சிவகங்கை, May 13 : தேனியில் நடைபெற்ற மாநில அளவிலான கிக் பாக்ஸிங் போட்டியில் 11 தங்கம் உட்பட 55 பதக்கங்களைக் கைப்பற்றி சிவகங்கை மாவட்ட மாணவ, மாணவிகள் சாதனை படைத்துள்ளனர். இதன் மூலம் தேசிய அளவிலான போட்டிகளில் பங்கேற்கும் தகுதியை 26 வீரர்கள் பெற்றுள்ளனர்.
தமிழ்நாடு கிக் பாக்ஸிங் சங்கம் சார்பில் மாநில அளவிலான கிக் பாக்ஸிங் போட்டிகள் தேனி மாவட்ட விளையாட்டு மேம்பாட்டு ஆணைய அரங்கில் கடந்த மே 7ஆம் தேதி முதல் 11ஆம் தேதி வரை நடைபெற்றன. கேடட்ஸ், சப் ஜூனியர், ஜூனியர் மற்றும் சீனியர் எனப் பல்வேறு பிரிவுகளின் கீழ் நடத்தப்பட்ட இப்போட்டிகளில், தமிழகத்தின் 27 மாவட்டங்களைச் சேர்ந்த 1,100-க்கும் மேற்பட்ட வீரர், வீராங்கனைகள் களமிறங்கினர்.
இதில் சிவகங்கை மாவட்ட கிக் பாக்ஸிங் சங்கம் சார்பில் 69 பேர் கொண்ட குழுவினர் பங்கேற்றனர். கடுமையான போட்டிக்கு மத்தியில் திறம்பட விளையாடிய சிவகங்கை வீரர்கள் 11 தங்கம், 15 வெள்ளி மற்றும் 29 வெண்கலம் என மொத்தம் 55 பதக்கங்களை வென்று மாவட்டத்திற்குப் பெருமை சேர்த்துள்ளனர்.
தேசியப் போட்டிக்குத் தேர்வு: மாநிலப் போட்டியில் தங்கம் மற்றும் வெள்ளிப் பதக்கங்களை வென்ற 26 மாணவ, மாணவிகள் அடுத்த கட்டமாக தேசிய அளவிலான போட்டிகளில் பங்கேற்கத் தகுதி பெற்றுள்ளனர். இவர்கள் அனைவரும் சென்னையில் மே 25ஆம் தேதி தொடங்கவுள்ள தேசிய பயிற்சி முகாமில் பங்கேற்க உள்ளனர். அதனைத் தொடர்ந்து, தேசிய அளவிலான பிரதான போட்டிகளில் விளையாடவுள்ளனர்.
இவ்வாண்டுக்கான தேசிய கிக் பாக்ஸிங் போட்டிகள் ஒடிசாவில் மே 30ஆம் தேதியும், மத்திய பிரதேசத்தில் ஜூன் 17ஆம் தேதியும், குஜராத்தில் ஆகஸ்ட் 1ஆம் தேதியும் நடைபெற உள்ளதாக அறிவிக்கப்பட்டுள்ளது.
அரசுப் பள்ளி மாணவிகளின் முன்னேற்றம்: இந்த வெற்றியின் முக்கிய அம்சமாக, சிவகங்கை மாவட்டத்தின் கிராமப்புறப் பகுதிகளைச் சேர்ந்த அரசுப் பள்ளி மாணவிகள் தேசியப் போட்டிக்குத் தேர்வாகியுள்ளனர். குறிப்பாக, இடையமேலூர், கூட்டுறவுபட்டி, தமறாக்கி உள்ளிட்ட பகுதிகளில் உள்ள 4 அரசுப் பள்ளிகளைச் சேர்ந்த வீராங்கனைகள் தங்களது திறமையை நிரூபித்து தேசியப் போட்டிக்குத் தகுதி பெற்றுள்ளது, மாவட்ட விளையாட்டு வட்டாரத்தில் பெரும் வரவேற்பைப் பெற்றுள்ளது.
