கோவை May 23: கோவை மாவட்டம் சூலூர் அருகே 10 வயது சிறுமி கடத்தப்பட்டு, பாலியல் வன்கொடுமை செய்து கொலை செய்யப்பட்ட வழக்கில், 24 மணி நேரத்திற்குள் இருவரை காவல்துறையினர் கைது செய்துள்ளனர். இந்த கொடூர சம்பவம் குறித்த பின்னணியையும், காவல்துறையின் துரித நடவடிக்கைகளையும் மேற்கு மண்டல ஐ.ஜி. பவானீஸ்வரி செய்தியாளர்களிடம் விரிவாக விளக்கினார்.
கோவை சூலூர் காவல் நிலைய எல்லைக்குட்பட்ட பல்லப்பாளையம், பாரதிபுரம் அருணகிரிநாதர் வீதியைச் சேர்ந்த 10 வயது சிறுமி, கடந்த 21-ஆம் தேதி மாலை தனது வீட்டின் அருகே விளையாடிக் கொண்டிருந்தார். அப்போது எதிர்பாராதவிதமாக அச்சிறுமி திடீரென மாயமானார். குழந்தையைக் காணாமல் பதறிய பெற்றோர் மற்றும் உறவினர்கள், பல இடங்களில் தேடியும் கிடைக்காததால் உடனடியாக காவல் அவசர உதவி எண் 100-க்கு தகவல் தெரிவித்தனர்.
தகவல் கிடைத்த அடுத்த சில நிமிடங்களிலேயே சூலூர் காவல்துறையினர் சம்பவ இடத்திற்கு விரைந்து சென்று முதற்கட்ட விசாரணையைத் தொடங்கினர். சம்பவத்தின் தீவிரத்தை உணர்ந்து, அன்றைய தினமே இரவு சுமார் 10 மணியளவில் குழந்தை மாயமானது தொடர்பாக முறைப்படி வழக்குப்பதிவு செய்யப்பட்டு தேடுதல் வேட்டை முடுக்கிவிடப்பட்டது.
கருமத்தம்பட்டி உட்கோட்ட துணை காவல் கண்காணிப்பாளர் நேரடி மேற்பார்வையில், குற்றவாளிகளை விரைந்து பிடிக்க 5 தனிப்படைகள் அமைக்கப்பட்டன. சிறுமி காணாமல் போன பகுதியிலும், அதன் சுற்றியுள்ள இடங்களிலும் இருந்த 200-க்கும் மேற்பட்ட சிசிடிவி கேமரா பதிவுகளைத் தனிப்படையினர் தீவிரமாக ஆய்வு செய்தனர். மேலும், தொழில்நுட்பப் பகுப்பாய்வு மற்றும் செல்போன் சமிக்ஞை (Tower Dump) ஆதாரங்களையும் சேகரித்தனர்.
இந்த விரிவான விசாரணையில், சிறுமியின் குடும்பத்திற்கு நன்கு அறிமுகமான, அண்டை வீட்டில் வசித்து வந்த நாகப்பட்டினத்தைச் சேர்ந்த காசிநாதன் மகன் கார்த்தி (33) என்பவர் மீது போலீசாருக்கு சந்தேகம் எழுந்தது. தொடர்ந்து சிசிடிவி காட்சிகளை ஆய்வு செய்தபோது, கார்த்தி அச்சிறுமியை ஆசை வார்த்தை கூறி அழைத்துச் சென்றது உறுதியானது.இதனைத் தொடர்ந்து கார்த்தியைப் பிடிக்க தனிப்படையினர் அதிரடி வேட்டையில் இறங்கினர். அவர் கண்ணம்பாளையம் பகுதியில் உள்ள ‘மரியா ரோஸ் கார்டன்’ அடுக்குமாடி குடியிருப்பில் பதுங்கியிருப்பது தெரியவந்தது. அங்கு சென்ற போலீசார் அந்த வீட்டைச் சுற்றி வளைத்தனர்.
