தமிழக சட்டப்பேரவைத் தேர்தல் வாக்கு எண்ணிக்கையில் ஆளும் தரப்புக்கு அதிர்ச்சியளிக்கும் வகையிலும், அரசியல் நோக்கர்களின் கணிப்புகளைத் தலைகீழாக மாற்றும் வகையிலும் ஆரம்பக்கட்ட முடிவுகள் வெளியாகி வருகின்றன. இந்திய தேர்தல் ஆணையம் (ECI) வெளியிட்டுள்ள அதிகாரப்பூர்வ தரவுகளின்படி, பிரதான எதிர்க்கட்சியான அதிமுகவும், முதன்முறையாகத் தேர்தலைச் சந்திக்கும் தமிழக வெற்றிக் கழகமும் (தவிக) தலா 33 தொகுதிகளில் முன்னிலை பெற்று சமபலத்துடன் மல்லுக்கட்டி வருகின்றன.
மாநிலத்தின் ஆளுங்கட்சியான திமுக 16 தொகுதிகளில் மட்டுமே முன்னிலை பெற்று கடும் பின்னடைவைச் சந்தித்துள்ளது. அதன் கூட்டணிக் கட்சியான காங்கிரஸ் வெறும் 2 இடங்களில் மட்டுமே முன்னிலையில் உள்ளது. பாஜ, பாமக, தேமுதிக ஆகிய கட்சிகள் தலா ஒரு இடத்தில் முன்னிலை வகிக்கின்றன. தமிழக அரசியல் வரலாற்றில் இதுவரை கண்டிராத ஒரு புதிய முக்கோணப் போட்டி தற்போதைய வாக்கு எண்ணிக்கையில் பிரதிபலிப்பது தொண்டர்கள் மத்தியில் பெரும் பரபரப்பை ஏற்படுத்தியுள்ளது.
ஸ்ரீபெரும்புதூரில் திருப்பம்: செல்வப்பெருந்தகை பின்னடைவு
காங்கிரஸின் கோட்டையாகக் கருதப்பட்ட ஸ்ரீபெரும்புதூர் தனித் தொகுதியில் தற்போதைய வாக்கு எண்ணிக் கை நிலவரம் பெரும் அதிர்ச்சியை ஏற்படுத்தியுள்ளது. தமிழ்நாடு காங்கிரஸ் கமிட்டித் தலைவர் செல்வப்பெருந்தகை, வாக்கு எண்ணிக்கையின் தொடக்கத்திலிருந்தே பின்தங்கி தற்போது மூன்றாவது இடத்திற்குத் தள்ளப்பட்டுள்ளார். இங்கு தமிழக வெற்றிக் கழகத்தின் வேட்பாளர் தென்னரசு 14,992 வாக்குகளைப் பெற்றுத் தொடர்ந்து முன்னிலையில் உள்ளார். அவரை எதிர்த்துப் போட்டியிட்ட அதிமுக வேட்பாளர் 11,587 வாக்குகளுடன் இரண்டாம் இடத்தில் நீடிக்கிறார்.
திருச்சியில் விஜய் முன்னிலை : விருதாச்சலம் தொகுதியில் தேமுதிக பொதுச்செயலாளர் பிரேமலதா விஜயகாந்த் தொடக்கம் முதலே தனது முன்னிலையைத் தக்கவைத்துக் கொண்டுள்ளார். தற்போதைய நிலவரப்படி அவர் 9,438 வாக்குகளைப் பெற்று முதலிடத்தில் உள்ளார். எனினும், அவருக்குக் கடும் சவாலாகத் தமிழக வெற்றிக் கழக வேட்பாளர் 9,377 வாக்குகளுடன் மிக மிக நெருக்கமான வாக்குகள் வித்தியாசத்தில் பின்னாலேயே வந்து கொண்டிருக்கிறார். இருவருக்கும் இடையேயான வாக்கு வித்தியாசம் மிகக் குறைவாக இருப்பதால் இங்கு எந்த நேரத்திலும் மாற்றம் நிகழலாம் என்ற பதற்றம் நிலவுகிறது.
மறுபுறம், ஒட்டுமொத்த தமிழகத்தின் பார்வையும் திரும்பியுள்ள திருச்சி கிழக்குத் தொகுதியில், தமிழக வெற்றிக் கழகத்தின் தலைவர் விஜய் தனது முதல் தேர்தல் களம் காணலிலேயே தொடர்ந்து முன்னிலை பெற்று அரசியல் வட்டாரத்தில் வியப்பை ஏற்படுத்தியுள்ளார்.
