சிறப்பு செய்திகள் , மே 16 : தமிழக அரசியலில் பெரும் எதிர்பார்ப்பை ஏற்படுத்தியிருந்த தமிழக வெற்றிக்கழக அரசின் அமைச்சரவை துறை ஒதுக்கீடு தற்போது வெளியாகி அரசியல் வட்டாரங்களில் தீவிர விவாதத்தை கிளப்பியுள்ளது. குறிப்பாக அனுபவம் மிக்க செங்கோட்டையனுக்கு நிதித்துறை ஒதுக்கப்பட்டிருப்பது அரசின் நிர்வாக அணுகுமுறையை வெளிப்படுத்துவதாக பார்க்கப்படுகிறது. அதே நேரத்தில் பள்ளிக்கல்வி, தமிழ் வளர்ச்சி, தொழில்துறை, கனிம வளம், விளையாட்டு உள்ளிட்ட பல முக்கிய துறைகள் புதிய முகங்களுக்கு வழங்கப்பட்டிருப்பதும் கவனம் ஈர்த்துள்ளது.
முதல்வர் விஜய் தலைமையிலான புதிய ஆட்சியில் யார் எந்த துறையை கவனிக்கப் போகிறார்கள் என்ற கேள்வி கடந்த சில நாட்களாகவே பேசுபொருளாக இருந்து வந்தது. தற்போது வெளியான தகவல்களின் அடிப்படையில், பல முக்கிய துறைகள் முதல்வரின் நேரடி கட்டுப்பாட்டின் கீழ் வைக்கப்பட்டுள்ளன. குறிப்பாக மகளிர் நலன், இளைஞர் நலன், நகராட்சி நிர்வாகம் உள்ளிட்ட முக்கிய துறைகள் முதல்வர் விஜயின் கீழ் இருப்பது அரசியல் ரீதியாகவும் நிர்வாக ரீதியாகவும் முக்கியமான சிக்னலாக பார்க்கப்படுகிறது.
செங்கோட்டையனுக்கு நிதித்துறை.. அனுபவத்திற்கு கிடைத்த முக்கியத்துவம்
அமைச்சரவை அமைப்பில் அதிக கவனம் பெற்ற முடிவுகளில் ஒன்றாக செங்கோட்டையனுக்கு நிதித்துறை ஒதுக்கப்பட்டிருப்பது பார்க்கப்படுகிறது. புதிய அமைச்சர்களால் நிரம்பியுள்ள இந்த அமைச்சரவையில் நீண்டகால அரசியல் மற்றும் நிர்வாக அனுபவம் கொண்ட ஒருவராக செங்கோட்டையன் இருப்பதால், நிதி சார்ந்த சவால்களை கையாள அவரே பொருத்தமான தேர்வு என அரசியல் விமர்சகர்கள் கருதுகின்றனர்.
ALso read : முதல்வர் விஜய்யுடன் கமல்ஹாசன் திடீர் சந்திப்பு
பதவியேற்பு நிகழ்ச்சியிலேயே தமிழ்நாட்டின் நிதிநிலை குறித்து முதல்வர் விஜய் குறிப்பிட்டிருந்தார். மாநிலத்தின் கடன் நிலை, வெள்ளை அறிக்கை வெளியிடும் திட்டம், பெண்களுக்கு ரூ.2500 வழங்கும் திட்டம் போன்ற பெரிய அறிவிப்புகள் வெளியான நிலையில், அதற்கான நிதி மேலாண்மை மிகப்பெரிய சவாலாக இருக்கும் சூழல் உருவாகியுள்ளது. இந்த நிலையில் தரவுகளோடு பேசக்கூடிய, நிர்வாக அனுபவம் உள்ள நபராக செங்கோட்டையன் தேர்வு செய்யப்பட்டிருப்பது அரசின் முக்கியமான தீர்மானமாக பார்க்கப்படுகிறது.
ராஜ்மோகனுக்கு பள்ளிக்கல்வி மற்றும் தமிழ் வளர்ச்சி
தமிழ் வளர்ச்சி துறையும் பள்ளிக்கல்வித்துறையும் ராஜ்மோகனுக்கு ஒதுக்கப்பட்டிருப்பது மற்றொரு முக்கிய அம்சமாக மாறியுள்ளது. அரசியலுக்கு புதியவராக இருந்தாலும், பேச்சாற்றலால் கவனம் பெற்றவர் என்ற அடிப்படையில் இந்த துறைகள் அவருக்கு பொருத்தமாக இருக்கும் என கூறப்படுகிறது.
