Trichy , May 20: கிட்னி திருட்டு வழக்கு : நாமக்கல், திருச்சி, ஈரோடு உள்ளிட்ட பகுதிகளில் நடந்ததாக கூறப்படும் கிட்னி திருட்டு வழக்கை தமிழக சுகாதாரத்துறை மீண்டும் விசாரணைக்கு எடுத்துள்ளது.
தமிழகத்தை அதிரவைத்த கிட்னி திருட்டு மற்றும் சட்டவிரோத கிட்னி விற்பனை விவகாரம் மீண்டும் பரபரப்பை ஏற்படுத்தியுள்ளது. தேர்தல் காலத்தால் தற்காலிகமாக நிறுத்தி வைக்கப்பட்டிருந்த விசாரணையை, தற்போது தமிழக சுகாதாரத்துறை மீண்டும் கையில் எடுத்துள்ளது. தமிழ்நாடு மருத்துவம் மற்றும் ஊரக நலப்பணிகள் இயக்குநர் சித்ரா தலைமையில் இந்த விசாரணை மீண்டும் தொடங்கப்பட்டுள்ளதாக தகவல்கள் வெளியாகியுள்ளன.
குறிப்பாக, கடந்த ஆட்சிக்காலத்தில் நாமக்கல் மாவட்டம் பள்ளிப்பாளையம், திருச்சி, ஈரோடு மற்றும் அதனைச் சுற்றிய பகுதிகளில் ஏழை தொழிலாளர்களை குறிவைத்து சட்டவிரோதமாக கிட்னி அகற்றப்பட்டு விற்பனை செய்யப்பட்டதாக எழுந்த குற்றச்சாட்டுகள் தமிழகம் முழுவதும் பெரும் அதிர்ச்சியை ஏற்படுத்தியிருந்தன. இந்த விவகாரம் தொடர்பாக வழக்குகள் பதிவு செய்யப்பட்டதுடன், மூன்று பேர் கைது செய்யப்பட்டிருந்ததும் அப்போது பரபரப்பை ஏற்படுத்தியது.
Also read; நெல்லை பழவூர் அருகே பாதயாத்திரை பக்தர்கள் மீது கார் மோதி 2 சிறுவர்கள் பலி
தேர்தல் நடவடிக்கைகள் காரணமாக விசாரணை சில மாதங்கள் மந்தமான நிலையில் இருந்ததாக கூறப்படும் சூழலில், தற்போது மீண்டும் எந்தத் தொய்வும் இல்லாமல் விசாரணையை தீவிரப்படுத்த தமிழக சுகாதாரத்துறை உத்தரவு பிறப்பித்துள்ளது. இந்த விவகாரத்தில் சம்பந்தப்பட்ட அனைவரிடமும் விரிவான விசாரணை நடத்த அதிகாரிகளுக்கு அறிவுறுத்தப்பட்டுள்ளதாக கூறப்படுகிறது.
நாமக்கல் மாவட்டத்தைச் சேர்ந்த விசைத்தறி தொழிலாளர்களிடம் கிட்னி மோசடி நடைபெற்றதாக முன்பு வெளிவந்த தகவல்கள் பெரும் கவலையை ஏற்படுத்தியிருந்தன. பொருளாதார ரீதியாக பாதிக்கப்பட்ட தொழிலாளர்கள் குறிவைக்கப்பட்டதாக கூறப்படும் இந்த வழக்கில், இடைத்தரகர்கள் மூலம் ஏமாற்றப்பட்டு பலர் சட்டவிரோத அறுவை சிகிச்சைக்கு உட்படுத்தப்பட்டிருக்கலாம் என்ற சந்தேகமும் எழுந்திருந்தது.
இதனிடையே, புதிய அரசு பொறுப்பேற்ற பிறகு, இந்த விவகாரத்தில் மீண்டும் தீவிர நடவடிக்கை எடுக்க வேண்டும் என்ற கோரிக்கைகள் பல தரப்பிலிருந்து எழுந்ததாக தகவல்கள் தெரிவிக்கின்றன. அதனைத் தொடர்ந்து தமிழ்நாடு மருத்துவம் மற்றும் மக்கள் நல்வாழ்வுத்துறை அதிகாரிகள் இந்த வழக்கை மறுபரிசீலனை செய்து மீண்டும் விசாரணை தொடங்கியுள்ளனர்.
இந்த விசாரணை தற்போது நாமக்கல், பள்ளிப்பாளையம், திருச்சி மற்றும் ஈரோடு மாவட்டங்களுக்குள் மட்டும் கட்டுப்படுத்தப்படாமல், மற்ற மாவட்டங்களிலும் இதுபோன்ற சட்டவிரோத கிட்னி அகற்றும் சம்பவங்கள் நடைபெற்றுள்ளனவா என்பது தொடர்பாகவும் ஆய்வு செய்யப்படுகிறது. இதற்காக தனி விசாரணை அதிகாரி நியமிக்கப்பட்டுள்ளதாகவும் தகவல்கள் வெளியாகியுள்ளன.