போலீசாரைக் கண்டதும் தப்பியோட முயன்ற கார்த்தி, அடுக்குமாடி குடியிருப்பின் முதல் மாடியில் இருந்து கீழே குதித்தார். இதில் அவரது வலது கை மற்றும் காலில் பலத்த எலும்பு முறிவு ஏற்பட்டது. நகர முடியாமல் கிடந்த அவரை போலீசார் உடனடியாகக் கைது செய்து, பலத்த போலீஸ் பாதுகாப்புடன் கோவை அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். அங்கு அவருக்குத் தொடர்ந்து சிகிச்சை அளிக்கப்பட்டு வருகிறது.கைது செய்யப்பட்ட கார்த்தியிடம் போலீசார் நடத்திய முதற்கட்ட விசாரணையில், அதிர்ச்சியூட்டும் உண்மைகள் வெளிவந்தன. சிறுமிக்குத் தெரிந்தவர் என்பதால், விளையாட்டுத்தனமாக இருந்த குழந்தையிடம் ஆசை வார்த்தைகளைக் கூறி கண்ணம்பாளையம் குளம் அருகே உள்ள ஒரு தென்னந்தோப்பிற்கு அழைத்துச் சென்றுள்ளார்.
அங்கு அச்சிறுமியைப் பாலியல் வன்கொடுமை செய்துள்ளார். பின்னர், சிறுமி இக்கொடூரம் குறித்து வெளியில் சொல்லிவிடுவாள் என்ற பயத்தில், அவளை அங்கேயே கொடூரமாகக் கொலை செய்து உடலை மறைத்து வைத்ததாக கார்த்தி காவல்துறையினரிடம் ஒப்புக்கொண்டார்.
மேலும், இக்குற்றத்திற்குத் துணையாக இருந்ததாகவும், குற்றவாளி தப்பிக்க உதவியதாகவும் பாரதிபுரம் பள்ளப்பாளையத்தைச் சேர்ந்த ராமசாமி மகன் மோகன் (30) என்பவரையும் போலீசார் கைது செய்தனர். அவர் நீதிமன்றக் காவலுக்கு அனுப்பப்பட்டுள்ளார்.
இந்தக் கொடூர சம்பவம் குறித்து மேற்கு மண்டல ஐ.ஜி. பவானீஸ்வரி செய்தியாளர்களிடம் கூறியதாவது: “சிறுமி மாயமானது குறித்து தகவல் கிடைத்தவுடனேயே காவல்துறை எவ்வித தாமதமும் இன்றி உடனடியாக வழக்குப்பதிவு செய்து களத்தில் இறங்கியது. இரவு முழுவதுமாக 5 தனிப்படைகள் அயராது உழைத்து, சிசிடிவி காட்சிகளைத் துல்லியமாக ஆய்வு செய்ததால் முக்கிய தடயங்கள் உடனே கிடைத்தன. இதன் காரணமாகவே, சம்பவம் நடந்த 24 மணி நேரத்திற்குள் குற்றவாளிகள் அடையாளம் காணப்பட்டு கைது செய்யப்பட்டுள்ளனர்.
இந்த வழக்கில் பாலியல் வன்கொடுமை மற்றும் கொலைக் குற்றச்சாட்டுகள் உறுதி செய்யப்பட்டுள்ளதால், கைதானவர்கள் மீது போக்சோ (POCSO) சட்டத்தின் கீழ் மிகக் கடுமையான பிரிவுகளில் நடவடிக்கை எடுக்கப்பட்டு வருகிறது.
தொடர்ந்து பேசிய ஐ.ஜி. பவானீஸ்வரி, சட்ட விதிகளின்படி பாதிக்கப்பட்ட சிறுமியின் அடையாளத்தையோ, புகைப்படத்தையோ அல்லது அவரது குடும்ப விபரங்களையோ ஊடகங்களும், சமூக வலைதளப் பக்கங்களும் எக்காரணம் கொண்டும் வெளியிட வேண்டாம் என்று கேட்டுக்கொண்டார்.
