இந்தியாவில், குறிப்பாக தமிழ்நாட்டில் பெண்கள் தினசரி அணியும் பாரம்பரிய உடையான Sareeபுற்றுநோய்க்கு காரணமா என்ற கேள்வி சமூக ஊடகங்களில் வைரலாகியுள்ளது. ‘Saree Cancer’ என்ற சொல்லை முன்வைத்து பரப்பப்பட்ட இந்த கூற்றின் உண்மை என்ன? மருத்துவ ஆய்வுகள் மற்றும் நிபுணர்கள் இதைப்பற்றி என்ன கூறுகின்றனர் என்பதை இந்த fact check செய்தி விளக்குகிறது.
வைரல் கூற்று எப்படி வந்தது
சமீபத்தில் சமூக ஊடகங்களில் வெளியான ஒரு வீடியோவில், Saree-யை இறுக்கமாக கட்டுவதால் இடுப்புப் பகுதியில் நீண்டகால உராய்வு ஏற்பட்டு அது புற்றுநோயாக மாறும் என்ற கூற்று பரவியது. இதனால் பெண்களிடம் கவலை அதிகரித்தது.
மருத்துவ உண்மை என்ன
மருத்துவ ஆய்வுகள் கூறுவதாவது, Saree அணிவது நேரடியாக புற்றுநோயை ஏற்படுத்தும் என்பது தவறான புரிதல். ஆனால், இடுப்பில் மிகவும் இறுக்கமாக நீண்டகாலம் கட்டப்படும் உடைகள் தோலில் மாற்றங்களை ஏற்படுத்தலாம்.
இத்தகைய நீண்டகால உராய்வு காரணமாக
- தோல் கருமை
- அரிப்பு
- தோல் தடிப்பு
போன்ற பிரச்சினைகள் ஏற்படலாம். இவை பொதுவாக சாதாரணமானவை மற்றும் பெரும்பாலும் ஆபத்தானவை அல்ல.
அதிகமாக கவனிக்கப்படாத சில அரிதான நிலைகளில், நீண்டகால காயங்கள் அல்லது புண்கள் புற்றுநோயாக மாறும் வாய்ப்பு இருக்கலாம். ஆனால் இது மிகவும் அரிதானது என்று ஆய்வுகள் தெளிவாக கூறுகின்றன
Also : தமிழ்நாட்டில் கடும் வெப்ப அலை எச்சரிக்கை – மே மாதத்தில் 106°F வரை வெப்பநிலை உயரும் அபாயம்
“Saree Cancer” உண்மையில் என்ன?
2014ஆம் ஆண்டு வெளியான ஒரு மருத்துவ அறிக்கையில், இடுப்பில் தொடர்ந்து ஏற்படும் உராய்வு காரணமாக தோலில் காயம் உருவாகி பின்னர் அது “Squamous Cell Carcinoma” என்ற புற்றுநோயாக மாறிய ஒரு தனிப்பட்ட சம்பவம் பதிவு செய்யப்பட்டுள்ளது.
ஆனால் அந்த ஆய்வும் இதை மிகவும் அரிதான சம்பவமாகவே குறிப்பிடுகிறது. இந்தியாவில் புற்றுநோய்களில் தோல் புற்றுநோய் 1 சதவீதத்திற்கும் குறைவாகவே உள்ளது என்றும் கூறப்படுகிறது.
மேலும், இந்த பிரச்சினை சாரிக்கு மட்டும் அல்ல. dhoti, tight jeans போன்ற இடுப்பில் இறுக்கமாக அணியும் எந்த உடையாலும் இதேபோன்ற உராய்வு பிரச்சினைகள் ஏற்படலாம்.
தமிழ்நாட்டில் பல பெண்கள் தினசரி Saree அணிவதால் இந்த செய்தி பெரும் தாக்கத்தை ஏற்படுத்தியுள்ளது. ஆனால் நிபுணர்கள் கூறுவது,
“பயப்பட தேவையில்லை, விழிப்புணர்வு போதும்” என்பதுதான்.
சாரி அணிவதை நிறுத்த வேண்டிய அவசியமே இல்லை. மாறாக, சில எளிய முன்னெச்சரிக்கை நடவடிக்கைகள் போதுமானவை.
பாதுகாப்பு ஆலோசனைகள்
மருத்துவ நிபுணர்கள் பரிந்துரைகள்:
- Saree-யை மிகவும் இறுக்கமாக கட்ட வேண்டாம்
- cotton போன்ற காற்றோட்டம் உள்ள துணிகளை பயன்படுத்தவும்
- இடுப்பில் கயிறு கட்டும் இடத்தை மாற்றி மாற்றி பயன்படுத்தவும்
- நீண்டநாள் அரிப்பு அல்லது காயம் இருந்தால் உடனே மருத்துவரை அணுகவும்
தோலில் நீண்டகால உராய்வு ஏற்படுவது எந்த உடையாலும் நடக்கலாம். அதனை சரியான நேரத்தில் கவனித்தால் எந்த பெரிய பிரச்சினையும் ஏற்படாது.