தமிழ் வளர்ச்சி துறையின் கீழ் ஆண்டுதோறும் நடத்தப்படும் பேச்சுப் போட்டிகள், இலக்கிய நிகழ்ச்சிகள், மொழி சார்ந்த திட்டங்கள் போன்றவை முக்கியத்துவம் வாய்ந்தவை. குறிப்பாக முன்னாள் தலைவர்களின் நினைவு தினங்களோடு இணைந்த நிகழ்வுகள் தொடர்ந்து நடத்தப்பட்டு வந்த நிலையில், இனி அந்த துறையில் என்ன மாற்றங்கள் வரும் என்பது கவனிக்கப்படுகிறது.
அதேபோல் பள்ளிக்கல்வித்துறை தமிழ்நாட்டின் எதிர்கால தலைமுறையை வடிவமைக்கும் முக்கிய துறையாக பார்க்கப்படுகிறது. கடந்த ஆட்சியில் அன்பில் மகேஷ் கவனித்த இந்த துறையில், மாநில கல்விக் கொள்கை, அரசு பள்ளி மேம்பாடு, தமிழ் மொழி சார்ந்த பாடத்திட்டங்கள் உள்ளிட்ட பல விஷயங்கள் முக்கியமாக இருக்கும் சூழலில் ராஜ்மோகனின் செயல்பாடு எதிர்பார்ப்பை ஏற்படுத்தியுள்ளது.
முதல்வர் விஜயின் நேரடி கட்டுப்பாட்டில் முக்கிய துறைகள்
தேர்தல் பிரச்சாரத்தின் போதே பெண்கள் பாதுகாப்பு, இளைஞர் நலன் போன்ற துறைகளை நேரடியாக கவனிப்பேன் என்று முதல்வர் விஜய் கூறியிருந்தார். தற்போது அந்த வாக்குறுதிக்கேற்ப மகளிர் நலன் உள்ளிட்ட துறைகள் அவரது கட்டுப்பாட்டின் கீழ் வந்துள்ளன.
“சிங்கப் பெண்கள் பாதுகாப்பு படை” போன்ற அறிவிப்புகள் ஏற்கனவே வெளியிடப்பட்ட நிலையில், பெண்களுக்கு எதிரான குற்றங்கள், போதைப்பொருள் பிரச்சினைகள், சட்டம்-ஒழுங்கு விவகாரங்கள் ஆகியவற்றில் அரசு நேரடி கவனம் செலுத்தும் என்ற சிக்னலை இந்த துறை ஒதுக்கீடு வெளிப்படுத்துவதாக பார்க்கப்படுகிறது.
அதே நேரத்தில் நகராட்சி நிர்வாகம் போன்ற மிகப்பெரிய துறைகளும் தற்போது முதல்வரின் கீழ் இருப்பதால், இது தற்காலிக ஏற்பாடாக இருக்கலாம் என்றும், அமைச்சரவை விரிவாக்கத்தின் போது சில துறைகள் பிரித்து வழங்கப்படலாம் என்றும் அரசியல் வட்டாரங்கள் கருதுகின்றன.
ஆதவ் அர்ஜுனாவுக்கு விளையாட்டு துறை
கடந்த ஆட்சியில் உதயநிதி ஸ்டாலின் கவனித்த விளையாட்டு துறை தற்போது ஆதவ் அர்ஜுனாவுக்கு ஒதுக்கப்பட்டுள்ளது. விளையாட்டு அமைப்புகளில் முன்பே பொறுப்புகள் வகித்த அனுபவம், விளையாட்டு வீரர்களோடு நேரடி தொடர்பு, மாநிலம் முழுவதும் விளையாட்டு நிகழ்ச்சிகளில் பங்கேற்ற அனுபவம் ஆகிய காரணங்களால் அவர் இந்த துறைக்கு பொருத்தமானவர் என பார்க்கப்படுகிறது.
