சென்னை , மே 15:CM விஜய்யை சந்தித்த இயக்குனர் விக்ரமன், பெப்சி தொழிலாளர்கள், உதவி இயக்குனர்கள் மற்றும் சின்ன படங்களுக்கான கோரிக்கைகளை முன்வைத்ததாக தெரிவித்துள்ளார்.
தமிழக முதல்வராக பதவியேற்ற பிறகு திரைத்துறை பிரபலங்களை தொடர்ந்து சந்தித்து வரும் CM விஜய்யை, இயக்குனர் விக்ரமன் தனது மகனுடன் நேரில் சந்தித்து வாழ்த்து தெரிவித்தார். இந்த சந்திப்புக்குப் பிறகு செய்தியாளர்களிடம் பேசிய இயக்குனர் விக்ரமன், விஜய்யின் எளிமை, நட்புணர்வு மற்றும் திரைத்துறைக்கான அணுகுமுறை குறித்து மிகுந்த நெகிழ்ச்சியுடன் கருத்து தெரிவித்தார்.
CM விஜய்யை சந்தித்த அனுபவத்தை பகிர்ந்த விக்ரமன், “இப்போதுதான் மாண்புமிகு தமிழக முதல்வர் அவர்களை மரியாதை நிமித்தமாக சந்தித்து வாழ்த்து தெரிவித்தோம். நானும் என் மகனும் சென்றிருந்தோம். அவர் ஒரு முதலமைச்சர் என்ற எந்த பந்தாவும் இல்லாமல் மிகவும் சாதாரணமாகவும் நட்புணர்வோடும் பேசினார்” என்று கூறினார்.
மேலும், “கிட்டத்தட்ட 32 ஆண்டுகளுக்கு முன்பு அவரிடம் நான் எப்படி பழகினேனோ, அதே மாதிரி தான் இன்றும் பேசினார். அது எனக்கு மிகவும் நெகிழ்ச்சியாக இருந்தது. உண்மையிலேயே கண் கலங்கிவிட்டது. அவர் என்னிடம் ‘நான் எப்போதும் உங்க விஜய்தான்… உங்களுக்கு என்ன வேண்டும் என்றாலும் சொல்லுங்கள்’ என்று கூறினார்” என விக்ரமன் தெரிவித்தார்.
திரைத்துறைக்காகவே கோரிக்கைகள் வைத்தேன்
தனிப்பட்ட முறையில் எந்த முதல்வரிடமும் இதுவரை எந்த கோரிக்கையும் வைத்ததில்லை என்றும், எப்போதும் திரைப்படத் துறையின் நலனுக்காக மட்டுமே பேசியிருப்பதாகவும் விக்ரமன் கூறினார். அதேபோல், CM விஜய்யை சந்தித்த முதல்நாளிலேயே திரைத்துறையை சார்ந்த பல முக்கிய கோரிக்கைகளை முன்வைத்ததாக தெரிவித்தார்.
அதில் முக்கியமாக, திரைப்படத் துறையில் பணிபுரியும் பெப்சி தொழிலாளர்களுக்கான வீட்டு வசதி குறித்து வலியுறுத்தியதாக கூறினார். “முன்னாள் முதல்வர் கலைஞர் அவர்கள் பெப்சி தொழிலாளர்களுக்காக பையனூரில் 105 ஏக்கருக்கும் மேல் நிலம் வழங்கியிருந்தார். ஆனால் பொருளாதார வசதி இல்லாததால் பல தொழிலாளர்களால் வீடுகள் கட்ட முடியவில்லை. அதனால் அரசாங்கமே முன்வந்து அவர்களுக்கு இலவச வீடுகள் கட்டிக் கொடுக்க வேண்டும் என்று கோரிக்கை வைத்தேன்” என்றார்.
2500 உதவி இயக்குனர்களுக்காக 50 ஏக்கர் கோரிக்கை
இயக்குனர் சங்கத்தை சேர்ந்த ஆயிரக்கணக்கான உதவி இயக்குனர்களின் வாழ்க்கை நிலை குறித்து பேசும்போது விக்ரமன் உணர்ச்சிவசப்பட்டார். “இன்றைக்கு சுமார் 2500 உதவி இயக்குனர்கள் மிகவும் சிரமத்தில் இருக்கிறார்கள். அவர்களுடைய வாழ்வாதாரத்தை மேம்படுத்த அரசு நடவடிக்கை எடுக்க வேண்டும். திருவள்ளூர் அல்லது செங்கல்பட்டு பகுதியில் 50 ஏக்கர் நிலம் ஒதுக்கி, உதவி இயக்குனர்களுக்கான தனி குடியிருப்பு அமைக்க வேண்டும் என்று கேட்டுக்கொண்டேன்” என்று கூறினார்.
