மேலூர் , மே 16: மதுரை மாவட்டம் மேலூர் அருகே உள்ள கள்ளந்திரியில் பாரம்பரியமிக்க சமத்துவ மீன்பிடித் திருவிழா ஆயிரக்கணக்கான பொதுமக்களின் பங்கேற்புடன் வெள்ளிக்கிழமை உற்சாகமாக நடைபெற்றது. சாதி, மத வேறுபாடுகளைக் கடந்து பல்வேறு கிராமங்களைச் சேர்ந்த மக்கள் ஒன்றிணைந்து கண்மாய்க்குள் இறங்கி, போட்டிப்போட்டு நாட்டு மீன்களைப் பிடித்த காட்சி அப்பகுதியில் நெகிழ்ச்சியான திருவிழாச் சூழலை ஏற்படுத்தியது.
மதுரை மாவட்டத்தின் பல்வேறு பகுதிகளில் நடப்பு ஆண்டிற்கான முதல் போக நெல் அறுவடைப் பணிகள் அண்மையில் நிறைவடைந்தன. இதனைத் தொடர்ந்து, கோடை வெயிலின் தாக்கம் காரணமாக அங்குள்ள நீர்நிலைகளில் தண்ணீர் படிப்படியாக வற்றத் தொடங்கியுள்ளது. நீர்மட்டம் குறைந்து வரும் இந்நாட்களில், மதுரை கிராமப்புறங்களில் ஆண்டுதோறும் நடத்தப்படும் பாரம்பரிய சமத்துவ மீன்பிடித் திருவிழாக்கள் தற்போது மீண்டும் களைகட்டத் தொடங்கியுள்ளன. அதன் ஒரு பகுதியாக, மேலூர் அருகே கள்ளந்திரியில் அமைந்துள்ள ஐந்து கோவில் முத்தன் சாமி கோவிலுக்குப் பாத்தியப்பட்ட பெரிய நாகினி கண்மாயில் இந்த ஆண்டிற்கான பாரம்பரிய மீன்பிடித் திருவிழா இன்று காலை நடத்தப்பட்டது.
கள்ளந்திரி உள்ளிட்ட சுற்றுவட்டாரத்தைச் சேர்ந்த ஐந்து கிராம மக்கள் இணைந்து நடத்தும் இந்த மீன்பிடித் திருவிழா, இப்பகுதியில் மிகவும் பிரசித்தி பெற்ற சமூக நிகழ்வாகக் கருதப்படுகிறது. ஆண்டுதோறும் முதல் போக அறுவடை முடிந்தவுடன் இந்த விழாவை நடத்துவது இப்பகுதி மக்களின் நீண்டகால வழக்கமாகும். அதன்படி, இந்த ஆண்டும் அதே பாரம்பரியத் தொடர்ச்சியைப் பேணிக் காக்கும் பொருட்டு, மீன்பிடித் திருவிழாவை நடத்த கிராம முக்கியஸ்தர்கள் மற்றும் பொதுமக்கள் ஒன்றுகூடி முறைப்படி தேதியைத் தீர்மானித்தனர்.
திருவிழா நடைபெறும் நாள் பல நாட்களுக்கு முன்பே கிராம நிர்வாகத்தினரால் அதிகாரப்பூர்வமாக அறிவிக்கப்பட்டதால், சுற்றுவட்டாரப் பகுதிகளில் பெரும் எதிர்பார்ப்பு நிலவியது. இதன் காரணமாக கள்ளந்திரி, மாங்குளம், பொய்கை கரைப்பட்டி, அ.வலையபட்டி, அ.வல்லாளபட்டி, அரிட்டாபட்டி உள்ளிட்ட பல்வேறு கிராமங்களைச் சேர்ந்த மக்கள் அதிக ஆர்வத்துடன் காத்திருந்தனர். மேலும், மதுரை மாவட்ட எல்லைகளைத் தாண்டி, அண்டை மாவட்டங்களான திண்டுக்கல் மற்றும் சிவகங்கையில் இருந்தும் பெண்கள், இளைஞர்கள், சிறுவர்கள் என ஆயிரத்திற்கும் மேற்பட்ட பொதுமக்கள் அதிகாலை முதலே கண்மாய் கரையை நோக்கி வரத் தொடங்கினர்.
கண்மாய் கரையில் திரண்டிருந்த பொதுமக்கள், தங்களின் பாரம்பரிய மீன்பிடி உபகரணங்களான ஊத்தா, அரிவலை, கச்சா வலை உள்ளிட்டவற்றைத் கைகளில் ஏந்தியவாறு மிகுந்த உற்சாகத்துடன் குழுமியிருந்தனர். விடியற்காலையிலேயே ஒட்டுமொத்த கண்மாய் பகுதியும் மக்கள் கூட்டத்தால் நிறைந்து காணப்பட்டது.