குறிப்பாக “ஒரு தொகுதிக்கு ஒரு மினி ஸ்டேடியம்” போன்ற திட்டங்கள் கடந்த ஆட்சியின் இறுதிக்கட்டத்தில் முன்னெடுக்கப்பட்ட நிலையில், அவற்றை தொடர்ச்சியாக செயல்படுத்த வேண்டிய பொறுப்பு தற்போதைய அரசுக்கு உள்ளது.
கீர்த்தனா, டாக்டர் பிரபு மீது கூடுதல் கவனம்
இந்த அமைச்சரவையில் அதிக கவனம் பெற்றவர்களில் கீர்த்தனா மற்றும் டாக்டர் பிரபு முக்கியமானவர்கள். கீர்த்தனாவுக்கு தொழில்துறை வழங்கப்பட்டிருப்பது பெரிய பொறுப்பாக பார்க்கப்படுகிறது. ஏற்கனவே சில சர்ச்சைகளில் பெயர் இடம்பெற்றிருந்த நிலையில், தொழில்துறை போன்ற மாநில வளர்ச்சியை தீர்மானிக்கும் துறையை அவர் எப்படி கையாளப் போகிறார் என்பது எதிர்பார்ப்பை ஏற்படுத்தியுள்ளது.
மற்றொரு பக்கம், டாக்டர் பிரபுவுக்கு கனிம வளத்துறை ஒதுக்கப்பட்டுள்ளது. இயற்கை வளங்கள், சுற்றுச்சூழல், கனிம வள மேலாண்மை ஆகியவை நேரடியாக தொடர்புடைய இந்த துறை மிகுந்த பொறுப்புடையதாக பார்க்கப்படுகிறது. குறிப்பாக சுற்றுச்சூழல் பாதுகாப்பு குறித்து தொடர்ந்து குரல் கொடுத்த சீமானை காரைக்குடியில் தோற்கடித்த பின்னணியில், டாக்டர் பிரபுவின் செயல்பாடுகள் அதிக கவனத்தை பெறலாம் என கூறப்படுகிறது.
அமைச்சரவை விரிவாக்கம் அவசியமா?
தற்போதைய அமைச்சரவை இன்னும் முழுமையான அமைப்பாக இல்லை என்ற கருத்தும் வலுப்பெற்று வருகிறது. பல துறைகளில் ஆயிரக்கணக்கான கோப்புகள் நிலுவையில் இருப்பதாக தகவல்கள் வெளியாகும் நிலையில், அமைச்சரவை விரிவாக்கம் அவசியம் என்ற கருத்து முன்வைக்கப்படுகிறது.
கடந்த இரண்டு நாட்களாக பல அரசு மருத்துவமனைகளில் தமிழக வெற்றிக்கழக எம்.எல்.ஏக்கள் ஆய்வு மேற்கொண்டதும் கவனம் பெற்றுள்ளது. அமைச்சர்கள் முழுமையாக பொறுப்பேற்ற பின்னரே துறைகள் வேகமாக இயங்கும் சூழல் உருவாகும் என்பதால், விரைவில் அமைச்சரவை விரிவாக்கம் நடைபெறலாம் என்ற எதிர்பார்ப்பு உருவாகியுள்ளது.
- மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ்
சென்னை , ஜூன் 10 : காவிரி நதியின் குறுக்கே மேகதாது என்ற இடத்தில் புதிய அணையைக் கட்டுவதற்குத் தமிழக அரசின் அனுமதி இல்லாமல் கர்நாடக அரசு விரிவான திட்ட அறிக்கை (DPR) தயாரித்திருப்பது முற்றிலும் சட்டவிரோதமானது என்றும் இதற்கு மத்திய அரசு அனுமதி வழங்கக் கூடாது என்றும் பாட்டாளி மக்கள் கட்சியின் தலைவர் மருத்துவர் அன்புமணி ராமதாஸ் வலியுறுத்தியுள்ளார். சென்னையில் செய்தியாளர்களைச் சந்தித்த அவர் தமிழகம் சந்தித்து வரும் பல்வேறு பொதுப் பிரச்சினைகள் மற்றும் உரிமைகள்… Read more: மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ் - நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு
திருநெல்வேலி , ஜூன் 10 : தென்னக ரயில்வேயின் மதுரை கோட்டத்தில் அதிக வருவாய் ஈட்டித் தரும் முக்கிய ரயில் நிலையங்களில் ஒன்றாக விளங்கும் திருநெல்வேலி சந்திப்பு ரயில் நிலையத்தில் புதிதாக அமைக்கப்பட்டு வரும் ஆறாவது நடைமேடை வரும் ஜூலை மாதத்தில் பயணிகளின் பயன்பாட்டுக்கு கொண்டு வரப்படும் என்று ரயில்வே அதிகாரிகள் தெரிவித்துள்ளனர். இதையொட்டி அங்கு மேற்கொள்ளப்பட்டு வரும் இறுதிக்கட்டப் பணிகளை உயர்மட்ட அதிகாரிகள் குழுவினர் நேரில் பார்வையிட்டு விரிவான கள ஆய்வு மேற்கொண்டனர். நெல்லை சந்திப்பு… Read more: நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு - இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை
சிறப்பு செய்தி , ஜூன் 10 : மேற்காசிய பிராந்தியத்தில் தொடர்ந்து நீடித்து வரும் தீவிரப் போர் பதற்றங்கள் மற்றும் அண்டை நாடுகளான சீனா, பாகிஸ்தான் எல்லையில் ஏற்பட்டுள்ள பாதுகாப்பு அச்சுறுத்தல்களுக்கு மத்தியில் இந்தியா தனது அணு ஆயுத மேலாண்மை வியூகத்தில் மிக முக்கிய நடைமுறை மாற்றங்களை மேற்கொண்டுள்ளதாக ஸ்டாக்ஹோம் சர்வதேச அமைதி ஆராய்ச்சி நிறுவனம் (SIPRI) தனது புதிய அறிக்கையில் தெரிவித்துள்ளது. சர்வதேச அளவில் ஆயுதக் குறைப்பு மற்றும் பாதுகாப்பு விவகாரங்களை ஆய்வு செய்யும் இந்த… Read more: இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை - பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு
புதுடெல்லி , ஜூன் 10 : தமிழக முதலமைச்சர் சி.ஜோசப் விஜய் மூன்று நாள் அரசுமுறைப் பயணமாக டெல்லி சென்றுள்ளார். அங்கு பல்வேறு அரசியல் தலைவர்கள், குடியரசுத் தலைவர் மற்றும் நாட்டின் முக்கியப் பொறுப்புகளில் உள்ளவர்களைச் சந்திக்க அவர் திட்டமிட்டுள்ளார். கடந்த முறை டெல்லி சென்றிருந்தபோது பிரதமர் நரேந்திர மோடியை மிகக் குறுகிய நேரமே சந்தித்ததாகவும், நிதி அமைச்சர் நிர்மலா சீதாராமனை மட்டுமே சந்தித்ததாகவும் எழுந்த விமர்சனங்களுக்கு விடையளிக்கும் வகையில் இந்த முறை அவரது பயணத் திட்டம்… Read more: பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு - கோவை சூலூர் சிறுமி கொலை வழக்கு – மெகா திருப்பம்.
கோவை , June 10 : கோவை மாவட்டம் சூலூர் பகுதியில் 10 வயது சிறுமி பாலியல் வன்கொடுமை செய்யப்பட்டு படுகொலை செய்யப்பட்ட வழக்கில், விசாரணை தொடங்கப்பட்ட 21-வது நாளிலேயே காவல் துறையினர் நீதிமன்றத்தில் குற்றப்பத்திரிகையைத் தாக்கல் செய்துள்ளனர். தமிழகத்தையே உலுக்கிய இந்த அதிர்ச்சி சம்பவத்தில், அறிவியல் பூர்வமான ஆதாரங்களுடன் இந்த முதற்கட்ட குற்றப்பத்திரிகை சமர்ப்பிக்கப்பட்டுள்ளது. சூலூர் அருகே கடந்த மாதம் 21-ஆம் தேதி 10 வயது சிறுமி ஒருவர் பாலியல் வன்கொடுமைக்கு உள்ளாக்கப்பட்டு மிகக் கொடூரமான… Read more: கோவை சூலூர் சிறுமி கொலை வழக்கு – மெகா திருப்பம்.
