நெல்லை: பெற்ற தாயே தன் கள்ளக்காதலனுடன் சேர்ந்து 14 வயது மகளுக்குப் பாலியல் தொந்தரவு கொடுத்த கொடுமையும், அதற்குத் துணையாக இருந்ததும் அம்பலமாகியுள்ளது. இந்த விவகாரத்தில் தாய் மற்றும் அவரது கள்ளக்காதலனைப் பாளையங்கோட்டை அனைத்து மகளிர் காவல் நிலையப் போலீஸார் போக்சோ சட்டத்தில் கைது செய்து சிறையில் அடைத்துள்ளனர்.
நெல்லை பாளையங்கோட்டை சாந்தி நகர் பகுதியைச் சேர்ந்தவர் மீனா (42). இவரது கணவர் சில ஆண்டுகளுக்கு முன்பு பிரிந்துவிட்டதாகக் கூறப்படும் நிலையில், மீனா தனது 14 வயது மகளுடன் தனியாக வசித்து வந்தார். இந்தச் சூழலில், நெல்லை திம்மராஜபுரம் பகுதியைச் சேர்ந்த மணிகண்டன் (24) என்ற இளைஞருடன் மீனாவுக்குப் பழக்கம் ஏற்பட்டுள்ளது.
also read : தமிழக அரசு 3% விளையாட்டு ஒதுக்கீடு வேலைவாய்ப்பு: கண் மருத்துவ உதவியாளர் பணிக்கு விண்ணப்பங்கள் வரவேற்பு
வாகன ஓட்டுநராக வேலை பார்த்து வரும் மணிகண்டனுடன் ஏற்பட்ட இந்தப் பழக்கம், நாளடைவில் இருவருக்குள்ளும் கள்ளக்காதலாக மாறியுள்ளது. வயது வித்தியாசத்தைப் பாராமல் இருவரும் பழகி வந்துள்ளனர்.
வீட்டிற்குள் நடந்த அவலம் : கள்ளக்காதல் தீவிரமடைந்ததைத் தொடர்ந்து, மணிகண்டன் அடிக்கடி சாந்தி நகரிலுள்ள மீனாவின் வீட்டிற்கு வந்து தங்கிச் செல்வதை வழக்கமாகக் கொண்டிருந்தார். அப்போது, மீனாவும் மணிகண்டனும் அந்த 14 வயது சிறுமியின் முன்னிலையிலேயே வரம்பு மீறி, தனிமையில் நெருக்கமாக இருந்து வந்ததாகக் கூறப்படுகிறது. விவரம் அறியாத சிறுமி, தாயின் இந்தச் செயல்களால் ஆரம்பத்திலிருந்தே கடும் மன உளைச்சலுக்கு ஆளாகியுள்ளார்.
தாயின் ஆதரவு தனக்கிருக்கிறது என்ற தைரியத்தில், மணிகண்டனின் பார்வை மீனாவின் 14 வயது மகள் மீதும் திரும்பியுள்ளது. அந்தச் சிறுமியைத் தன்னைத் திருமணம் செய்து கொள்ளுமாறு மணிகண்டன் தொடர்ந்து வற்புறுத்தி, மிரட்டி வந்துள்ளார்.
ஒரு கட்டத்தில், பெற்ற தாயின் கண் முன்னாலேயே அச்சிறுமிக்கு மணிகண்டன் பாலியல் தொந்தரவு கொடுக்க முயன்றதாக அதிர்ச்சித் தகவல் வெளியாகியது. தன் கண் முன்னே மகளுக்கு நடக்கும் அநீதியைத் தடுத்துக் கண்டிக்க வேண்டிய தாய் மீனா, அதனைத் தடுக்காமல் மௌனம் காத்ததுடன், மணிகண்டனின் செயலுக்கு உடந்தையாகவும் இருந்துள்ளார்.
காவல் நிலையத்தில் தஞ்சம் புகுந்த சிறுமி : சொந்த தாயே தனக்கு இழைக்கப்படும் அநீதிக்குத் துணையாக நிற்பதைக் கண்டு அதிர்ச்சியும் வேதனையும் அடைந்த அந்தச் சிறுமி, எப்படியாவது இந்த நரகத்திலிருந்து தப்பிக்க முடிவு செய்தார். இதையடுத்து, வீட்டிலிருந்து வெளியேறிய சிறுமி, நெல்லை பாளையங்கோட்டை அனைத்து மகளிர் காவல் நிலையத்தில் தஞ்சமடைந்து, தனக்கு நேர்ந்த கொடுமைகள் குறித்து கண்ணீருடன் புகார் அளித்தார்.
