சினிமா செய்தி : ரஜினி-கமல் புதிய படம், திரிஷா இணைவு, சாரா அலிகான் தென்னிந்திய அறிமுகம், சூர்யா ரசிகர் சம்பவம், விஷால் கருத்து உள்ளிட்ட சினிமா அப்டேட்கள்.
தமிழ் சினிமா மற்றும் தென்னிந்திய திரையுலகில் அடுத்தடுத்த பரபரப்பான அப்டேட்கள் ரசிகர்களின் கவனத்தை ஈர்த்து வருகின்றன. சூப்பர்ஸ்டார் ரஜினிகாந்த், உலக நாயகன் கமல்ஹாசன், நடிகை திரிஷா, பாலிவுட் நடிகை சாரா அலிகான், நடிகர் சூர்யா, விஷால், சிவகார்த்திகேயன் உள்ளிட்ட பல முன்னணி நட்சத்திரங்களை சுற்றி தற்போது வெளியாகியுள்ள தகவல்கள் சமூக வலைதளங்களில் வேகமாக பேசப்பட்டு வருகின்றன.
ரஜினிகாந்த் – கமல்ஹாசன் கூட்டணியில் திரிஷா?
தமிழ் சினிமா ரசிகர்கள் நீண்ட நாட்களாக எதிர்பார்த்து வந்த ரஜினிகாந்த் மற்றும் கமல்ஹாசன் இணையும் புதிய மல்டி ஸ்டார் படம் குறித்து புதிய தகவல் வெளியாகியுள்ளது. இயக்குனர் நெல்சன் திலீப்குமார் இயக்க உள்ள இந்த பிரம்மாண்ட படத்தில் நடிகை திரிஷா முக்கிய கதாபாத்திரத்தில் நடிக்க பேச்சுவார்த்தை நடைபெற்று வருவதாக கூறப்படுகிறது.
சில மாதங்களுக்கு முன்பு வெளியான அறிவிப்பு வீடியோ ரசிகர்களிடையே பெரும் வரவேற்பை பெற்றிருந்தது. தற்போது வெளியாகியுள்ள இந்த தகவல் ரசிகர்களின் எதிர்பார்ப்பை மேலும் அதிகரித்துள்ளது. இருப்பினும், தயாரிப்பு தரப்பில் இருந்து இதுகுறித்து அதிகாரப்பூர்வ அறிவிப்பு இன்னும் வெளியாகவில்லை.
திரிஷா ஏற்கனவே கமல்ஹாசனுடன் “மன்மதன் அம்பு”, “தூங்காவனம்”, “தக் லைஃப்” போன்ற படங்களிலும், ரஜினிகாந்துடன் “பேட்ட” திரைப்படத்திலும் நடித்துள்ளார். அனிருத் இசையமைக்கும் இந்த படம் தமிழ் சினிமாவின் மிகப்பெரிய பட்ஜெட் படங்களில் ஒன்றாக உருவாகும் என தகவல்கள் தெரிவிக்கின்றன.
தென்னிந்திய சினிமாவில் கால் பதிக்கிறாரா சாரா அலிகான்?
பாலிவுட் நடிகை சாரா அலிகான் தற்போது தென்னிந்திய ரசிகர்களிடையே பேசுபொருளாக மாறியுள்ளார். சமீபத்தில் தனது தென்னிந்திய சினிமா அறிமுகம் குறித்து அவர் மனம் திறந்து பேசியிருக்கிறார்.
அதில், “பாலிவுட் சினிமாதான் எனக்கு எல்லாமே. ஆனால் என் புகழும் அங்கீகாரமும் ரசிகர்களிடமிருந்து கிடைத்ததே என் பெருமை. அதே நேரத்தில் ஒரு நடிகையாக பிறமொழி படங்களிலும் நடிக்க வேண்டும் என்ற ஆசை இருக்கிறது. குறிப்பாக தென்னிந்திய மொழி திரைப்படங்களில் நடிக்க விரும்புகிறேன். அங்குள்ள நடிப்பு யுக்திகளும், கற்றுக்கொள்ளும் வாய்ப்புகளும் என்னை கவர்கின்றன” என்று தெரிவித்துள்ளார்.
