ஒட்டன்சத்திரம் . ஜூன் 14 : திண்டுக்கல் மாவட்டத்தின் புகழ்பெற்ற ஒட்டன்சத்திரம் காந்தி காய்கறி சந்தைக்கு முருங்கைக்காய் வரத்து கணிசமாகக் குறைந்துள்ளதால் அதன் விலை அதிரடியாக உயர்ந்துள்ளது. கடந்த வாரங்களில் மிகக் குறைந்த விலைக்கு விற்பனையான முருங்கைக்காய். தற்போது சில்லறை சந்தையில் கிலோ 100 ரூபாய் வரை விற்பனையாவதால் பயிரிட்ட விவசாயிகள் பெரும் மகிழ்ச்சி அடைந்துள்ளனர்.
தென்தமிழகத்தின் மிகப்பெரிய காய்கறி சந்தையாக விளங்கும் ஒட்டன்சத்திரம் காந்தி சந்தைக்கு திண்டுக்கல். திருப்பூர். கரூர் உள்ளிட்ட உள்ளூர் மாவட்டங்களில் இருந்தும். வெளி மாநிலங்களில் இருந்தும் நாள்தோறும் டன் கணக்கில் காய்கறிகள் விற்பனைக்காகக் கொண்டு வரப்படுகின்றன. இங்கிருந்து கேரளா உள்ளிட்ட அண்டை மாநிலங்களுக்கும். தமிழகத்தின் பிற மாவட்டங்களுக்கும் காய்கறிகள் தினசரி லாரிகள் மூலம் அனுப்பி வைக்கப்படுகின்றன.
also : வால்பாறை பிர்லா நீர்வீழ்ச்சியில் வெள்ளப்பெருக்கு: சுற்றுலாப் பயணிகளுக்குத் தடை
அரசம்பட்டு திரௌபதியம்மன் கோயில் துரியோதனன் படுகளம் விழா
கடந்த சில வாரங்களாகவே தமிழகத்தின் பல்வேறு பகுதிகளில் பரவலாகக் கோடை மழை பெய்து வருகிறது. இந்தத் தொடர் கோடை மழையின் காரணமாக. முருங்கை மரங்களில் உள்ள பூக்கள் அனைத்தும் பெருமளவில் உதிர்ந்துள்ளன. இதன் நேரடி விளைவாக முருங்கைக்காய் உற்பத்தி கடுமையாகப் பாதிக்கப்பட்டு. உள்ளூர் மற்றும் வெளியூர்களில் இருந்து ஒட்டன்சத்திரம் சந்தைக்கு வரும் முருங்கையின் வரத்து நாளுக்கு நாள் குறைந்து கொண்டே வருகிறது. வரத்துக் குறைவு காரணமாகவே தற்போது சந்தையில் முருங்கையின் விலை கிடுகிடுவென உயரத் தொடங்கியுள்ளது.
இதன்படி ஒட்டன்சத்திரம் காந்தி காய்கறி சந்தையில் இன்று நடைபெற்ற ஏலத்தில். வெளிமாநிலத்திலிருந்து வரவழைக்கப்படும் நாசிக் ரக முருங்கைக்காய் மொத்த விலையில் ஒரு கிலோ 85 ரூபாய்க்கு விற்பனையானது. அதேபோல உள்ளூர் பகுதிகளில் இருந்து கொண்டு வரப்பட்ட முருங்கைக்காய் மொத்த விலையில் ஒரு கிலோ 80 ரூபாய்க்கு ஏலம் போனது. வெளிச்சந்தையில் சில்லறை விலையில் ஒரு கிலோ முருங்கைக்காய் 100 ரூபாய் வரையிலும். ஒரு தனி முருங்கைக்காய் அளவு மற்றும் தரத்திற்கு ஏற்ப 15 ரூபாய் வரையிலும் தாராளமாக விற்பனை செய்யப்பட்டு வருகிறது.
கடந்த வாரங்களில் ஒட்டன்சத்திரம் சந்தைக்கு முருங்கைக்காய் வரத்து மிக அதிகமாக இருந்தது. இதனால் சந்தையில் கடுமையான விலை வீழ்ச்சி ஏற்பட்டு. ஒரு கிலோ முருங்கைக்காய் வெறும் 20 ரூபாய் என்ற மிகக் குறைந்த விலைக்கு விற்பனையானது குறிப்பிடத்தக்கது. வரத்து அதிகமாக இருந்த சமயத்தில் போதிய விலை கிடைக்காமல் நஷ்டத்தை எதிர்கொண்ட விவசாயிகள். தற்போது ஏற்பட்டுள்ள இந்த திடீர் விலை உயர்வால் நிம்மதி அடைந்துள்ளனர். வரத்துக் குறைவு இன்னும் சில நாட்களுக்கு நீடிக்க வாய்ப்புள்ளதால். முருங்கைக்காய் விலை மேலும் உயரக்கூடும் என வியாபாரிகள் தரப்பில் தெரிவிக்கப்பட்டுள்ளது.
