நெல்லை அருகே வாகன சோதனையின் போது ஏற்பட்ட மோதலில், ஆத்திரமடைந்த சிறுவர்கள் புறக்காவல் நிலையம் மீது பெட்ரோல் குண்டு வீசிய சம்பவம் பெரும் பரபரப்பை ஏற்படுத்தியுள்ளது.
இச்சம்பவம் குறித்து உயர் அதிகாரிகளுக்குத் தகவல் தெரிவிக்காமல் மறைக்க முயன்றதாக, உளவுத்துறை காவலர் உட்பட மூன்று போலீசாரை ஆயுதப்படைக்கு அதிரடியாக இடமாற்றம் செய்து மாவட்ட காவல்துறை கண்காணிப்பாளர் உத்தரவிட்டுள்ளார்.
நெல்லை மாவட்டம் மானூர் காவல் நிலைய எல்லைக்கு உட்பட்ட ராமையன்பட்டி பகுதியில் தற்காலிகப் புறக்காவல் நிலையம் ஒன்று செயல்பட்டு வருகிறது. கடந்த 18-ஆம் தேதி இரவு, இந்த புறக்காவல் நிலையத்தின் முன்பாக மானூர் உதவி ஆய்வாளர் சஜி தலைமையிலான போலீசார் தீவிர வாகன சோதனையில் ஈடுபட்டிருந்தனர்.
அப்போது, ஒரே இருசக்கர வாகனத்தில் 17 வயது மதிக்கத்தக்க மூன்று சிறுவர்கள் அதிவேகமாக வந்துள்ளனர். விதிகளை மீறி ஆபத்தான முறையில் பயணித்த அவர்களை தடுத்து நிறுத்திய போலீசார், உரிய முறையில் கண்டித்துள்ளனர். மேலும், அந்த இருசக்கர வாகனத்தின் சாவியை பறிமுதல் செய்த போலீசார், “பெற்றோரை அழைத்து வந்தால் மட்டுமே வாகனம் ஒப்படைக்கப்படும்” எனக் கூறி சிறுவர்களை அங்கிருந்து அனுப்பி வைத்தனர்.
Also read: பழிவாங்கும் நடவடிக்கையா? கன்னியாகுமரி ஆட்சியரை கண்டித்து அரசு ஊழியர்கள் போராட்டம் தீவிரம்
போலீசாரின் இந்த நடவடிக்கையால் கடும் ஆத்திரமடைந்த அச்சிறுவர்கள், காவல்துறையினரைப் பழிவாங்கத் திட்டமிட்டுள்ளனர். அதன்படி, சிறிது நேரத்திலேயே பெட்ரோல் நிரப்பப்பட்ட பாட்டிலுடன் ராமையன்பட்டி புறக்காவல் நிலையத்திற்குத் திரும்பியுள்ளனர். யாரும் எதிர்பாராத விதமாக, அந்தப் பெட்ரோல் பாட்டிலில் தீ பற்றவைத்து, புறக்காவல் நிலையத்தின் வடக்குப் பகுதியை நோக்கிக் வீசிவிட்டு, இருசக்கர வாகனத்தில் தப்பியோடினர்.
குண்டு வீசப்பட்டவுடன் புறக்காவல் நிலையத்தின் ஒரு பகுதியில் தீப்பிடித்து எரியத் தொடங்கியது. அப்போது அங்கு பணியில் இருந்த மானூர் காவல் நிலைய தலைமை காவலர் சுடலைக்கண்ணு மற்றும் இரண்டாம் நிலை காவலர் ஆனந்தபாண்டியன் ஆகியோர் துரிதமாகச் செயல்பட்டு, தண்ணீரை ஊற்றி தீயை அணைத்தனர். இதனால் பெரும் விபத்தோ, சேதமோ தவிர்க்கப்பட்டது.