சேப்பாக்கத்தில் உதயநிதிக்குச் சறுக்கல் – விஐபி தொகுதிகளின் தற்போதைய நிலை
திமுகவின் மிக முக்கியமான கோட்டையாகவும், நட்சத்திரத் தொகுதியாகவும் பார்க்கப்படும் சேப்பாக்கம் – திருவல்லிக்கேணி தொகுதியில், அமைச்சர் உதயநிதி ஸ்டாலின் வாக்கு எண்ணிக்கையின் தொடக்கத்திலிருந்தே பின்னடைவைச் சந்தித்து வருவது ஆளுங்கட்சித் தரப்பை அதிர்ச்சியில் ஆழ்த்தியுள்ளது.
அதேபோல், தர்மபுரி நாடாளுமன்றத் தொகுதிக்கு உட்பட்ட சட்டமன்றப் பகுதியில் பாமகவின் சௌமியா அன்புமணி முன்னிலை பெற்றுள்ளார். போடிநாயக்கனூர் தொகுதியில் வாக்கு எண்ணிக்கையின் முதல் சுற்றுகளில் பின்னடைவைச் சந்தித்த முன்னாள் முதல்வர் ஓ. பன்னீர்செல்வம், அடுத்தடுத்த சுற்றுகளில் வாக்குகளை மீட்டு தற்போது முன்னிலைக்கு வந்துள்ளார்.
தலைநகர் சென்னையின் நிலவரப்படி, துறைமுகம் தொகுதியில் தவிக வேட்பாளர் சினோரா அசோக் தொடர்ந்து முன்னிலையில் இருக்கிறார். ராயபுரம் தொகுதியில் அதிமுக வேட்பாளர் பின்னடைவைச் சந்தித்துள்ள அதே வேளையில், திமுகவின் முக்கிய முகமான அமைச்சர் சேகர்பாபு மூன்றாவது இடத்திற்குத் தள்ளப்பட்டுள்ளது சென்னை அரசியல் களத்தில் பெரும் விவாதப் பொருளாக மாறியுள்ளது.
வாக்கு எண்ணிக்கை தொடர்ந்து நடைபெற்று வருவதாலும், பல தொகுதிகளில் முன்னிலை நிலவரங்கள் சில நூறு வாக்குகளின் வித்தியாசத்திலேயே மாறி மாறி வருவதாலும், இறுதி முடிவுகள் வெளியாகும் போதுதான் தமிழகத்தின் அடுத்த ஆட்சி அதிகாரம் யார் கையில் என்பது முழுமையாகத் தெரியவரும்.
– சென்னை செய்தியாளர்
- மேலூரில் மாணவிகளுக்கு விழிப்புணர்வு: சிங்கப்பெண் அதிரடிப்படையினர் அதிரடி ரோந்து
மதுரை , ஜூன் 18 : மதுரை மாவட்டம் மேலூரில் பெண்கள் மற்றும் மாணவிகளின் பாதுகாப்பை உறுதி செய்யும் வகையில் ‘சிங்கப்பெண்’ அதிரடிப்படை போலீசார் தீவிர ரோந்துப் பணியில் ஈடுபட்டனர். மக்கள் நடமாட்டம் அதிகம் உள்ள முக்கியப் பகுதிகளில் கண்காணிப்பை பலப்படுத்திய போலீசார் கல்லூரி மாணவிகளைச் சந்தித்துப் பாதுகாப்பு ஆலோசனைகளையும் வழங்கினர். தமிழகத்தில் பெண்கள் மற்றும் குழந்தைகளுக்கு எதிரான குற்றங்களைத் தடுக்கவும் அவர்களின் பாதுகாப்பை உறுதி செய்யவும் காவல்துறை தரப்பில் பல்வேறு சிறப்புப் பிரிவுகள் ஏற்படுத்தப்பட்டு வருகின்றன.… Read more: மேலூரில் மாணவிகளுக்கு விழிப்புணர்வு: சிங்கப்பெண் அதிரடிப்படையினர் அதிரடி ரோந்து - காஞ்சிபுரம் ஆர்.டி.ஓ அலுவலகத்தில் லஞ்ச ஒழிப்புத்துறை திடீர் சோதனை: ரூ.60 ஆயிரம் பறிமுதல்காஞ்சிபுரம் , ஜூன் 18: காஞ்சிபுரம் பொன்னேரி கரை பகுதியில் அமைந்துள்ள வட்டார போக்குவரத்து அலுவலகத்தில் (RTO) லஞ்ச ஒழிப்புத்துறை காவல்துறையினர் நேற்று அதிரடி சோதனை நடத்தினர். லஞ்ச ஒழிப்பு பிரிவு டிஎஸ்பி கலைச்செல்வன் தலைமையில் நடைபெற்ற இந்த திடீர் ஆய்வின் போது கணக்கில் வராத 60 ஆயிரம் ரூபாய் ரொக்கப் பணம் பறிமுதல் செய்யப்பட்டது பெரும் பரபரப்பை ஏற்படுத்தியுள்ளது. தமிழகம் முழுவதும் உள்ள பல்வேறு வட்டார போக்குவரத்து அலுவலகங்களில் லஞ்சப் புகார்கள் அதிகரித்த வண்ணம் இருப்பதாக… Read more: காஞ்சிபுரம் ஆர்.டி.ஓ அலுவலகத்தில் லஞ்ச ஒழிப்புத்துறை திடீர் சோதனை: ரூ.60 ஆயிரம் பறிமுதல்