இதனைத் தொடர்ந்து, திருவிழாவின் முக்கிய நிகழ்வாக மேல கள்ளந்திரி, கீழ கள்ளந்திரி, அம்மச்சியாபுரம், தொப்புளான்பட்டி மற்றும் ஆமந்தூர்பட்டி ஆகிய ஐந்து கிராமங்களைச் சேர்ந்த அம்பலகாரர்கள் (கிராமத் தலைவர்கள்) கண்மாயின் முக்கிய மடைப்பகுதிக்கு வருகை தந்தனர். அங்கு, நடப்பாண்டில் நல்ல மழை பெய்து விவசாயம் செழிக்க வேண்டும் என்றும், கிராம மக்கள் அனைவரும் நோய் நொடியின்றி வளமாக வாழ வேண்டும் என்றும் வேண்டி பாரம்பரிய வழிபாடுகளை மேற்கொண்டனர். பின்னர், திருவிழா தொடங்குவதற்கான சமிஞ்கையாக அவர்கள் முறைப்படி “வெள்ளை வீசினர்”.
அம்பலகாரர்கள் வெள்ளை வீசிய அடுத்த கணமே, கரையில் ஆவலுடன் காத்துக்கொண்டிருந்த ஆயிரக்கணக்கான பொதுமக்கள் ஒரே நேரத்தில் ஆரவாரத்துடன் கண்மாய்க்குள் இறங்கினர். தாங்கள் கொண்டு வந்திருந்த வலைகள் மற்றும் ஊத்தா உபகரணங்களைப் பயன்படுத்திச் சேற்று நீரில் விறுவிறுப்பாக மீன்களைப் பிடிக்கத் தொடங்கினர். ஆண்கள், பெண்கள், சிறியவர்கள் என வயது வித்தியாசமின்றி அனைவரும் போட்டிப்போட்டு மீன் வேட்டையில் ஈடுபட்டதால் கண்மாய் முழுதும் பரப்பரப்பான சூழல் நிலவியது.
இந்த மீன்பிடித் திருவிழாவில் சிலேப்பி, கட்லா, கெளுத்தி, அயிரை, விரால், பாப்லட் உள்ளிட்ட பல்வேறு வகையான நாட்டு மீன்கள் அதிக அளவில் பொதுமக்களின் வலைகளில் சிக்கின. ஒருசிலர் சிறிய வலைகளை வீசி மீன்களை அள்ளிய நிலையில், இளைஞர்கள் பலர் வெறும் கைகளாலேயே சேற்றுக்குள் துள்ளிய நாட்டு மீன்களைப் பிடித்து மகிழ்ந்தனர்.
இவ்வாறு பிடிக்கப்பட்ட மீன்களை வீடுகளுக்கு எடுத்துச் சென்று, தங்களது உறவினர்கள் மற்றும் அண்டை வீட்டார்களுடன் பகிர்ந்து, சமைத்து உண்பது இப்பகுதி மக்களின் நீண்டகால சமூக மரபாகப் பின்பற்றப்பட்டு வருகிறது. குடும்பத்தினர் மற்றும் சுற்றத்தாருடன் ஒன்றாக அமர்ந்து இந்த நாட்டு மீன் குழம்பை உண்பது, கிராம மக்களிடையேயான சமூக ஒற்றுமையையும், உறவுப் பிணைப்பையும் மேலும் வலுப்படுத்துவதாக முதியவர்கள் தெரிவிக்கின்றனர்.
- சொதப்பிய குஜராத்… சிங்கம் போல சீறிய RCB!!! இரண்டாவது முறையாக சாம்பியன் பட்டத்தைக் கைப்பற்றி ரசிகர்களை உற்சாகப்படுத்திய மாபெரும் வெற்றி
அகமதாபாத், ஜூன் 1: கடந்த மார்ச் மாதம் தொடங்கிய 19-ஆவது ஐபிஎல் (IPL) தொடர், இரண்டு மாத கால விறுவிறுப்பானப் போட்டிகளுக்குப் பிறகு இன்றுடன் நிறைவடைந்தது. அகமதாபாத்தில் உள்ள நரேந்திர மோடி மைதானத்தில் நடைபெற்ற இறுதிப் போட்டியில் குஜராத் மற்றும் ராயல் சலஞ்சர்ஸ் பெங்களூரு (RCB) அணிகள் மோதின. இதில் குஜராத் அணியை 5 விக்கெட் வித்தியாசத்தில் வீழ்த்திய ஆர்சிபி அணி, இரண்டாவது முறையாக சாம்பியன் பட்டத்தைக் கைப்பற்றி வரலாற்றுச் சாதனை படைத்துள்ளது. டாஸ் வென்ற ஆர்சிபி;… Read more: சொதப்பிய குஜராத்… சிங்கம் போல சீறிய RCB!!! இரண்டாவது முறையாக சாம்பியன் பட்டத்தைக் கைப்பற்றி ரசிகர்களை உற்சாகப்படுத்திய மாபெரும் வெற்றி - ஜூன் 1 முதல் ATM கட்டணம், UPI பெயர்கள் & சிலிண்டர் விலையில் அதிரடி மாற்றங்கள்!!!