பாதுகாக்க வேண்டிய தாயே மகளைப் பாலியல் வன்கொடுமைக்கு ஆளாக்கத் துணையாக இருந்ததைக் கேட்டு அதிர்ந்து போன மகளிர் போலீஸார், உடனடியாகச் சம்பவ இடத்திற்கு விரைந்து சென்று சிறுமியை மீட்டனர். தொடர்ந்து, மாவட்டக் குழந்தைகள் நலக் குழுமத்தின் முன்னிலையில் சிறுமியிடம் முறையான விசாரணை நடத்தப்பட்டு வாக்குமூலம் பெறப்பட்டது.
சிறுமியின் வாக்குமூலத்தின் அடிப்படையில், பாளையங்கோட்டை அனைத்து மகளிர் காவல் நிலையப் போலீஸார் போக்சோ (POCSO) சட்டத்தின் கீழ் வழக்குப் பதிவு செய்தனர். சிறுமிக்குச் சிறு வயது முதலே இழைக்கப்பட்ட பாலியல் அச்சுறுத்தல்கள் மற்றும் அதற்குத் துணையாக இருந்த குற்றத்திற்காக, சிறுமியின் தாய் மீனா மற்றும் அவரது கள்ளக்காதலன் மணிகண்டன் ஆகிய இருவரையும் போலீஸார் அதிரடியாகக் கைது செய்தனர்.
கைது செய்யப்பட்ட இருவரிடமும் போலீஸார் தீவிர விசாரணை நடத்தினர். விசாரணையில், தங்களது கள்ளக்காதல் உறவுக்குச் சிறுமி இடையூறாக இருக்கக் கூடாது என்பதற்காகவும், சிறுமியைத் மிரட்டித் தங்களது கட்டுப்பாட்டில் வைத்திருக்கவும் இத்தகைய கொடுமைகளில் ஈடுபட்டதை அவர்கள் ஒப்புக்கொண்டதாக போலீஸ் தரப்பில் தெரிவிக்கப்படுகிறது.
நீதிமன்றத்தில் ஆஜர்படுத்தப்பட்ட மீனா மற்றும் மணிகண்டன் ஆகிய இருவரையும் நீதிமன்றக் காவலில் சிறையில் அடைக்க நீதிபதி உத்தரவிட்டார். அதன்பேரில், இருவரும் பலத்த போலீஸ் பாதுகாப்புடன் சிறைக்குக் கொண்டு செல்லப்பட்டனர். பாதிக்கப்பட்ட 14 வயது சிறுமி தற்போது அரசு காப்பகத்தில் ஒப்படைக்கப்பட்டு, அவருக்குத் தேவையான மனநல ஆலோசனைகளும் பாதுகாப்பும் வழங்கப்பட்டு வருகின்றன.
பெற்ற மகளைப் பாதுகாக்க வேண்டிய தாயே, கள்ளக்காதலனின் பாலியல் அத்துமீறலுக்கு உடந்தையாக இருந்து போக்சோ சட்டத்தில் கைதாகியுள்ள இந்தச் சம்பவம், நெல்லை மற்றும் பாளையங்கோட்டை வட்டாரத்தில் பெரும் பரபரப்பையும், பொதுமக்கள் மத்தியில் கடும் அதிர்ச்சியையும் ஏற்படுத்தியுள்ளது.
- ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ்
சென்னை , ஜூன் 13 : தமிழகத்தில் சமூக விரோதிகள், போதைப்பொருள் கடத்தல்காரர்கள் மற்றும் தலைமறைவு குற்றவாளிகளுக்கு எதிராகக் காவல்துறை நடத்திய அதிரடி சோதனையில் கடந்த இரு வாரங்களில் மட்டும் 1,328 பேர் கைது செய்யப்பட்டுச் சிறையில் அடைக்கப்பட்டுள்ளனர். மாநிலத்தின் சட்டம் ஒழுங்கைப் பேணவும் குற்றச் செயல்களை முன்கூட்டியே தடுக்கவும் டிஜிபி மகேஷ் குமார் அகர்வால் உத்தரவின் பேரில் இந்த மாநிலம் தழுவிய சிறப்பு வேட்டை நடத்தப்பட்டுள்ளது. கடந்த மே 28-ஆம் தேதி தொடங்கி ஜூன் 10-ஆம்… Read more: ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ் - ஆண் நண்பரின் பிறந்தநாளுக்கு Surprise அவதாரம் எடுத்த பெண் கைது: வேலூரில் அதிர்ச்சி
வேலூர் , ஜூன் 13: வேலூர் கோட்டை பூங்காவில் காவல்துறை துணைக் கண்காணிப்பாளர் சீருடையில் சந்தேகத்திற்கு இடமளிக்கும் வகையில் சுற்றித் திரிந்த உமா மகேஸ்வரி என்ற 33 வயது பெண்ணை வேலூர் வடக்கு காவல் நிலைய போலீசார் கைது செய்துள்ளனர். தனது காதலனின் பிறந்தநாளைக் கொண்டாடுவதற்காக போலியாக போலீஸ் வேடமிட்டு வந்தபோது அவர் காவல்துறையிடம் சிக்கியதாக விசாரணையில் தெரியவந்துள்ளது. வேலூர் மாவட்டத்தைச் சேர்ந்த உமா மகேஸ்வரிக்கு திருமணமாகி மூன்று குழந்தைகள் உள்ள நிலையில் கணவருடன் ஏற்பட்ட கருத்து… Read more: ஆண் நண்பரின் பிறந்தநாளுக்கு Surprise அவதாரம் எடுத்த பெண் கைது: வேலூரில் அதிர்ச்சி - பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன்
நெல்லை , ஜூன் 13 : நெல்லை மாவட்ட ஆட்சியர் அலுவலகத்தில் சனிக்கிழமை நடைபெற்ற அனைத்துத் துறை ஆய்வுக் கூட்டத்திற்குப் பிறகு தமிழக நிதி அமைச்சரும் மாவட்டப் பொறுப்பு அமைச்சருமான மரியவில்சன் செய்தியாளர்களைச் சந்தித்தார். அப்போது வரவிருக்கும் பருவமழைத் தொடங்குவதற்கு முன்பாகவே மாவட்டத்தில் உள்ள அனைத்து சாலைப் பணிகளையும் முழுமையாக முடிக்க முக்கிய முன்னுரிமை அளிக்கப்பட்டுள்ளது என்று அவர் தெரிவித்தார். சுமார் 3 மணி நேரம் 30 நிமிடங்களுக்கும் மேலாக நீடித்த இந்த விரிவான ஆய்வுக் கூட்டத்தில்… Read more: பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன் - பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்!
பாட்னா , June 13 : பீகார் மாநிலம் பாட்னாவில் வாடிக்கையாளர்களைப் போல நடித்து, நகைக்கடை உரிமையாளர் மீது பெப்பர் ஸ்பிரே அடித்து கொள்ளையடிக்க முயன்ற இரண்டு இளம் பெண்களை பொதுமக்கள் மடக்கிப் பிடித்து காவல்துறையிடம் ஒப்படைத்தனர். பாட்னாவின் திகா பகுதியில் உள்ள குறிச்சி பாலம் அருகே இந்த நகைக்கடை இயங்கி வருகிறது. நேற்று இந்த கடைக்கு இரண்டு இளம் பெண்கள் நகைகளை வாங்குவது போல வந்துள்ளனர். கடையில் இருந்த நகைகளை காண்பிக்குமாறு அங்கிருந்த உரிமையாளரிடம் அவர்கள்… Read more: பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்! - குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!!
ஆந்திரா , ஜூன் 13 : ஆந்திர மாநிலம் டெக்கலி பகுதியைச் சேர்ந்த ஈஸ்வரராவ் மற்றும் விஜயகுமாரி தம்பதியின் மகள் ஹரிணி. இவருக்கு கடந்த 2020ஆம் ஆண்டு தும்பல தத்தேஸ்வரராவ் என்பவருடன் திருமணம் ஆகி நான்கு வயதில் ஒரு பெண் குழந்தை உள்ளது. அரசுப் பணியில் சேர வேண்டும் என்ற லட்சியத்தோடு ஹரிணி ஹைதராபாத்தில் உள்ள பயிற்சி மையம் ஒன்றில் படித்து வந்தார். அங்கு அவருக்கும் நாகேந்திரா என்ற இளைஞருக்கும் இடையே பழக்கம் ஏற்பட்டு அது நாளடைவில்… Read more: குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!!