இதுகுறித்து சிவகங்கை மாவட்ட கிக் பாக்ஸிங் சங்கத்தின் பொதுச் செயலாளரும் பயிற்சியாளருமான குணசீலன் கூறுகையில், “சிவகங்கை மாவட்ட கிக் பாக்ஸிங் சங்கம் கடந்த ஐந்து ஆண்டுகளாகத் தொடர்ந்து மாநில அளவில் சிறந்த சாதனைகளைப் பதிவு செய்து வருகிறது. 2020ஆம் ஆண்டில் தமிழ்நாடு விளையாட்டு மேம்பாட்டு ஆணையம் மற்றும் இந்திய விளையாட்டு ஆணையத்தால் (SAI) கிக் பாக்ஸிங் அதிகாரப்பூர்வமாக அங்கீகரிக்கப்பட்டது. இப்போட்டிகளில் வெல்லும் பதக்கங்களும் அதற்கான சான்றிதழ்களும் மாணவர்களின் கல்லூரி உயர் கல்விக்கும், அவர்களது எதிர்கால வேலைவாய்ப்புகளுக்கும் பெரும் உதவியாக இருக்கும்” என்றார்.
ஊக்கத் தொகை கோரிக்கை: தேசிய அளவிலான கிக் பாக்ஸிங் போட்டிகளில் பதக்கம் வெல்லும் வீரர்களை ஊக்குவிக்கும் வகையில் தமிழக அரசு நிதியுதவி வழங்கி வருகிறது. குழந்தைகள் மற்றும் ஜூனியர் பிரிவில் தங்கம், வெள்ளி, வெண்கலம் வெல்பவர்களுக்கு முறையே ரூ.3 லட்சம், ரூ.2 லட்சம், ரூ.1.50 லட்சமும், சீனியர் பிரிவில் பதக்கம் வெல்பவர்களுக்கு முறையே ரூ.5 லட்சம், ரூ.3 லட்சம், ரூ.2 லட்சமும் ஊக்கத் தொகையாக அரசாங்கத்தால் அறிவிக்கப்பட்டுள்ளது.
இருப்பினும், கடந்த 2023ஆம் ஆண்டிலிருந்து இந்த ஊக்கத் தொகை வீரர்களுக்குச் சென்று சேரவில்லை என்ற குற்றச்சாட்டும் எழுந்துள்ளது. சிவகங்கை மாவட்டத்தைச் சேர்ந்த 14 வீரர்கள் கடந்த மூன்று ஆண்டுகளாக இந்த அரசு ஊக்கத் தொகைக்காகக் காத்திருக்கின்றனர். எனவே, தேசியப் போட்டிக்குத் தயாராகி வரும் மாணவர்களின் பொருளாதாரச் சூழலைக் கருத்தில் கொண்டு, தமிழக அரசு இந்த ஆண்டிலாவது நிலுவையில் உள்ள ஊக்கத் தொகையைத் தாமதமின்றி வழங்க வேண்டும் எனப் பயிற்சியாளர்களும் பெற்றோர்களும் கோரிக்கை விடுத்துள்ளனர்.
பதக்கங்கள் வென்று சாதனை படைத்த மாணவர்களைப் பயிற்சியாளர்கள் சித்ரா, தாமரைச்செல்வன், பிரதீப், சதீஷ் மற்றும் மாணவர்களின் பெற்றோர்கள் நேரில் பாராட்டினர்.
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
- “AI தொழில்நுட்பங்கள் மனித ஆற்றலுக்கு முழுமையான மாற்றாகாது” – சந்தீப் நந்தூரி.திருநெல்வேலி : செப்டம்பர் 01, 2026 ; பள்ளிப் பருவமே தனித்திறமைகளை வெளிக்கொணரும் காலம் – சந்தீப் நந்தூரி திருநெல்வேலி:கங்கைகொண்டான் பகுதியில் செயல்பட்டு வரும் நம்ம ஊரு குளோபல் பள்ளியின் ஆண்டு விழா “SYNAPSE 2026”, பள்ளி வளாகத்தில் கோலாகலமாக நடைபெற்றது. விழாவிற்கு பள்ளியின் நிறுவனர் டாக்டர் ஸ்ரீ சண்முகப்பிரியா தலைமை வகித்து வாழ்த்துரை வழங்கினார். பள்ளியின் நிர்வாகக் குழுத் தலைவர் மாரி கார்த்திகேயன் முன்னிலை வகித்தார். ஆண்டு விழாவில் தமிழக அரசின் இளைஞர் நலன் மற்றும்… Read more: “AI தொழில்நுட்பங்கள் மனித ஆற்றலுக்கு முழுமையான மாற்றாகாது” – சந்தீப் நந்தூரி.