பாதிக்கப்பட்ட சிறுமியின் குடும்பத்தினருக்கு அரசின் சார்பில் வழங்கப்படும் உரிய நிவாரண உதவித்தொகை விரைவாகக் கிடைப்பதற்கான அனைத்து சட்டப்பூர்வ நடவடிக்கைகளையும் காவல்துறை மேற்கொண்டு வருவதாகவும் அவர் தெரிவித்தார்.
- ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…திருநெல்வேலி அக்டோபர் 04:2026; திருநெல்வேலியில் உலக இதய தினத்தை முன்னிட்டு நடைபெற்ற 5-வது காவேரி மாரத்தான் போட்டியில் 3,900-க்கும் மேற்பட்டோர் உற்சாகமாக பங்கேற்றனர். பாளையங்கோட்டை ஏஞ்சலோ மெட்ரிகுலேஷன் மேல்நிலைப்பள்ளியில் நடைபெற்ற இந்த மாரத்தானில், 5 கிலோமீட்டர் மற்றும் 10 கிலோமீட்டர் என இரு பிரிவுகளில் போட்டிகள் நடைபெற்றன. காலை 6 மணிக்கு 10 கிலோமீட்டர் ஓட்டமும், அதனைத் தொடர்ந்து 6.15 மணிக்கு 5 கிலோமீட்டர் ஓட்டமும் தொடங்கியது. 10 கிலோமீட்டர் போட்டியை நெல்லை மாநகரக் காவல்துறை ஆணையர்… Read more: ஆரோக்கியமான இதயத்திற்காக ஓட்டம் – 3,900-க்கும் மேற்பட்டோர் பங்கேற்ற காவேரி மாரத்தான்…
- அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை
அரிசி, பருப்பு உள்ளிட்ட அத்தியாவசியப் பொருட்களின் விலையை ரேஷன் கடைகள் மூலம் கட்டுப்படுத்த வேண்டும்: நெல்லையில் மனிதநேய மக்கள் கட்சி தலைவர் எம்.எச். ஜவாஹிருல்லா செய்தியாளர் சந்திப்பில் தெரிவித்தார். தமிழகத்தில் கடுமையாக உயர்ந்து வரும் அத்தியாவசியப் பொருட்களின் விலையைக் கட்டுப்படுத்த நியாயவிலைக் கடைகள் மூலம் பொதுமக்களுக்கு அவற்றை வழங்க முதலமைச்சர் நடவடிக்கை எடுக்க வேண்டும் என்று மனிதநேய மக்கள் கட்சியின் தலைவரும், நாகப்பட்டினம் சட்டமன்ற உறுப்பினருமான பேராசிரியர் முனைவர் எம்.எச். ஜவாஹிருல்லா வலியுறுத்தியுள்ளார்.நெல்லை வண்ணாரப்பேட்டையில் உள்ள சுற்றுலா… Read more: அரிசி பருப்பு, சீனி உள்ளிட்ட அத்தியாவசிய பொருட்களை ரேஷன் மூலம் முதல்வர் விஜய் வழங்க எம்எல்ஏ ஜவாஹிருல்லா கோரிக்கை - காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?திருநெல்வேலி செப்டம்பர் 8, 2026 ; நெல்லை மாவட்டத்தில் கடந்த சில நாட்களாக பகல் நேரங்களில் 104 முதல் 105 டிகிரி பாரன்ஹீட் வரை வெப்பம் சுட்டெரித்து வருகிறது. ஒருபுறம் கொளுத்தும் வெயில்… மறுபுறம் மாலை நேரங்களில் திடீரென பெய்யும் மழை… என நெல்லையில் வானிலை தொடர்ந்து முரண்பாடாக காணப்படுகிறது. உலகளவில் மிகப்பெரிய அச்சுறுத்தலாக உருவெடுத்துள்ள காலநிலை மாற்றத்தின் நேரடி தாக்கமாகவே இதுபோன்ற வானிலை மாற்றங்கள் பார்க்கப்படுகின்றன. இந்த திடீர் வெப்பநிலை மாற்றத்தால், வெளிப்புற தட்பவெப்ப நிலைக்கு… Read more: காலநிலை மாற்றத்தால Zoom ஆன சூரியன் ! கொதிக்கும் வெயில் பாதிப்பிலிருந்து தப்பிக்கிறது எப்படி ?