இருப்பினும், காவல் நிலையம் மீதே பெட்ரோல் குண்டு வீசப்பட்ட இந்த அதிர்ச்சிகரமான மற்றும் சட்டம்-ஒழுங்கு சார்ந்த முக்கியப் பிரச்சினை குறித்து, அங்கு பணியில் இருந்த காவலர்களோ அல்லது அப்பகுதி உளவுத்துறை காவலர் அந்தோணியோ உடனடியாக மாவட்ட உயர் அதிகாரிகளுக்குத் தகவல் தெரிவிக்கவில்லை என்று கூறப்படுகிறது. துறையின் முக்கியத் தகவல்களை உடனுக்குடன் மேலிடத்திற்குக் கொண்டு சேர்க்க வேண்டிய உளவுப்பிரிவு காவலரும் இச்சம்பவத்தை மூடி மறைக்க முயன்றதாகத் தெரிகிறது.
இதற்கிடையே, பெட்ரோல் குண்டு வீசிவிட்டுத் தப்பிய சிறுவர்களைப் பிடிக்கும் முயற்சியில் போலீசார் ரகசியமாக ஈடுபட்டனர். தீவிரத் தேடுதல் வேட்டைக்குப் பிறகு, கடந்த 19-ஆம் தேதி சம்பந்தப்பட்ட மூன்று சிறுவர்களையும் போலீசார் கைது செய்தனர். அதன் பிறகே, மிகவும் தாமதமாக இச்சம்பவம் குறித்து மானூர் காவல் நிலையத்தில் பாரதிய நியாய சன்ஹிதா (BNS) மற்றும் வெடிபொருள் தடுப்புச் சட்டத்தின் கீழ் முறைப்படி வழக்குப்பதிவு செய்யப்பட்டது. பிடிபட்ட மூன்று சிறுவர்களும் நெல்லையில் உள்ள சிறுவர் கூர்நோக்கு இல்லத்தில் (சிறார் சீர்திருத்தப் பள்ளி) சேர்க்கப்பட்டனர்.
தப்பியோடிய சிறுவர்கள் பிடிபட்ட பின்னரே, புறக்காவல் நிலையம் மீது பெட்ரோல் குண்டு வீசப்பட்ட விவகாரம் மாவட்ட காவல்துறை உயர் அதிகாரிகளின் கவனத்திற்குச் சென்றது. இவ்வளவு பெரிய சட்டம்-ஒழுங்குப் பிரச்சினையை தங்களுக்குத் தெரிவிக்காமல் ரகசியமாக வைத்திருந்தது குறித்து உயர் அதிகாரிகள் கடும் அதிருப்தி அடைந்தனர்.
இதனைத் தொடர்ந்து நடத்தப்பட்ட முதற்கட்ட விசாரணையின் அடிப்படையில், இச்சம்பவத்தை உயர் அதிகாரிகளுக்குத் தெரிவிக்காமல் மறைத்ததாகக் கூறி, தலைமை காவலர் சுடலைக்கண்ணு, இரண்டாம் நிலை காவலர் ஆனந்தபாண்டியன் மற்றும் தனது எல்லைக்குள் நடந்த இந்த முக்கிய நிகழ்வு குறித்து உரிய நேரத்தில் உளவுத் தகவல் சேகரித்து அனுப்பத் தவறிய உளவுப்பிரிவு காவலர் அந்தோணி ஆகிய மூன்று பேரையும் அதிரடியாக ஆயுதப்படைக்கு இடமாற்றம் செய்து மாவட்ட காவல்துறை தலைமையகம் உத்தரவிட்டுள்ளது.
காவல் நிலையம் மீதே சிறுவர்கள் பெட்ரோல் குண்டு வீசிய சம்பவமும், அதனைத் தொடர்ந்து தகவல் மறைப்பு விவகாரத்தில் மூன்று காவலர்கள் அதிரடியாக ஆயுதப்படைக்கு தூக்கியடிக்கப்பட்ட சம்பவமும் நெல்லை மாவட்ட காவல்துறை வட்டாரத்தில் பெரும் பரபரப்பை ஏற்படுத்தியுள்ளது.
- ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ்
சென்னை , ஜூன் 13 : தமிழகத்தில் சமூக விரோதிகள், போதைப்பொருள் கடத்தல்காரர்கள் மற்றும் தலைமறைவு குற்றவாளிகளுக்கு எதிராகக் காவல்துறை நடத்திய அதிரடி சோதனையில் கடந்த இரு வாரங்களில் மட்டும் 1,328 பேர் கைது செய்யப்பட்டுச் சிறையில் அடைக்கப்பட்டுள்ளனர். மாநிலத்தின் சட்டம் ஒழுங்கைப் பேணவும் குற்றச் செயல்களை முன்கூட்டியே தடுக்கவும் டிஜிபி மகேஷ் குமார் அகர்வால் உத்தரவின் பேரில் இந்த மாநிலம் தழுவிய சிறப்பு வேட்டை நடத்தப்பட்டுள்ளது. கடந்த மே 28-ஆம் தேதி தொடங்கி ஜூன் 10-ஆம்… Read more: ரவுடிகள், சமூக விரோதிகளுக்கு செக்: 1,328 பேரை தூக்கிய தமிழ்நாடு போலீஸ் - தமிழகத்தில் மின்தடைக்கு ஓவர்லோடு மற்றும் நிலத்தடி கேபிள்கள் சேதமே காரணம்: மின்வாரியம் விளக்கம்
சென்னை , ஜூன் 13 : சென்னை உள்ளிட்ட தமிழகத்தின் பல்வேறு பகுதிகளில் அண்மைக்காலமாக நிலவி வரும் மின்தடை பொதுமக்களிடையே பெரும் அதிருப்தியை ஏற்படுத்தியுள்ளது. கோடைகாலம் என்பதால் மின்தேவை வழக்கத்தை விட பலமடங்கு அதிகரித்துள்ள நிலையில் பல இடங்களில் பொதுமக்கள் வீதிக்கு வந்து போராடும் நிலைக்கு தள்ளப்பட்டுள்ளனர். இந்த சூழலில் தமிழகத்தில் தற்போதைய மின்தடைக்கான காரணங்கள் குறித்தும் அதனை சீரமைக்க எடுக்கப்பட்டு வரும் நடவடிக்கைகள் குறித்தும் தமிழ்நாடு மின் உற்பத்தி மற்றும் பகிர்மான கழகம் அதிகாரப்பூர்வ விளக்கங்களை… Read more: தமிழகத்தில் மின்தடைக்கு ஓவர்லோடு மற்றும் நிலத்தடி கேபிள்கள் சேதமே காரணம்: மின்வாரியம் விளக்கம் - ஹைட்ரோகார்பன் திட்டம் அமலானால் பிச்சாவரம் அழியும் அபாயம்: தமிழக அரசுக்கு மீத்தேன் எதிர்ப்பு அமைப்பு வேண்டுகோள்
கடலூர் , ஜூன் 13 : கடலூர் மாவட்டம் பரங்கிப்பேட்டை அருகே கடற்பகுதியில் ஹைட்ரோகார்பன் கிணறுகளை அமைக்கும் திட்டத்திற்கு தமிழக அரசு எக்காரணம் கொண்டும் அனுமதி அளிக்கக் கூடாது என்றும் இந்தத் திட்டம் செயல்படுத்தப்பட்டால் உலகப் புகழ்பெற்ற பிச்சாவரம் அலையாத்தி காடுகள் மற்றும் கடலோரச் சூழலியல் முழுமையாக அழிந்துவிடும் என்றும் மீத்தேன் எதிர்ப்பு கூட்டமைப்பின் ஒருங்கிணைப்பாளர் ஜெயராமன் எச்சரித்துள்ளார். ஹிந்துஸ்தான் ஆயில் எக்ஸ்ப்ளோரேஷன் என்ற தனியார் நிறுவனம் கடலூர் மாவட்டம் பரங்கிப்பேட்டைக்கு அருகில் கடலில் சுமார் 18… Read more: ஹைட்ரோகார்பன் திட்டம் அமலானால் பிச்சாவரம் அழியும் அபாயம்: தமிழக அரசுக்கு மீத்தேன் எதிர்ப்பு அமைப்பு வேண்டுகோள் - சட்டப்பேரவை கூட்டத்தொடரை முன்னிட்டு சென்னை முழுவதும் போலீசாருக்கு எச்சரிக்கை உத்தரவு
