சென்னை , May 27 : நவீன வாழ்வியலில் அதிகரித்து வரும் சர்க்கரை நோய் மற்றும் சிறுநீரகப் பாதிப்புகளுக்கு, நமது பாரம்பரிய மதிய உணவு முறையிலிருந்து நாம் விலகிச் சென்றதே முக்கியக் காரணம் என்று பிரபல சித்த மருத்துவர் சிவராமன் தெரிவித்துள்ளார். உணவில் ‘அறுசுவை’ சமநிலை மற்றும் மரபு வழி அரிசி ரகங்களின் அவசியம் குறித்து அவர் விரிவான ஆலோசனைகளை வழங்கியுள்ளார்.
இதுகுறித்து அவர் பகிர்ந்துள்ள முக்கியத் தகவல்கள் பின்வருமாறு:
தலை தித்திக்கும் ஆசாரக்கோவை: பழங்கள் எப்போது சாப்பிட வேண்டும்?
தமிழர்களின் வாழ்வியல் நெறியான ‘ஆசாரக்கோவை’ நூலில், “தலை தித்திப்பு” என்று குறிப்பிடப்பட்டுள்ளது. அதாவது, உணவின் தொடக்கத்தில் இனிப்புச் சுவையை எடுத்துக்கொள்ள வேண்டும். ஆனால், இதனைத் தவறாகப் புரிந்துகொண்ட பலரும், பிரதான உணவுக்குப் பின் ‘டெசர்ட்’ (Desert) என்ற பெயரில் மேற்கத்திய கலாச்சாரத்தைப் பின்பற்றி, உணவின் இறுதியில் பழங்களைச் சாப்பிடுகிறார்கள். உண்மையில், மதிய உணவின் தொடக்கத்தில் கொய்யா போன்ற இனிப்புச் சுவையுடைய பழங்களைத்தான் முதலில் சாப்பிட வேண்டும். பழங்களைச் சாப்பிட்ட பின்னர், தட்டில் மீதமிருக்கும் இடத்தில்தான் காய்கறி, கீரை மற்றும் சாதத்தைப் பரிமாற வேண்டும்.
நமது அன்றாட உணவில் இனிப்பு மற்றும் உப்பு ஆகிய சுவைகள் ஆதிக்கம் செலுத்துகின்றன. ஆனால், உடலுக்கு மிக அத்தியாவசியமான கசப்பு மற்றும் துவர்ப்புச் சுவைகள் முற்றிலுமாகப் புறக்கணிக்கப்படுகின்றன.
“வாரத்தில் ஏழு நாட்களும் நாம் ஏதோ ஒரு வகையில் உப்பைச் சேர்த்துக் கொள்கிறோம். ஆனால், எத்தனை நாள் கசப்புச் சுவையை உண்கிறோம்? பல வீடுகளில் பாகற்காய் சமைத்தால் கூட, அதன் கசப்பு தெரியாமல் இருக்க வெல்லமும் எண்ணெயும் அள்ளித் தெளிக்கிறார்கள். இது முற்றிலும் தவறானது. கசப்புச் சுவை அதன் இயல்போடுதான் உடலுக்குள் செல்ல வேண்டும்.” என மருத்துவர் சிவராமன் சுட்டிக்காட்டினார்.
பாகற்காய் மட்டுமன்றி வெந்தயம், கோவக்காய், கறிவேப்பிலை, சுண்டக்காய் மற்றும் மணத்தக்காளி வற்றல் போன்றவற்றில் ஏதேனும் ஒன்றை அன்றாட உணவில் சேர்க்க வேண்டும். தாவரங்களில் உள்ள கசப்புச் சுவையின் (Phyto-pharmaceuticals) மருத்துவக் குணங்களை ஆராய்ந்தபோது, அவை கல்லீரலைப் பாதுகாப்பதிலும், வைரஸ் தொற்றுகளை எதிர்ப்பதிலும், சர்க்கரை நோயைத் தடுப்பதிலும் முக்கியப் பங்கு வகிப்பது அறிவியல் பூர்வமாக நிரூபிக்கப்பட்டுள்ளது.
75% காய்கறிகள்; 25% சாதம்
மதிய உணவுத் தட்டில் 75 விழுக்காடு காய்கறிகள், கீரைகள் அல்லது அசைவ உணவுகள் (மீன், கோழி) இருக்க வேண்டும். மீதமுள்ள 25 விழுக்காடு மட்டுமே சாதம் இருக்க வேண்டும். அன்னக் கரண்டிகளால் தட்டு நிறைய வெள்ளைச் சாதத்தைக் கொட்டி, மூச்சு முட்டச் சாப்பிடும் பழக்கத்தைக் கைவிட வேண்டும். சாதத்தின் அளவைக் குறைக்க சிறிய கரண்டிகளைப் பயன்படுத்தப் பழக வேண்டும்.