- கோவில்பட்டி மற்றும் சுற்றுவட்டாரப் பகுதிகளில் இடி மின்னலுடன் பலத்த மழை: பொதுமக்கள், விவசாயிகள் மகிழ்ச்சிதூத்துக்குடி , ஜூன் 18 : தூத்துக்குடி மாவட்டம் கோவில்பட்டி நகரம் மற்றும் அதன் சுற்றுவட்டாரப் பகுதிகளில் கடந்த சில வாரங்களாக வெயிலின் தாக்கம் மிகக் கடுமையாக இருந்து வந்தது. கோடை காலத்தை நினைவூட்டும் வகையில் பதிவாகி வந்த கடுமையான வெப்பத்தின் காரணமாக, இப்பகுதி பொதுமக்கள் மற்றும் வாகன ஓட்டிகள் அன்றாடப் பணிகளை மேற்கொள்ள முடியாமல் பெரும் சிரமத்திற்கு ஆளாகி வந்தனர். இந்நிலையில் இன்று காலையிலிருந்தே வழக்கம்போலவே வெயிலின் தாக்கம் அதிகமாகக் காணப்பட்டது. மதிய நேரத்திற்குப் பிறகு… Read more: கோவில்பட்டி மற்றும் சுற்றுவட்டாரப் பகுதிகளில் இடி மின்னலுடன் பலத்த மழை: பொதுமக்கள், விவசாயிகள் மகிழ்ச்சி
- நெல்லை அருகே பைக் மீது பஸ் மோதிய விபத்தில் பெண் பலி: ரூ.43 லட்சம் இழப்பீடு வழங்க நீதிமன்றம் அதிரடி உத்தரவுநெல்லை , ஜூன் 18 : நெல்லை அருகே பஸ் மோதிய விபத்தில் தையல் தொழிலாளி பலியான சம்பவத்தில் , அவரது குடும்பத்தினருக்கு ரூ.43 லட்சத்து 81 ஆயிரம் இழப்பீடு வழங்குமாறு தனியார் காப்பீட்டு நிறுவனத்திற்கு நெல்லை நீதிமன்றம் அதிரடி உத்தரவு பிறப்பித்துள்ளது. தூத்துக்குடியைச் சேர்ந்த 51 வயதுடைய முருகன் என்பவரது மனைவி செல்லம்மாள் (45). தையல் தொழிலாளியான இவர், கடந்த 2025ஆம் ஆண்டு பிப்ரவரி மாதம் தனது கணவர் முருகனுடன் மோட்டார் சைக்கிளில் தூத்துக்குடி –… Read more: நெல்லை அருகே பைக் மீது பஸ் மோதிய விபத்தில் பெண் பலி: ரூ.43 லட்சம் இழப்பீடு வழங்க நீதிமன்றம் அதிரடி உத்தரவு
- white Paper Explained: வெள்ளை அறிக்கை என்றால் என்ன? ஏன் வெளியிடுகிறார்கள்? முக்கிய தகவல்கள்சிறப்பு செய்தி தொகுப்பு , ஜூன் 18 : தமிழ்நாடு அரசின் தற்போதைய நிதிநிலைமை மற்றும் கடன் சுமை குறித்த முழுமையான விவரங்கள் அடங்கிய வெள்ளை அறிக்கையை மாநில அரசு வெளியிட்டுள்ளது. ஒரு குறிப்பிட்ட துறையில் நிலவும் நெருக்கடிகள், அதற்கான மூல காரணங்கள் என்ன என்பதை விரிவாக ஆராய்ந்து பொதுமக்களின் பார்வைக்கு வைப்பதற்காக வெளியிடப்படும் அதிகாரப்பூர்வ ஆவணமே வெள்ளை அறிக்கை ஆகும். ஒரு குறிப்பிட்ட தலைப்பு தொடர்பான அனைத்து தகவல்களையும் பொதுவெளியில் வெளிப்படையாக வைப்பதே இதன் முதன்மை… Read more: white Paper Explained: வெள்ளை அறிக்கை என்றால் என்ன? ஏன் வெளியிடுகிறார்கள்? முக்கிய தகவல்கள்