சென்னை, மே 31 : ஜூன் 1, 2026 முதல் பல தரப்பினரையும் பாதிக்கும் வகையிலான பல்வேறு புதிய விதிகள் & கட்டண மாற்றங்கள் அமலுக்கு வர உள்ளன.வங்கிச் சேவைகள்,டிஜிட்டல் பரிவர்த்தனைகள் மற்றும் கேஸ் சிலிண்டர் விலைகள் & தமிழக அரசு நிர்வாகம் சார்ந்த முக்கிய மாற்றங்கள் குறித்த விரிவான விவரங்கள் பின்வருமாறு: வங்கி டெபாசிட் & சொத்து பரிவர்த்தனை விதிகளில் மாற்றம் : வங்கி மற்றும் நிதித்துறை சார்ந்த விதிகளில் பொதுமக்களுக்குச் சாதகமான சில முக்கிய… Read more: ஜூன் 1 முதல் ATM கட்டணம், UPI பெயர்கள் & சிலிண்டர் விலையில் அதிரடி மாற்றங்கள்!!! - கோவை: அகில இந்திய கூடைப்பந்து போட்டி நிறைவு; இந்திய இராணுவம், தென் மத்திய ரயில்வே சாம்பியன்
கோவை , மே 31: டெக்ஸ்டைல் நகரம் என்று அழைக்கப்படும் கோயம்புத்தூரில் கடந்த ஐந்து நாட்களாக விளையாட்டு ரசிகர்களை உற்சாகத்தில் ஆழ்த்திய அகில இந்திய கூடைப்பந்து போட்டிகள் இன்றுடன் சுமுகமாக நிறைவடைந்தன. கடந்த 27 ஆம் தேதி தொடங்கிய இத்தொடரில், நாட்டின் பல்வேறு பகுதிகளில் இருந்து வருகை தந்த முன்னணி அணிகள் தங்களின் திறமைகளை வெளிப்படுத்தின. ஆண்கள் பிரிவில் ஒன்பது அணிகளும், பெண்கள் பிரிவில் ஒன்பது அணிகளும் என மொத்தம் 18 பலத்த அணிகள் இந்தத் தொடரில்… Read more: கோவை: அகில இந்திய கூடைப்பந்து போட்டி நிறைவு; இந்திய இராணுவம், தென் மத்திய ரயில்வே சாம்பியன் - ஐபிஎல் இறுதிப்போட்டி: ஆர்சிபியின் துல்லிய பந்துவீச்சு; 155 ரன்களில் சுருண்டது குஜராத்!
அகமதாபாத் , May 31: நடப்பு ஐபிஎல் தொடரின் இறுதிப்போட்டியில் குஜராத் அணிக்கு எதிராக ராயல் சேலஞ்சர்ஸ் பெங்களூரு அணி ஆதிக்கம் செலுத்தி வருகிறது. அகமதாபாத் நரேந்திர மோடி மைதானத்தில் நடைபெற்று வரும் இந்த முக்கியமான ஆட்டத்தில், டாஸ் வென்ற பெங்களூரு அணியின் கேப்டன் முதலில் பந்துவீச்சை தேர்வு செய்தார். பேட்டிங்கிற்கு சாதகமான இந்த ஆடுகளத்தில் பெரிய இலக்கை நிர்ணயிக்கும் முனைப்புடன் குஜராத் அணியின் தொடக்க வீரர்களாக சுப்மன் கில் மற்றும் சாய் சுதர்சன் ஆகியோர் களம்… Read more: ஐபிஎல் இறுதிப்போட்டி: ஆர்சிபியின் துல்லிய பந்துவீச்சு; 155 ரன்களில் சுருண்டது குஜராத்! - கோவையில் பிரம்மாண்ட ‘பெரியார் அறிவுலகம்’… கட்டுமான வேகம் குறித்து அமைச்சர் வெளியிட்ட அப்டேட்!
கோவையில் ‘பெரியார் அறிவுலகம்’ கட்டுமானப் பணிகள் இறுதிக்கட்டம்: அமைச்சர் ஆதவ் அர்ஜுனா நேரில் ஆய்வு கோவை , May 31: கோவை காந்திபுரத்தில் முந்தைய திமுக ஆட்சிக் காலத்தில் சுமார் 300 கோடி ரூபாய் மதிப்பீட்டில் துவங்கப்பட்டு, தற்பொழுது பிரம்மாண்டமாக அமைக்கப்பட்டு வரும் ‘பெரியார் அறிவுலகம்’ எனப்படும் தந்தை பெரியார் நூலகம் மற்றும் அறிவியல் மையத்தின் கட்டுமானப் பணிகளை பொதுப்பணி, நெடுஞ்சாலைகள் மற்றும் விளையாட்டு மேம்பாட்டுத் துறை அமைச்சர் ஆதவ் அர்ஜுனா இன்று நேரில் பார்வையிட்டு ஆய்வு… Read more: கோவையில் பிரம்மாண்ட ‘பெரியார் அறிவுலகம்’… கட்டுமான வேகம் குறித்து அமைச்சர் வெளியிட்ட அப்டேட்!