திரைப்படத் துறையில் நீண்ட காலமாக இருந்து வரும் பலருக்கும் அடிப்படை வசதிகள் இல்லாத நிலை தொடர்கிறது என்றும், இந்த கோரிக்கைகள் அவர்களின் எதிர்கால வாழ்க்கையை பாதுகாக்கும் நோக்கத்தில்தான் முன்வைக்கப்பட்டதாகவும் அவர் தெரிவித்தார்.
சின்ன படங்களுக்கு விடிவு காலம் வருமா?
தமிழ் சினிமாவில் தற்போது பெரிய படங்கள் மட்டுமே அதிக திரையிடலைப் பெறுகின்றன என்ற விவாதம் தொடர்ந்து நிலவி வரும் நிலையில், சின்ன படங்களுக்கு உரிய திரையிடல் கிடைக்க வேண்டும் என்ற கோரிக்கையையும் விக்ரமன் முன்வைத்தார்.
“மல்டிபிளக்ஸ் திரையரங்குகள் உட்பட எல்லா தியேட்டர்களிலும் சின்ன படங்களுக்கு சரியான ஸ்கிரீன் ஒதுக்க வேண்டும் என்று கேட்டேன். நல்ல உள்ளடக்கம் கொண்ட சிறிய படங்கள் மக்களிடம் செல்ல வழி செய்ய வேண்டும்” என்று அவர் தெரிவித்தார்.
இந்த கோரிக்கைகளை கேட்ட CM விஜய் உடனடியாக தனது உதவியாளர் ஜெகதீஷை அழைத்து, “சார் சொன்ன கோரிக்கைகள் எல்லாம் எழுதிக்கொள்ளுங்கள். நம்மால் செயல்படுத்த முடிந்ததை கண்டிப்பாக செய்வோம்” என்று கூறியதாகவும் விக்ரமன் பகிர்ந்தார்.
இதனால், “சின்ன படங்களுக்கு ஒரு விடிவு காலம் ஆரம்பமாகி இருக்கிறது என்று நான் நம்புகிறேன்” என அவர் நம்பிக்கையுடன் கூறினார்.
விஜய்யின் நட்புணர்வை பகிர்ந்த விக்ரமன்
சந்திப்பின் போது தனது மகனை பார்த்ததும் விஜய் உடனே அடையாளம் கண்டுகொண்டு மிகவும் அன்பாக பேசியதாகவும் விக்ரமன் கூறினார்.
“என் மகனின் முதல் படம் ‘ஹிட்லிஸ்ட்’ படத்துக்காக வாழ்த்து வாங்க அவரை GOAT படப்பிடிப்புக்கு கூட்டிச் சென்றிருந்தேன். அப்போது விஜய் அவனை பார்த்து ‘ப்ரோ… நீங்க ரொம்ப ஸ்மார்ட்டா இருக்கீங்க ப்ரோ’ என்று இரண்டு முறை சொன்னார். அந்த தருணம் எங்களுக்கு மறக்க முடியாதது” என்று அவர் நினைவுகூர்ந்தார்.
மேலும், “என் வீட்டின் ஹாலில் தற்போது இருக்கும் ஒரே சினிமா புகைப்படம் என் மகனும் விஜய் சாரும் சேர்ந்து எடுத்த புகைப்படம்தான். பல முன்னாள் முதலமைச்சர்களையும் சந்தித்து புகைப்படம் எடுத்திருக்கிறேன். ஆனால் அந்த புகைப்படம் மட்டும் எனக்கு மிகவும் ஸ்பெஷல்” என்றும் அவர் கூறினார்.
திரைத்துறைக்கு நல்லது செய்ய வேண்டும்
பேட்டியின் இறுதியில், “முதல்வர் திரைத்துறைக்கு நிறைய நல்லது செய்ய வேண்டும் என்று நான் எதிர்பார்க்கிறேன். மீண்டும் அவருக்கு என் நன்றியை தெரிவித்துக்கொள்கிறேன்” என்று விக்ரமன் கூறி தனது உரையை நிறைவு செய்தார்.
- பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன்
நெல்லை , ஜூன் 13 : நெல்லை மாவட்ட ஆட்சியர் அலுவலகத்தில் சனிக்கிழமை நடைபெற்ற அனைத்துத் துறை ஆய்வுக் கூட்டத்திற்குப் பிறகு தமிழக நிதி அமைச்சரும் மாவட்டப் பொறுப்பு அமைச்சருமான மரியவில்சன் செய்தியாளர்களைச் சந்தித்தார். அப்போது வரவிருக்கும் பருவமழைத் தொடங்குவதற்கு முன்பாகவே மாவட்டத்தில் உள்ள அனைத்து சாலைப் பணிகளையும் முழுமையாக முடிக்க முக்கிய முன்னுரிமை அளிக்கப்பட்டுள்ளது என்று அவர் தெரிவித்தார். சுமார் 3 மணி நேரம் 30 நிமிடங்களுக்கும் மேலாக நீடித்த இந்த விரிவான ஆய்வுக் கூட்டத்தில்… Read more: பருவமழைக்கு முன் சாலைகளை சீரமைக்க முன்னுரிமை: நெல்லையில் அமைச்சர் மரியவில்சன் - பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்!
