சிறப்பு செய்தி , ஜூன் 12 : தமிழக முதல்வர் விஜய் கர்நாடக மாநிலத்தில் புகழ்பெற்ற கொல்லூர் மூகாம்பிகை அம்மன் கோவிலுக்கு ஆன்மீகப் பயணம் மேற்கொண்டு வழிபாடு நடத்தியுள்ளார். உதிக்கின்ற செங்கதிர் உச்சித் திலகமாய், மதிக்கின்ற மாணிக்கமாய் விளங்கும் அபிராமி பட்டரின் வாக்குக்கேற்ப மதுரையில் வீற்றிருக்கும் மீனாட்சி அம்மன், ஸ்ரீவில்லிபுத்தூர் ஆண்டாள் நாச்சியார் ஆகியோரின் தெய்வீகத் தன்மைக்கு நிகராக விளங்கும் கொல்லூர் மூகாம்பிகை அம்மனை முதல்வர் நேரில் தரிசித்துள்ளார். மக்கள் பேராதரவோடு ஆட்சிப் பொறுப்பேற்றுள்ள முதல்வர் விஜய் திக்கற்றவர்களுக்கு தெய்வமே துணை என்ற தத்துவத்தின் அடிப்படையில் அனைத்து தரப்பு மக்களின் இறை நம்பிக்கையையும் மதிக்கும் வகையில் இந்த வழிபாட்டினை நடத்தியுள்ளார்.
முன்னாள் முதல்வர் புரட்சித் தலைவர் எம்.ஜி.ஆரின் கண்கண்ட தெய்வமாக விளங்கியது இந்த கொல்லூர் மூகாம்பிகை அம்மன் கோவில் என்பது குறிப்பிடத்தக்கது. வாரி வழங்கிய வள்ளலாகவும் ஏழை எளிய மக்களின் நல்வாழ்விற்காகப் பாடுபட்டவருமான எம்.ஜி.ஆர் தனது வாழ்நாளின் முக்கிய தருணங்களில் இந்த ஆலயத்திற்கு வந்து வேண்டுதல்களை நிறைவேற்றுவதை வழக்கமாகக் கொண்டிருந்தார். தற்போதைய முதல்வர் விஜய் தன்னை எம்.ஜி.ஆரின் நிழலாகவும் அவரது அரசியல் வழியைப் பின்பற்றுபவராகவும் பாவித்து வரும் நிலையில் எம்.ஜி.ஆர் காட்டிய அதே ஆன்மீகப் பாதையில் தற்போதும் பயணித்து மூகாம்பிகை அம்மனைத் தரிசித்துள்ளார். அம்மனைத் தொழுதால் நாட்டில் மும்மாரி மழை பொழிந்து நல்லாட்சி சிறக்கும் என்பதன் குறியீடாக இந்தத் தரிசனம் பார்க்கப்படுகிறது.
Also read: திருவண்ணாமலையில் கஞ்சா, கள்ளச்சாராயத்தை ஒழிக்க போர்க்கால நடவடிக்கை: அமைச்சர் ஆதவ் அர்ஜுனா
சமூகத்தில் சமதர்மத்தை முழுமையாகப் பேணும் விதமாக தர்காக்கள், வேளாங்கண்ணி பேராலயம், திருச்செந்தூர் சுப்பிரமணிய சுவாமி திருக்கோவில் மற்றும் கொல்லூர் மூகாம்பிகை அம்மன் கோவில் என அனைத்து ஆன்மீகத் தலங்களுக்கும் முதல்வர் விஜய் சமத்துவ நோக்குடன் சென்று வருவது இறை நம்பிக்கை உடைய மக்கள் மத்தியில் பெரும் வரவேற்பைப் பெற்றுள்ளது. தமிழகத்தில் சமயபுரம் மாரியம்மன், புதுக்கோட்டை புவனேஸ்வரி அம்மன், புன்னைநல்லூர் மாரியம்மன், மதுரை மீனாட்சி மற்றும் ஆன்மீகச் செடியில் துளித்த அதிசய துளசியான ஆண்டாள் நாச்சியார் ஆகியோர் எத்தகைய போற்றுதலுக்குரிய ஆன்மீக அடையாளங்களாகத் திகழ்கிறார்களோ அத்தகைய பெருமை வாய்ந்த இடமாக கர்நாடக மாநிலத்தில் மூகாம்பிகை அம்மன் திகழ்கிறார். முதல்வர் விஜய் தனது அரசியல் மற்றும் மக்கள் பணிகளின் வெற்றிக்கான நன்றி கடனைச் செலுத்தும் விதமாகவும் தனது வேண்டுதல்களை வென்று வருவதற்காகவும் இந்த நல்ல துவக்கத்தை மேற்கொண்டுள்ளதாக ஆன்மீகப் பெரியோர்கள் கருதுகின்றனர்.