சென்னை , ஜூன் 13 : சட்டமன்ற கூட்டத்தொடர் – காவல் நிலையங்களில் அத்துமீறல்களை தவிர்க்க சென்னை போலீஸ் கமிஷனர் அதிரடி உத்தரவு தமிழக சட்டமன்றக் கூட்டத்தொடர் வரும் 18-ஆம் தேதி தொடங்கவுள்ள நிலையில் சென்னை மாநகரக் காவல் துறையினருக்குப் பல்வேறு முக்கிய கட்டுப்பாடுகளையும் பாதுகாப்பு அறிவுறுத்தல்களையும் மாநகரக் காவல் ஆணையர் அமல்ராஜ் பிறப்பித்துள்ளார். குறிப்பாக காவல் நிலையங்களில் விசாரணை கைதிகள் மரணம் மற்றும் அத்துமீறல்களைத் தடுக்கும் வகையில் மிகக் கடுமையான ஒழுங்குமுறை நடவடிக்கைகளை மேற்கொள்ளுமாறு அவர்… Read more: சட்டப்பேரவை கூட்டத்தொடரை முன்னிட்டு சென்னை முழுவதும் போலீசாருக்கு எச்சரிக்கை உத்தரவு - சென்னையில் தொடர் மின்தடை: மின்வாரியம் வெளியிட்ட முக்கிய விளக்கம்
சென்னை , ஜூன் 13 : சென்னையில் தொடர் மின்தடைக்கு நிலத்தடி கேபிள்கள் சேதம் மற்றும் மின் தேவை அதிகரிப்பே காரணம் எனத் தமிழ்நாடு மின் உற்பத்தி மற்றும் பகிர்மான கழகம் விளக்கம் அளித்துள்ளது. தலைநகர் சென்னையின் பல்வேறு பகுதிகளில் கடந்த சில தினங்களாகத் தொடர்ச்சியான மின்வெட்டு ஏற்பட்டு பொதுமக்களின் இயல்பு வாழ்க்கை பாதிக்கப்பட்டு வந்தது. குறிப்பாக மவுண்ட் ரோடு, வேளச்சேரி, பெரம்பூர் உள்ளிட்ட முக்கிய குடியிருப்பு மற்றும் வணிக வளாகங்கள் நிறைந்த பகுதிகளில் மின்தடை மிக… Read more: சென்னையில் தொடர் மின்தடை: மின்வாரியம் வெளியிட்ட முக்கிய விளக்கம் - சாதிவெறி தேசத்தின் சாபக்கேடு; சாதியை தாண்டி ஒரு அரசு அமைந்துள்ளது; மக்களின் மனமாற்றமே உண்மையான ஜனநாயகம்: மதுரை உயர் நீதிமன்ற கிளை அதிரடி!!
மதுரை , ஜூன் 12: நெல்லை ஐடி பொறியாளர் கவின் ஆணவக் கொலை வழக்கில் கைது செய்யப்பட்டுள்ள காவல் உதவி ஆய்வாளர் சரவணனுக்கு நிபந்தனை ஜாமீன் வழங்கி சென்னை உயர் நீதிமன்ற மதுரை அமர்வு அதிரடி உத்தரவு பிறப்பித்துள்ளது. இந்த வழக்கின் விசாரணையின்போது சாதிவெறி மற்றும் ஆணவக் கொலைகளுக்கு எதிராக நீதிபதி புகழேந்தி வெளியிட்ட கருத்துக்கள் தமிழக அரசியல் மற்றும் சமூக தளங்களில் தற்போதைய மிக முக்கிய விவாதப் பொருளாக மாறியுள்ளன. நெல்லை மாவட்டத்தைச் சேர்ந்த ஐடி… Read more: சாதிவெறி தேசத்தின் சாபக்கேடு; சாதியை தாண்டி ஒரு அரசு அமைந்துள்ளது; மக்களின் மனமாற்றமே உண்மையான ஜனநாயகம்: மதுரை உயர் நீதிமன்ற கிளை அதிரடி!!