பாட்னா , June 13 : பீகார் மாநிலம் பாட்னாவில் வாடிக்கையாளர்களைப் போல நடித்து, நகைக்கடை உரிமையாளர் மீது பெப்பர் ஸ்பிரே அடித்து கொள்ளையடிக்க முயன்ற இரண்டு இளம் பெண்களை பொதுமக்கள் மடக்கிப் பிடித்து காவல்துறையிடம் ஒப்படைத்தனர். பாட்னாவின் திகா பகுதியில் உள்ள குறிச்சி பாலம் அருகே இந்த நகைக்கடை இயங்கி வருகிறது. நேற்று இந்த கடைக்கு இரண்டு இளம் பெண்கள் நகைகளை வாங்குவது போல வந்துள்ளனர். கடையில் இருந்த நகைகளை காண்பிக்குமாறு அங்கிருந்த உரிமையாளரிடம் அவர்கள்… Read more: பெப்பர் ஸ்பிரே அடித்து நகைக்கடையில் கொள்ளை முயற்சி.. இளம் பெண்களை லாக் செய்த ஓனர்! - குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!!
ஆந்திரா , ஜூன் 13 : ஆந்திர மாநிலம் டெக்கலி பகுதியைச் சேர்ந்த ஈஸ்வரராவ் மற்றும் விஜயகுமாரி தம்பதியின் மகள் ஹரிணி. இவருக்கு கடந்த 2020ஆம் ஆண்டு தும்பல தத்தேஸ்வரராவ் என்பவருடன் திருமணம் ஆகி நான்கு வயதில் ஒரு பெண் குழந்தை உள்ளது. அரசுப் பணியில் சேர வேண்டும் என்ற லட்சியத்தோடு ஹரிணி ஹைதராபாத்தில் உள்ள பயிற்சி மையம் ஒன்றில் படித்து வந்தார். அங்கு அவருக்கும் நாகேந்திரா என்ற இளைஞருக்கும் இடையே பழக்கம் ஏற்பட்டு அது நாளடைவில்… Read more: குரூப்-1 பயிற்சி மையத்தில் மலர்ந்த காதல்… மகளை கொன்ற பெற்றோர்! ஆந்திராவில் அதிர்ச்சி!! - தமிழகத்தில் மின்தடைக்கு ஓவர்லோடு மற்றும் நிலத்தடி கேபிள்கள் சேதமே காரணம்: மின்வாரியம் விளக்கம்
சென்னை , ஜூன் 13 : சென்னை உள்ளிட்ட தமிழகத்தின் பல்வேறு பகுதிகளில் அண்மைக்காலமாக நிலவி வரும் மின்தடை பொதுமக்களிடையே பெரும் அதிருப்தியை ஏற்படுத்தியுள்ளது. கோடைகாலம் என்பதால் மின்தேவை வழக்கத்தை விட பலமடங்கு அதிகரித்துள்ள நிலையில் பல இடங்களில் பொதுமக்கள் வீதிக்கு வந்து போராடும் நிலைக்கு தள்ளப்பட்டுள்ளனர். இந்த சூழலில் தமிழகத்தில் தற்போதைய மின்தடைக்கான காரணங்கள் குறித்தும் அதனை சீரமைக்க எடுக்கப்பட்டு வரும் நடவடிக்கைகள் குறித்தும் தமிழ்நாடு மின் உற்பத்தி மற்றும் பகிர்மான கழகம் அதிகாரப்பூர்வ விளக்கங்களை… Read more: தமிழகத்தில் மின்தடைக்கு ஓவர்லோடு மற்றும் நிலத்தடி கேபிள்கள் சேதமே காரணம்: மின்வாரியம் விளக்கம் - செப்பறை அழகிய கூத்தர் கோவில் ஆனித் திருவிழா கொடியேற்றத்துடன் தொடங்கியதுநெல்லை , ஜூன் 13 : நெல்லை மாவட்டம் தாழையூத்து அருகே உள்ள வரலாற்றுச் சிறப்புமிக்க ராஜவல்லிபுரம் செப்பறை அழகிய கூத்தர் கோவிலில் உலகப் புகழ்பெற்ற ஆனித் திருவிழா இன்று காலை கொடியேற்றத்துடன் கோலாகலமாகத் தொடங்கியது. ஆன்மீக மணம் கமழும் இந்தத் திருவிழா இன்று முதல் தொடர்ந்து பத்து நாட்களுக்குப் பாரம்பரிய முறைப்படி விமரிசையாக நடைபெற உள்ளது. திருவிழாவின் தொடக்க நாளான இன்று காலை செப்பறை அழகிய கூத்தர் மற்றும் சிவகாமி அம்பாளுக்குச் சிறப்பு அபிஷேகங்களும் வழிபாடுகளும்… Read more: செப்பறை அழகிய கூத்தர் கோவில் ஆனித் திருவிழா கொடியேற்றத்துடன் தொடங்கியது