இந்த கருத்துக்குப் பிறகு, சாரா அலிகான் விரைவில் தமிழ் அல்லது தெலுங்கு திரைப்படங்களில் அறிமுகமாக வாய்ப்புள்ளதாக ரசிகர்கள் எதிர்பார்த்து வருகின்றனர். சமீப காலமாக பல பாலிவுட் நடிகைகள் தென்னிந்திய சினிமாவில் கவனம் செலுத்தி வரும் நிலையில், சாரா அலிகானின் இந்த கருத்தும் திரையுலகில் முக்கிய விவாதமாக மாறியுள்ளது.
சூர்யாவை பதற வைத்த ரசிகர் சம்பவம்
நடிகர் சூர்யா நடிப்பில் உருவாகியுள்ள “கருப்பு” படத்தின் தெலுங்கு ப்ரீ ரிலீஸ் விழா “வீரபத்ரடு” பெயரில் நடைபெற்றது. இந்த நிகழ்ச்சியில் சூர்யாவை காண ஏராளமான ரசிகர்கள் திரண்டிருந்தனர்.
அப்போது சூர்யாவின் தீவிர ரசிகர் ஒருவர் திடீரென மேடையிலேயே அவரது காலில் விழுந்து ஆசீர்வாதம் பெற முயன்ற சம்பவம் பரபரப்பை ஏற்படுத்தியது. ரசிகரின் இந்த செயலால் ஒரு கணம் சூர்யா பதறியபோதிலும், உடனடியாக அவரை எழுப்பி அமைதியாக பேசினார். பின்னர் ரசிகரை அணைத்துக்கொண்ட சூர்யாவின் செயல் அங்கிருந்தவர்களின் பாராட்டை பெற்றது.
இந்த வீடியோ தற்போது சமூக வலைதளங்களில் வைரலாக பரவி வருகிறது. சூர்யா மற்றும் திரிஷா இணைந்து நடித்துள்ள “கருப்பு” திரைப்படம் மே 14ஆம் தேதி உலகம் முழுவதும் வெளியாக உள்ளது.
717 டாஸ்மாக் கடைகள் மூடல்.. விஷால் வெளியிட்ட வீடியோ
தமிழகத்தில் 717 டாஸ்மாக் கடைகள் மூடப்பட உள்ளதாக முதலமைச்சர் விஜய் அறிவித்திருப்பது அரசியல் மற்றும் சமூக வட்டாரங்களில் கவனம் பெற்றுள்ளது. இந்த அறிவிப்புக்கு பல தரப்பினரும் வரவேற்பு தெரிவித்து வருகின்றனர்.
இந்த நிலையில் நடிகர் விஷால் வெளியிட்டுள்ள வீடியோ தற்போது பேசுபொருளாகியுள்ளது. அதில், “ஜோசப் விஜய் அவர்களுக்கு மனமார்ந்த நன்றிகள். இது மிகப்பெரிய சாதனை. ரொம்ப சந்தோஷமாக இருக்கிறது. இதைப் பற்றி நானும் பலமுறை யோசித்திருக்கிறேன். இப்போது நடைமுறைக்கு வரும் போது சல்யூட் அடிக்கிறேன்” என்று தெரிவித்துள்ளார்.
விஷால் கையெடுத்து கும்பிட்டு நன்றி தெரிவித்த வீடியோ சமூக வலைதளங்களில் வேகமாக பகிரப்பட்டு வருகிறது.
சிவகார்த்திகேயன் ‘சேயோன்’ படப்பிடிப்பு மீண்டும் தாமதமா?
நடிகர் சிவகார்த்திகேயன் நடிப்பில் உருவாகி வரும் “சேயோன்” திரைப்படம் தொடர்பாக பல்வேறு தகவல்கள் வெளியாகி வருகின்றன. “தாய்க்கிழவி” பட இயக்குனர் சிவகுமார் முருகேசன் இந்த படத்தை இயக்குகிறார்.