- “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..41-வது தேசிய கண்தான விழிப்புணர்வு இருவார விழா நிறைவு விழா திருநெல்வேலி, செப்டம்பர் 05,2026 : திருநெல்வேலி டாக்டர் அகர்வால் கண் மருத்துவமனை மற்றும் கண் வங்கி சார்பில் நடைபெற்று வரும் 41-வது தேசிய கண்தான விழிப்புணர்வு இருவார விழாவின் நிறைவு விழா திருநெல்வேலியில் நடைபெற்றது. ஆகஸ்ட் 25 முதல் செப்டம்பர் 8-ஆம் தேதி வரை நடைபெறும் இந்த விழாவின் மூலம் கண்தானத்தின் அவசியம் குறித்து பொதுமக்களிடையே பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. உலகம் முழுவதும்… Read more: “ஓராண்டுக்குத் தேவை 1.5 லட்சம் கருவிழிகள்” – விழிப்புணர்வு பரப்புரையில் அகர்வால் மருத்துவமனை..
- காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..செப்டம்பர் 05, 2026 ; திருநெல்வேலி காவலர் தினத்தை முன்னிட்டு திருநெல்வேலியில் “அரச காவல்” குறும்படம் வெளியீடு… தமிழ்நாடு காவலர் தினத்தை முன்னிட்டு திருநெல்வேலி மேலப்பாளையத்தில் உள்ள அலங்கார் திரையரங்கில் ACS நிறுவனம் தயாரித்து இயக்கியுள்ள “அரச காவல்” குறும்படத்தின் சிறப்புத் திரையிடல் மற்றும் வெளியீட்டு நிகழ்ச்சி நடைபெற்றது. காவல் துறையினரின் பணிச்சுமை, அர்ப்பணிப்பு மற்றும் ஒரு காவலரின் அன்றாட வாழ்க்கையை பொதுமக்கள் உணர்ந்து கொள்ளும் வகையில் உருவாக்கப்பட்டுள்ள இந்தக் குறும்படத்தை, ரெட்டியார்பட்டி சுபாஷ் சந்திரன் எழுதி… Read more: காவலரின் ஒரு நாள் வாழ்க்கையை பிரதிபலிக்கும் ‘அரச காவல்” குறும்படம்..
- “AI தொழில்நுட்பங்கள் மனித ஆற்றலுக்கு முழுமையான மாற்றாகாது” – சந்தீப் நந்தூரி.திருநெல்வேலி : செப்டம்பர் 01, 2026 ; பள்ளிப் பருவமே தனித்திறமைகளை வெளிக்கொணரும் காலம் – சந்தீப் நந்தூரி திருநெல்வேலி:கங்கைகொண்டான் பகுதியில் செயல்பட்டு வரும் நம்ம ஊரு குளோபல் பள்ளியின் ஆண்டு விழா “SYNAPSE 2026”, பள்ளி வளாகத்தில் கோலாகலமாக நடைபெற்றது. விழாவிற்கு பள்ளியின் நிறுவனர் டாக்டர் ஸ்ரீ சண்முகப்பிரியா தலைமை வகித்து வாழ்த்துரை வழங்கினார். பள்ளியின் நிர்வாகக் குழுத் தலைவர் மாரி கார்த்திகேயன் முன்னிலை வகித்தார். ஆண்டு விழாவில் தமிழக அரசின் இளைஞர் நலன் மற்றும்… Read more: “AI தொழில்நுட்பங்கள் மனித ஆற்றலுக்கு முழுமையான மாற்றாகாது” – சந்தீப் நந்தூரி.