வெள்ளை அரிசி ஆபத்தா? மரபு அரிசிகளின் ரகசியம்
தற்போது நாம் பயன்படுத்தும் பளபளப்பான வெள்ளை அரிசி என்பது வெறும் ‘குளுக்கோஸ் ‘ மட்டுமே. பாலிஷ் செய்யப்பட்ட இந்த அரிசியால் உடலுக்கு எவ்வித நன்மையும் இல்லை. 1700-ஆம் ஆண்டுகளுக்கு முன்பு வரை நமது பிரதான உணவாக சிறுதானியங்களும், மரபு வழி அரிசிகளுமே இருந்தன. உலக அளவில் 6,000-க்கும் மேற்பட்ட தானிய ரகங்கள் இருந்த நிலையில், அரசியல் மற்றும் வணிகப் பலத்தின் காரணமாக இன்று வெறும் 8 தானியங்கள் மட்டுமே உலகை ஆட்சி செய்கின்றன.
நமது பாரம்பரிய அரிசி ரகங்களுக்குப் பின்னால் வியக்கத்தக்க மருத்துவக் குணங்கள் உள்ளன:
- கருப்புக் கவுனி (Forbidden Rice): பழங்காலத்தில் மன்னர்கள் மட்டுமே உண்ணும் அரச ரகசியமாகப் பாதுகாக்கப்பட்ட இந்த அரிசியில், புற்றுநோயைத் தடுக்கும் ஆற்றல் உள்ளது.
- மாப்பிள்ளைச் சம்பா: இதில் உள்ள ‘லைகோபீன்’ (Lycopene) என்னும் சத்து, ஆண்களுக்கு வயது முதிர்வின் போது ஏற்படும் புரோஸ்டேட் வீக்கம் (Benign Prostate Hypertrophy) மற்றும் புரோஸ்டேட் புற்றுநோய் வராமல் தடுக்கிறது.
எனவே, வாரத்தில் இரண்டு நாட்களாவது மாப்பிள்ளைச் சம்பா, கருப்புக் கவுனி, காட்டுயானம் அல்லது தூயமல்லி போன்ற அரிசி உணவுகளை எடுத்துக் கொள்வது அவசியமாகும்.
உப்பின் அளவு: சிறுநீரகப் பாதிப்புக்குக் காரணம்
உலக சுகாதார அமைப்பின் வழிகாட்டுதலின்படி, ஒரு மனிதன் ஒரு நாளைக்கு 4 கிராம் அளவு மட்டுமே உப்பைச் சேர்த்துக் கொள்ள வேண்டும். ஆனால், இந்தியர்கள் சராசரியாக 8 கிராம் வரை உப்பு உட்கொள்கிறார்கள். ஊறுகாய் மற்றும் பதப்படுத்தப்பட்ட உணவுகளின் பயன்பாடு தமிழ்நாட்டினரிடையே மிக அதிகமாக உள்ளது. உலகளவில் சர்க்கரை நோயாளிகளுக்கு ஏற்படும் சிறுநீரகப் பாதிப்புகள் (Renal Diseases) தமிழகத்தில்தான் அதிகம் காணப்படுகிறது. எழுத்தாளர் ஜெயமோகனின் ‘நூறு சிம்மாசனங்கள்’ (அதிசயப் பத்து) கதையை மேற்கோள் காட்டிப் பேசிய அவர், உழைப்பின்றி உடலில் உப்பு தேங்குவது நோய்களுக்கு வழிவகுக்கும் என்றார்.
மதிய உணவில் இனிப்பும் உப்பும் மிகக் குறைந்த அளவிலும், புளிப்பும் காரமும் மிதமாகவும் இருக்க வேண்டும். கசப்பும் துவர்ப்பும் தாராளமாக இடம்பெற வேண்டும். இந்த அறுசுவைச் சமநிலையே வருமுன் காக்கும் சிறந்த ஆரோக்கிய வழிமுறை என்று மருத்துவர் சிவராமன் வலியுறுத்தியுள்ளார்
- மதிய உணவில் நாம் செய்யும் தவறுகள் என்ன? – மருத்துவர் சிவராமன் விளக்கம்
சென்னை , May 27 : நவீன வாழ்வியலில் அதிகரித்து வரும் சர்க்கரை நோய் மற்றும் சிறுநீரகப் பாதிப்புகளுக்கு, நமது பாரம்பரிய மதிய உணவு முறையிலிருந்து நாம் விலகிச் சென்றதே முக்கியக் காரணம் என்று பிரபல சித்த மருத்துவர் சிவராமன் தெரிவித்துள்ளார். உணவில் ‘அறுசுவை’ சமநிலை மற்றும் மரபு வழி அரிசி ரகங்களின் அவசியம் குறித்து அவர் விரிவான ஆலோசனைகளை வழங்கியுள்ளார். இதுகுறித்து அவர் பகிர்ந்துள்ள முக்கியத் தகவல்கள் பின்வருமாறு: தலை தித்திக்கும் ஆசாரக்கோவை: பழங்கள் எப்போது… Read more: மதிய உணவில் நாம் செய்யும் தவறுகள் என்ன? – மருத்துவர் சிவராமன் விளக்கம் - குழந்தைகளில் அதிகரிக்கும் கிட்டப்பார்வை எச்சரிக்கை.. தடுக்க மருத்துவர்கள் வழிகாட்டுதல்
குழந்தைகளில் அதிகரிக்கும் கிட்டப்பார்வை பாதிப்பை தடுக்க புதிய கண் பாதுகாப்பு வழிகாட்டுதல்களை மருத்துவர்கள் வெளியிட்டுள்ளனர். உலக கிட்டப்பார்வை வாரத்தை முன்னிட்டு அகில இந்திய கண் மருத்துவ சங்கம் குழந்தைகளுக்கான புதிய கண் பாதுகாப்பு வழிகாட்டுதல்களை வெளியிட்டுள்ளது. இந்தியாவில் குறிப்பாக பள்ளி வயது குழந்தைகளிடையே கிட்டப்பார்வை அல்லது Myopia பாதிப்பு வேகமாக அதிகரித்து வருவதாக மருத்துவர்கள் எச்சரித்துள்ள நிலையில் இந்த அறிவிப்பு வெளியாகியுள்ளது. கடந்த சில ஆண்டுகளாக குழந்தைகளின் வாழ்க்கை முறை, அதிகரித்த திரை நேரம் மற்றும் வெளிப்புற… Read more: குழந்தைகளில் அதிகரிக்கும் கிட்டப்பார்வை எச்சரிக்கை.. தடுக்க மருத்துவர்கள் வழிகாட்டுதல் - கனவுகள் வருவது ஏன்? அதிகாலை கனவு பலிக்குமா?