சிவகார்த்திகேயனின் 26வது படமாக உருவாகும் இந்த படத்தின் படப்பிடிப்பு முதலில் மார்ச் இறுதியில் தொடங்க திட்டமிடப்பட்டிருந்தது. ஆனால் மதுரை மற்றும் சுற்றுவட்டார பகுதிகளில் தேர்தல் பிரச்சாரங்கள் காரணமாக வெளிப்புற படப்பிடிப்புகள் ஒத்திவைக்கப்பட்டன.
பின்னர் ஏப்ரல் 27ஆம் தேதி படப்பிடிப்பு தொடங்கும் என கூறப்பட்ட நிலையில், அன்றும் முழுமையான படப்பிடிப்பு நடைபெறவில்லை. கள்ளழகர் ஆற்றில் இறங்கும் விழா உள்ளிட்ட மக்கள் கூட்டம் அதிகம் இருக்கும் இடங்களில் சில காட்சிகள் மட்டுமே படமாக்கப்பட்டதாக தகவல்கள் வெளியாகின.
இதனால் “சேயோன்” படம் நிறுத்தப்பட்டுவிட்டதா என்ற கேள்விகள் சமூக வலைதளங்களில் எழத் தொடங்கின. ஆனால் தற்போது வெளியாகியுள்ள தகவலின்படி, மே 15ஆம் தேதி முதல் ஒத்திகை பணிகள் தொடங்க உள்ளதாகவும், மே 18ஆம் தேதி முதல் முழுமையான படப்பிடிப்பு ஆரம்பமாகும் என்றும் கூறப்படுகிறது.
ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை…
அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க…
காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக…
20 டாஸ்மாக் ஊழியர்கள் திடீர் சஸ்பெண்ட் ; 200 ஊழியர்கள் போராட்டம்..
20 டாஸ்மாக் ஊழியர்கள் சஸ்பெண்ட்: 200 பேர் முற்றுகைப் போராட்டம் – ஆகஸ்ட் 28 வேலைநிறுத்தத்தை முடக்க முயற்சி என குற்றச்சாட்டு நெல்லை, ஆக.24:2026ஆகஸ்ட் 28 ம் தேதி நடைபெறவுள்ள மாநிலம் தழுவிய வேலைநிறுத்தப் போராட்டத்தை சீர்குலைக்கும் நோக்கில் 20 டாஸ்மாக் ஊழியர்கள் சஸ்பெண்ட் செய்யப்பட்டுள்ளதாக குற்றம்சாட்டி, நெல்லையில்…
கிரீமிலேயர் முறையை முற்றிலும் நீக்க வேண்டும்: தமிழ்நாடு கிராம வங்கி பிற்படுத்தப்பட்டோர் நலச்சங்க மாநாட்டில் தீர்மானம்!
ஆகஸ்ட் 22; 2026 : திருநெல்வேலி கிரீமிலேயர் முறையை முற்றிலும் நீக்க வேண்டும்: தமிழ்நாடு கிராம வங்கி பிற்படுத்தப்பட்டோர் நலச்சங்க மாநாட்டில் தீர்மானம்!திருநெல்வேலியில் நடைபெற்ற மாநில அளவிலான முதல் மாநாடு – திரளான பெண்கள் உள்பட நூற்றுக்கணக்கானோர் பங்கேற்றனர். Also Read : 20 டாஸ்மாக் ஊழியர்கள் திடீர்…
டிவிகே MLAக்கு ₹50 கோடி குதிரை பேரம்: பின்னணியில் சர்வதேச கைகள்? சிங்கப்பூர் நபர் யார்? போலீஸ் வலைவீச்சு
சென்னை , ஜூலை 9 : தமிழக வெற்றிக் கழக (டிவிகே) சட்டமன்ற உறுப்பினர்களைப் பேரம் பேசி இழுக்க முயன்ற விவகாரத்தில் கைது செய்யப்பட்டுள்ள 9 பேரில், 5 பேரைத் திருவல்லிக்கேணி காவல் துறையினர் தங்களின் காவலில் எடுத்து விடிய விடியத் தீவிர விசாரணை நடத்தியுள்ளனர். இந்த வழக்கின்…
