொறுப்பு அமைச்சருமான மரியவில்சன் செய்தியாளர்களைச் சந்தித்தார். அப்போது வரவிருக்கும் பருவமழைத் தொடங்குவதற்கு முன்பாகவே மாவட்டத்தில் உள்ள அனைத்து சாலைப் பணிகளையும் முழுமையாக முடிக்க முக்கிய முன்னுரிமை அளிக்கப்பட்டுள்ளது என்று அவர் தெரிவித்தார். சுமார் 3 மணி நேரம் 30 நிமிடங்களுக்கும் மேலாக நீடித்த இந்த விரிவான ஆய்வுக் கூட்டத்தில்… Read more: பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன் - பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்!
பாட்னா , June 13 : பீகார் மாநிலம் பாட்னாவில் வாடிக்கையாளர்களைப் போல நடித்து, நகைக்கடை உரிமையாளர் மீது பெப்பர் ஸ்பிரே அடித்து கொள்ளையடிக்க முயன்ற இரண்டு இளம் பெண்களை பொதுமக்கள் மடக்கிப் பிடித்து காவல்துறையிடம் ஒப்படைத்தனர். பாட்னாவின் திகா பகுதியில் உள்ள குறிச்சி பாலம் அருகே இந்த நகைக்கடை இயங்கி வருகிறது. நேற்று இந்த கடைக்கு இரண்டு இளம் பெண்கள் நகைகளை வாங்குவது போல வந்துள்ளனர். கடையில் இருந்த நகைகளை காண்பிக்குமாறு அங்கிருந்த உரிமையாளரிடம் அவர்கள்… Read more: பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்! - குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!!
ஆந்திரா , ஜூன் 13 : ஆந்திர மாநிலம் டெக்கலி பகுதியைச் சேர்ந்த ஈஸ்வரராவ் மற்றும் விஜயகுமாரி தம்பதியின் மகள் ஹரிணி. இவருக்கு கடந்த 2020ஆம் ஆண்டு தும்பல தத்தேஸ்வரராவ் என்பவருடன் திருமணம் ஆகி நான்கு வயதில் ஒரு பெண் குழந்தை உள்ளது. அரசுப் பணியில் சேர வேண்டும் என்ற லட்சியத்தோடு ஹரிணி ஹைதராபாத்தில் உள்ள பயிற்சி மையம் ஒன்றில் படித்து வந்தார். அங்கு அவருக்கும் நாகேந்திரா என்ற இளைஞருக்கும் இடையே பழக்கம் ஏற்பட்டு அது நாளடைவில்… Read more: குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!!