மனிதர்களுக்கு கனவுகள் ஏன் வருகின்றன, அதிகாலை கனவுகள் நினைவில் நீடிப்பதற்கான காரணம் என்ன, பயமுறுத்தும் கனவுகளின் பின்னணி என்ன என்பதைக் குறித்து டாக்டர் கு.கணேசன் எழுதிய கட்டுரை தற்போது கவனம் ஈர்த்துள்ளது. “கனவுகள் வருவது ஏன்?” என்ற கேள்வி மனிதர்களை பல நூற்றாண்டுகளாக சிந்திக்க வைத்துக் கொண்டே இருக்கிறது. தூக்கத்தின் போது நம் மனதில் தோன்றும் காட்சிகள் வெறும் கற்பனையா, அல்லது அதன் பின்னால் அறிவியல் காரணங்கள் உள்ளனவா என்ற விவாதம் தொடர்ந்து நிலவி வருகிறது னித… Read more: கனவுகள் வருவது ஏன்? அதிகாலை கனவு பலிக்குமா? - ரியான் பராக் Vape சர்ச்சை: “Smoking-ஐ விட Vaping ஆபத்தானதா?” – IPL 2026 சம்பவம் எழுப்பிய பெரிய சுகாதார விவாதம்
சிறப்பு செய்தி, மே 13 : IPL 2026-ல் ரியான் பராக் Vape பயன்படுத்திய விவகாரம் சர்ச்சையை கிளப்பியது. Vaping உடலுக்கு எவ்வளவு ஆபத்து? மருத்துவர்கள் எச்சரிக்கும் உண்மைகள். IPL 2026 தொடரின் போது ராஜஸ்தான் ராயல்ஸ் அணியின் கேப்டன் ரியான் பராக் Vape பயன்படுத்தியதாக வெளியாகிய வீடியோ சமூக வலைதளங்களில் வைரலாகி பெரும் சர்ச்சையை ஏற்படுத்தியுள்ளது. பஞ்சாப் கிங்ஸ் அணிக்கு எதிரான போட்டிக்குப் பிறகு டிரஸ்ஸிங் ரூமில் Vape பயன்படுத்தியதாக கூறப்படும் இந்த சம்பவத்திற்காக ரியான்… Read more: ரியான் பராக் Vape சர்ச்சை: “Smoking-ஐ விட Vaping ஆபத்தானதா?” – IPL 2026 சம்பவம் எழுப்பிய பெரிய சுகாதார விவாதம் - Vitamin Supplements Timing காலையில் Vitamin C, உணவுடன் Vitamin D? தவறாக எடுத்தால் உடலில் என்ன நடக்கும்?
சிறப்பு மருத்துவ தொகுப்பு : Vitamin Supplements Timing Explained: Vitamin D, Vitamin C உள்ளிட்ட supplements எப்போது எடுத்தால் சரியாக உடலில் உறிஞ்சப்படும்? மருத்துவர் கூறிய முக்கிய health விளக்கங்கள் இங்கே. இன்றைய வாழ்க்கை முறையில் “Vitamin Supplements”, “Multivitamins”, “Immunity Tablets”, “Vitamin D Capsules” போன்ற வார்த்தைகள் சாதாரணமாகிவிட்டன. Social media முதல் fitness influencers வரை பலரும் supplements பயன்படுத்துவதையே ஆரோக்கியத்தின் அடையாளமாக காட்டி வருகின்றனர். ஆனால் உண்மையில் எல்லோருக்கும்… Read more: Vitamin Supplements Timing காலையில் Vitamin C, உணவுடன் Vitamin D? தவறாக எடுத்தால் உடலில் என்ன நடக்கும்?