மருத்துவர்கள், செவிலியர்கள், மருத்துவ பணியாளர்கள், இடைத்தரகர்கள் உள்ளிட்ட யார் இதில் தொடர்புடையவர்களாக இருந்தாலும், அவர்கள் மீது சட்டப்படி கடுமையான நடவடிக்கை எடுக்கப்படும் என சுகாதாரத்துறை தரப்பில் தெரிவிக்கப்பட்டுள்ளதாக கூறப்படுகிறது. மருத்துவ அமைப்பின் நம்பகத்தன்மையை பாதிக்கும் வகையில் இந்த குற்றச்சாட்டுகள் இருப்பதால், விசாரணை மிகுந்த கவனத்துடன் முன்னெடுக்கப்படுவதாகவும் அதிகாரிகள் தெரிவித்துள்ளனர்.
இந்த விவகாரம் தமிழக எல்லைகளைத் தாண்டியும் பரவலாக பேசப்படும் நிலையில், மகாராஷ்டிரா மாநிலத்தைச் சேர்ந்த சில விவசாயிகள் தரப்பிலிருந்தும் புகார்கள் வந்துள்ளதாக தகவல்கள் வெளியாகியுள்ளன. தமிழகத்தைச் சேர்ந்த கும்பலின் துணையுடன் கிட்னி திருட்டு சம்பவங்கள் நடந்திருக்கலாம் என மகாராஷ்டிரா தரப்பில் குற்றச்சாட்டுகள் முன்வைக்கப்பட்டுள்ளதால், அந்த மாநிலத்தைச் சேர்ந்த பாதிக்கப்பட்டவர்களிடமும் விசாரணை மேற்கொள்ளப்பட உள்ளது.
இதனுடன் தொடர்புடையதாக கூறப்படும் சில மருத்துவமனைகள் மீதும் மீண்டும் விசாரணை தீவிரப்படுத்தப்பட்டுள்ளது. குறிப்பாக திருச்சி மற்றும் பெங்களூரில் செயல்பட்டு வரும் தனலட்சுமி சீனிவாசன் மருத்துவ கல்லூரி மருத்துவமனை மற்றும் திருச்சியில் உள்ள சிதம்பரம் மருத்துவமனை உள்ளிட்ட சில மருத்துவ நிறுவனங்களில் நடைபெற்றதாக கூறப்படும் சிறுநீரக அறுவை சிகிச்சைகள் தொடர்பாக அதிகாரிகள் மீண்டும் ஆவணங்களை ஆய்வு செய்து வருகின்றனர்.
இந்த மருத்துவமனைகளில் நடைபெற்ற அறுவை சிகிச்சைகள் விதிமுறைகளுக்கு உட்பட்டவையா, நோயாளிகளின் ஒப்புதல் முறையாக பெறப்பட்டதா, இடைத்தரகர்கள் மூலம் சட்டவிரோத பண பரிவர்த்தனைகள் நடந்துள்ளனவா என்பதையும் அதிகாரிகள் ஆய்வு செய்து வருவதாக கூறப்படுகிறது. ஏற்கனவே சில மருத்துவமனைகளுக்கு சிறுநீரக மாற்று அறுவை சிகிச்சை மேற்கொள்ள தடை விதிக்கப்பட்டிருந்த நிலையில், தற்போது அந்த நடவடிக்கைகள் மீண்டும் கவனத்திற்கு கொண்டு வரப்பட்டுள்ளன.
கிட்னி திருட்டு விவகாரம் என்பது ஒரு சாதாரண குற்றச்சாட்டு மட்டுமல்ல; மருத்துவ துறையின் நம்பகத்தன்மை, ஏழை மக்களின் பாதுகாப்பு மற்றும் சட்ட அமைப்பின் செயல்திறன் ஆகியவற்றை நேரடியாக கேள்விக்குள்ளாக்கும் விவகாரமாக பார்க்கப்படுகிறது. குறிப்பாக பொருளாதார நெருக்கடியில் இருக்கும் தொழிலாளர்கள் குறிவைக்கப்பட்டதாக வெளியாகும் தகவல்கள் சமூக ரீதியாகவும் கடும் அதிர்வை ஏற்படுத்தியுள்ளன.
- மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ்
சென்னை , ஜூன் 10 : காவிரி நதியின் குறுக்கே மேகதாது என்ற இடத்தில் புதிய அணையைக் கட்டுவதற்குத் தமிழக அரசின் அனுமதி இல்லாமல் கர்நாடக அரசு விரிவான திட்ட அறிக்கை (DPR) தயாரித்திருப்பது முற்றிலும் சட்டவிரோதமானது என்றும் இதற்கு மத்திய அரசு அனுமதி வழங்கக் கூடாது என்றும் பாட்டாளி மக்கள் கட்சியின் தலைவர் மருத்துவர் அன்புமணி ராமதாஸ் வலியுறுத்தியுள்ளார். சென்னையில் செய்தியாளர்களைச் சந்தித்த அவர் தமிழகம் சந்தித்து வரும் பல்வேறு பொதுப் பிரச்சினைகள் மற்றும் உரிமைகள்… Read more: மேகதாது அணை விவகாரம்: தமிழகத்தின் அனுமதியின்றி கர்நாடகா செயல்படுவது சட்டவிரோதம் – அன்புமணி ராமதாஸ் - நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு
திருநெல்வேலி , ஜூன் 10 : தென்னக ரயில்வேயின் மதுரை கோட்டத்தில் அதிக வருவாய் ஈட்டித் தரும் முக்கிய ரயில் நிலையங்களில் ஒன்றாக விளங்கும் திருநெல்வேலி சந்திப்பு ரயில் நிலையத்தில் புதிதாக அமைக்கப்பட்டு வரும் ஆறாவது நடைமேடை வரும் ஜூலை மாதத்தில் பயணிகளின் பயன்பாட்டுக்கு கொண்டு வரப்படும் என்று ரயில்வே அதிகாரிகள் தெரிவித்துள்ளனர். இதையொட்டி அங்கு மேற்கொள்ளப்பட்டு வரும் இறுதிக்கட்டப் பணிகளை உயர்மட்ட அதிகாரிகள் குழுவினர் நேரில் பார்வையிட்டு விரிவான கள ஆய்வு மேற்கொண்டனர். நெல்லை சந்திப்பு… Read more: நெல்லை ரயில் நிலைய 6-வது நடைமேடை ஜூலையில் திறப்பு: அதிகாரிகள் ஆய்வு - இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை
சிறப்பு செய்தி , ஜூன் 10 : மேற்காசிய பிராந்தியத்தில் தொடர்ந்து நீடித்து வரும் தீவிரப் போர் பதற்றங்கள் மற்றும் அண்டை நாடுகளான சீனா, பாகிஸ்தான் எல்லையில் ஏற்பட்டுள்ள பாதுகாப்பு அச்சுறுத்தல்களுக்கு மத்தியில் இந்தியா தனது அணு ஆயுத மேலாண்மை வியூகத்தில் மிக முக்கிய நடைமுறை மாற்றங்களை மேற்கொண்டுள்ளதாக ஸ்டாக்ஹோம் சர்வதேச அமைதி ஆராய்ச்சி நிறுவனம் (SIPRI) தனது புதிய அறிக்கையில் தெரிவித்துள்ளது. சர்வதேச அளவில் ஆயுதக் குறைப்பு மற்றும் பாதுகாப்பு விவகாரங்களை ஆய்வு செய்யும் இந்த… Read more: இந்திய அணு ஆயுதக் கொள்கையில் மாற்றமா? ஏவுகணைகளுடன் பொருத்தப்பட்ட போர்க்கப்பல்கள் – சிப்ரி ஆய்வறிக்கை - பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு
புதுடெல்லி , ஜூன் 10 : தமிழக முதலமைச்சர் சி.ஜோசப் விஜய் மூன்று நாள் அரசுமுறைப் பயணமாக டெல்லி சென்றுள்ளார். அங்கு பல்வேறு அரசியல் தலைவர்கள், குடியரசுத் தலைவர் மற்றும் நாட்டின் முக்கியப் பொறுப்புகளில் உள்ளவர்களைச் சந்திக்க அவர் திட்டமிட்டுள்ளார். கடந்த முறை டெல்லி சென்றிருந்தபோது பிரதமர் நரேந்திர மோடியை மிகக் குறுகிய நேரமே சந்தித்ததாகவும், நிதி அமைச்சர் நிர்மலா சீதாராமனை மட்டுமே சந்தித்ததாகவும் எழுந்த விமர்சனங்களுக்கு விடையளிக்கும் வகையில் இந்த முறை அவரது பயணத் திட்டம்… Read more: பிரதமர் விருந்தில் முதல்வர் விஜய்: டெல்லியில் கூட்டணித் தலைவர்களுடன் முக்கிய சந்திப்பு - கோவை சூலூர் சிறுமி கொலை வழக்கு – மெகா திருப்பம்.
கோவை , June 10 : கோவை மாவட்டம் சூலூர் பகுதியில் 10 வயது சிறுமி பாலியல் வன்கொடுமை செய்யப்பட்டு படுகொலை செய்யப்பட்ட வழக்கில், விசாரணை தொடங்கப்பட்ட 21-வது நாளிலேயே காவல் துறையினர் நீதிமன்றத்தில் குற்றப்பத்திரிகையைத் தாக்கல் செய்துள்ளனர். தமிழகத்தையே உலுக்கிய இந்த அதிர்ச்சி சம்பவத்தில், அறிவியல் பூர்வமான ஆதாரங்களுடன் இந்த முதற்கட்ட குற்றப்பத்திரிகை சமர்ப்பிக்கப்பட்டுள்ளது. சூலூர் அருகே கடந்த மாதம் 21-ஆம் தேதி 10 வயது சிறுமி ஒருவர் பாலியல் வன்கொடுமைக்கு உள்ளாக்கப்பட்டு மிகக் கொடூரமான… Read more: கோவை சூலூர் சிறுமி கொலை வழக்கு – மெகா திருப்பம்.
